ارجو من الاخوان في قطر الدخول (انتاج مزرعة السيليه)

[ابوخالد--]

السلام عليكم
شحالكم يا اخوان
هالسنة شفت جيره انتاج السيليه فروخ وما شاء الله تبارك الله والله يرزق اهلها عدد ريشها
بغيت معلومات عنها لاني بحثت بالنت وما لقيت شي
بغيت تلفوناتهم موقعهم في قطر او الايميل

تحياتي

[بوعبدالله]

أخي الكريم
شفت موضوعك من فترة ودورت معلومات عن المزرعة
لكن للأسف مع اني من قطر وماحصلت شي
وسألت بعض الأصحاب وأفادني صديق بأن أنتاج المزرعة ليس مخصص للبيع حسب ماقال .

[راكان1000]

ابشر يراعى الموضوع بعطيك الخبر ان شاء الله انتاج المزرعه قليل جدا والسنه اللى فاتت حوالى 37 طير قراميش حرار خذها واحد من السعوديه

[ابولزام]

السلام عليكم ورحمة الله وبركاته
اخوي الكريم مزرعة السيلية مزرعه خاصه واول انتاج لها هذا العام وكان انتاجها طيب وربي وفقني فيها والحمدلله وانتاجها قليل لانها تنتج طيور نادره ولابد يكون فيه معرفه لان انتاجها ياخذونه الشيوخ فقط مع العلم انها انتجت طيور تامه وليست قراميش واللي يبا يتاكد يتفضل عندي ومرحبا ومسهلا بالجميع ........

وتقبلو تحياتي واحترامي ...

[راكان1000]

اخوى ابولزام لا تفهمنى غلط انا اتكلم على الطيور اللى عرضت للبيع السنه اللى فاتت كلها ميل male والطيور الكبار راحت للشيوخ والمقربين من صاحب المزرعة

[ابولزام]

اخوى ابولزام لا تفهمنى غلط انا اتكلم على الطيور اللى عرضت للبيع السنه اللى فاتت كلها ميل male والطيور الكبار راحت للشيوخ والمقربين من صاحب المزرعة



مساك الله بالخير اخوي راكان

انا فاهمك ياخوي ولكن انا حبيت اوضح لك وللاخوه المتابعين عن انتاج هذه المزرعة بشكل عام حسب معرفتي والمعلومات اللتي لدي لان انتاجها قليل جدا وانتاجها كما سبق لي ذكره بأنه محصور لااشخاص معينين او بالاخص للشيوخ والمزرعه ايضا تابعه لااحد افراد الاسره المالكه لذالك اخي راكان حبيت اني اوضح لك وللجميع هذه النقطه

ودمت بكل ود واحترام .....

[ابوخالد--]

أخي الكريم
شفت موضوعك من فترة ودورت معلومات عن المزرعة
لكن للأسف مع اني من قطر وماحصلت شي
وسألت بعض الأصحاب وأفادني صديق بأن أنتاج المزرعة ليس مخصص للبيع حسب ماقال .

حياك الله يا ابو عبدالله ما قصرت تعبناك معنا و ان شاء يفيدوني ويفيدونك الاخوان هنا
ومثل ما قلت انت فعلا مالهم عنوان واضح

[ابوخالد--]

ابشر يراعى الموضوع بعطيك الخبر ان شاء الله انتاج المزرعه قليل جدا والسنه اللى فاتت حوالى 37 طير قراميش حرار خذها واحد من السعوديه

تبشر بالجنه و من يقراء واغلب الظن كلامك صحيح لان الطيور اللي شفتها واضح انها جيرة حرار

[ابوخالد--]

السلام عليكم ورحمة الله وبركاته
اخوي الكريم مزرعة السيلية مزرعه خاصه واول انتاج لها هذا العام وكان انتاجها طيب وربي وفقني فيها والحمدلله وانتاجها قليل لانها تنتج طيور نادره ولابد يكون فيه معرفه لان انتاجها ياخذونه الشيوخ فقط مع العلم انها انتجت طيور تامه وليست قراميش واللي يبا يتاكد يتفضل عندي ومرحبا ومسهلا بالجميع ........

وتقبلو تحياتي واحترامي ...
ابو لزام الله يبارك لك بمطنوخ حضرت هدده و مشاء الله عليه وكلامك صحيح الطير تام ربي يطرح لك فيه البركه ويرزقك عدد ريشه
لكن اتفق مع راكان بخصوص الطيور اللي انباعت على الرجال من السعودية لاني حصلت واحد عند ثقل العتيبي وما وصله الطير الا من التاجر

[ابوخالد--]

يا اخوان ماقصرتو جميع ولا هنتو
لكن انا بحثي عن العنوان او ارقام هواتف للمزرعة وبعد التواصل بفيدكم بتقرير عنها
مع العلم اني حتى الا افضل الطير الاصيل على الجير
*ملاحظة هامه: الموضوع ليس دعاية للمزرعة وانتاجها لانه مو كل انتاجها بيجي ظفر وهداد، الملاحظة نوهت عنا عشان محد يتهور اذا حصل انتاج المزرعة بالسوق ويعطيه فوق قيمته ويندم