مشكلة مبرد قير الباترول الفتك الاتوماتيك وخلط الزيت مع ماء الرديتر

[بن صقران]

بسم الله الرحمن الرحيم
السلام عليكم ورحمة الله وبركاته، اخواني اصحاب الباترول الفتك ، لايخفى عليكم مشكلة مبرد القير التبترونيك اذا ضرب وتأثيره على القير ولذلك حبيت اشاركم تجربتي والتي ساحاول اختصارها مع ذكر ماقد ينفعكم فقد قدر الله علي قبل فتره بوقت الظهرية في الرياض على سيارتي الفتك 2002 وارتفعت الحرارة فجأه الى H فقمت بايقاف السيارة وشلتها بسطحه للصناعية وتبين ان المبرد ضرب وخلط ماء مع الزيت !!
وكخطوة اولى يجب تغيير المبرد !!
فتذكرت رديتري القديم المبروك الذي خدم 5 سنوات وبدلته كنوع من الصيانه والمحافظه على السيارة وجاء وقته فقمنا باستبدال المبرد وشغلت السيارة والحرارة طبيعيه ولله الحمد.
الخطوة الثانية تبديل زيت القير خاصة انه قد لاحظت وجود زيت القير بالرديتر فيجب غسيل القير flush لازالة الماء من داخله قبل حدوث مشكلة لا سمح الله، المشكلة اني بحث عن زيت نيسان الاصلي الخاص بالفتك NISSAN MATIC J ولم اجده واتصلت بمدير الصيانة لدى الحمراني سابقا المهندس زياد وافاد بان الزيت كان منقطع اخر فترة عمله بالحمراني ولا يعلم شى عنه الان ونصحني بمحاولة البحث عند ون ستوب.
وعند بحثي بين فروع ون ستوب التابعه للحمراني وجدت زيت بديل شبيه بزيت النيسان وهو زيت فوكس تيتان 4400 fucs titan ATF وسعر لتره 50 ريال فقط .
وذكر العامل انه قد بدله اكثر من مره خصوصا بعد انقطاع الزيت وعلى سيارات اجدد من سيارتي مثل ارمادا 2005.
بعدها حاولت الاتصال بكذا فني ولم اجد منهم اجابه لعدم معرفتهم بهذا الزيت وهذا صورة توضح الزيت

http://imageshack.com/a/img198/8901/6avg.jpg

ومن مواصفاته انه مطابق ل NISSAN MATIC C/D/J يعني بتاع كلوه .

http://imageshack.com/a/img268/1135/h9s0.jpg

المهم توكلت على الله وقلت للعامل عبي لسببين:
وهما ان الزيت لغسيل القير فقط وسوف اتخلص منه بعد فتره .
والسبب الثاني اني بحاجة السيارة ولا اقدر اوقفها لين احصل الزيت الاصلي.

فكينا السره وكان الحمدلله الماء قليل جدا ولم يؤثر على القير. استعملنا 2 لتر لدفع الزيت القديم المختلط بالماء ونظفنا الكرتير والفلتر بالبنزبن وعبينا زيت فوكس قرابة 6 لتر وبسم الله شغلت السيارة وكل شي تمام .

بعد ذلك اتصلت باحد خبراء الفتك مهندس سعودي وذكرت له اللي سويت واني باذن الله بعد 3 الاف كيلو بغيير الزيت واشار علي جزاه الله خير ان امشي 10 الاف وبعدين اغيره، اخوكم ماصدق ومحطت الموتر 12 الف كيلو بزيت فوكس واللي ماشاء الله تبارك الله لم يفرق معي ابدا عن زيت الوكاله لكني لا انصح به الا اذا كنت مثلي بتغسل القير وتمشي الحال مؤقتا .

جاء وقت تبديل الزيت لكن المشكلة!! لازال زيت ماتيك جي الاصلي غير متوفر الا عند ورشتين بالصناعية والسعر 100 ريال للتر ولعدم ثقتي بالورش الله العالم هو زيت اصلي ولا اي سي ديلكو معبينه بجوالين نيسان واللتر ب100 تركتهم.
والعيسى عنده زيت ماتيك اس الجديد والمخصص للباترول الجديد ولا يبيعه . مريت ون ستوب ولا حصلت عندهم الا ماتيك اس وذكر لي ان ماتك جي ماعاد يجي وان ماتك اس نفسه بس مطور ويتحمل درجات حرارة عالية والله اني احترت وقمت ادور بالنت عن حل ولم اجد الا ان ماتيك جي متوفر بالامارات. قلت خلني اشوف المواقع الاجنبيه يمكن القي عندهم حل، وبالفعل لقيت الكثير والكثير يرددون ان زيت NISSAN MATIC S هو بديل عن زيت MATIC J حتى ان الوكالات كلها بامريكا لم تعد تستخدم الا زيت اس الجديد وانه افضل من جي القديم لان شركة نيسان لم تعد تنتجه وتصدره لامريكا ووجدت احدهم يعزز كلامه بتعميم من نيسان باستخدام زيت ماتيك اس. والمناسب لسيارات التي تستخدم الزيت القيم ماتيك جي وهذه صورة التعميم:

http://imageshack.com/a/img42/5253/80kp.jpg


توكلنا على الله ومريت ون ستوب اليوم الصبح وحطينا ماتيك اس الجديد واستعملنا قرابة 8 لتر لعملية الغسيل من بقايا زيت فوكس والذي كان نظيف جدا وخالي من اي ماء.

وهذه صورة الزيت الجديد والمتوفر عند ون ستوب وبسعر 90 ريال للتر وكذلك وكالة العيسى عنده نفسه لكن مادري عن سعره

http://imageshack.com/a/img594/1091/fiyg.jpg


ولا يوجد اي داعي بالبحث عن الزيت القديم J

http://imageshack.com/a/img812/1074/agrz.jpg

وماشاء الله تبارك الله السيارة بعد التغيير جربتها مسافه قصيره وكانت تمام وقيرها طبيعي هذي تجربتي وان شاء الله تكون صحيحة ومفيده للجميع وننتظر ارائكم. وعلى فكره نسيت اذكر اني ركبت رديتر جديد ب1500 قبل تبديل الزيت الله يعوض خسايرنا بخير :)
لاتنسونا من خالص دعائكم والله يحفظكم

[سبيويه]

آخوي الكريم اشوفك متخوف من زيت فوكس تيتان ٤٤٠٠ وهو يدعم مواصفات قيور نيسان ماتيك جي
وانا جربته على نيسان باثفندر ومن افضل ما يكون علما آني ماشي عليه حاليا ٣٠ الف كم وبدون ملاحظات

[بن صقران]

آخوي الكريم اشوفك متخوف من زيت فوكس تيتان ٤٤٠٠ وهو يدعم مواصفات قيور نيسان ماتيك جي
وانا جربته على نيسان باثفندر ومن افضل ما يكون علما آني ماشي عليه حاليا ٣٠ الف كم وبدون ملاحظات

للأسف مالقيت احد يأكد لي ، بالعكس كل المكانيكين والمهندسين كانو يقولون لازم تغيره باسرع وقت قير الفتك حساس ومستحيل فوكس يكون نفس زيت الوكالة لان الوكالة ماتعطي مواصفات زيوتها لشركات الزيوت والله اعلم

[ابو سعود 11]

هلا اخوي بن صقران

سؤال
وش لاحظت على قير سيارتك بعد الخلط ؟

[مسير عليكم]

زيت نيسان matic J وزيت نيسان matic S يتوافقن وارجع لكتلوج الوكاله انا معي اكستيرا يركب له الاس والكتلوج يقول اذا مالقيت ركب جي او مايعادله من ديركسون 4
والباترول المفخره اس فشوف ان الاس بديل عن جي

وبالنسبه لزيت فوكس كويس بس غاالي الماني حق البي ام ارخص منه وافضل 33 ريال وهذاك ب70 وجرب وممتاز علي فتك بس الاهم خذ زيت توب ترونك

[ابو حسان الجنوبي]

طيب إعذروني على الدخله بالعرض يا أهل الـــVTC

هل ينفع الزيت هذا للباثفيندر موديل 2005

لأنها حدثت لي نفس المشكله من خلط زيت القير بالماء وغيرت الراديتر إلى الراديتر الأردني والزيت إلى موتر كرفت
ولاكن دائما مع الطلوع الشديد يسخن عندي زيت القير
وتظهر لي إشارة باللون الأحمر AT/OIL
ولازم بعدها ابرد أقل شي حول 20 دقيقة

فكرت بتركيب مبرد خارجي للقير لعدم وجودة من الأساس للسيارة وناس قالت لي غير اللديتر أصلي مع العلم بأني مركب راديتر أردني وحرارة السيارة من أحسن مايمكن في أقصى الظروف

تقبلوا تحياتي ودمتم بود

[مهند 2009]

أخونا ابوحسان الجنوبي

وجهة نظري

اولا اعزل زيت القير عن الرديتر وحط مبرد منعزل يكون كبير وممتاز (نظام شرايح مو مواصير )

ثانيا شيك على زيت القير لايكون باقي فيه موية.

هل سويت تنظيف للقير ؟

أذكر خلط معنا اكستيرا وغسلنا القير لحد مانظف من الموية اللي داخلة علية والطريقة انك تحط زيت تنظيف لحد ما تخرج كل الموية



نصيحة للجميع أعزل زيت القير عن المكينة قبل مايخلط
تراة يبهذل بك أذا خلط ويمكن يخرب القير

[ابو سعود 11]

في الوقت الي انتظر فيه اجابتك سأسرد تجربتي

لما خلط عندي المبرد
اول شي الغيته من الرديتر وركبت مروحة اضافية
ثانيا نظفت الرديتر وقربة الزايد وباغيره قريب
ثالثا واصعب شي غسل القير
الطريقة:
توقف السيارة في حفرة زيت وحبذا الكفرات الامامية مرتفعة على بلك او اي شي عشان يصب الزيت كله وتفك الكارتير والفلتر
وتخليها من العشا للظهر بكرة اوالعصر افضل
لازم تشتري كرتونين زيت قير موتركرافت او ايسي ديلكو للغسيل
العصر بكرة تصب علبتين والكارتير مفتوح تنظيف سريع
بعدها تركب الكارتير و تصب الزيت وتشغل ولفة بسيطة ثم تغيره تسوي ذا الطريقة ثلاث مرات
الرابعة تفك الكارتير والفلتر وتغسلهن بالبنزين وتغير الزيت
وترجع بكرة وتركب الزيت الاصلي
والزيت الاصلي موجود عند ورشة ابو ابراهيم الثنيان matic j
واللتر ب50
وقبل ماتركب الاصلي تأكد انه نظف 100% من الموية

واوافق جدا على ما كتبه الاخ مهند في السطرين الاخيرة

[بن صقران]

هلا اخوي بن صقران

سؤال
وش لاحظت على قير سيارتك بعد الخلط ؟


الحمدلله مالاحظت شي ابد وبفضل الله تداركنا المشكلة بسرعة


Sent from my iPhone using Tapatalk

[بن صقران]

بالنسبة لكمية الماء كانت جداً بسيطه بالكارتير اقل من نص كاس ماء وعند تغيير الزيت اول مرة قام العامل بتنشيف القير من الداخل بقطعة قماش وفي التغييرة الثانية مالحظت وجود ولا قطرة ولله الحمد لكن قمت بالتغيير لزيت الوكالة الاصلي وارتحت نفسياً، بالنسبة لزيت ماتك J المتوفر عند الورش ان شاءالله يكون الاصلي وسعر ?? ريال للتر جداً جداً رخيص لكن اقول في زمن كثر فية الغش افضل اغيير في الوكالة او مركز معتمد بفاتورة مفصل فيها نوع الزيت والله يكتب لنا ولكم الخير


Sent from my iPhone using Tapatalk

[ازد السراه]

ماشاء الله عليك لحقت عليه

للاسف بالنسبة لي حصلت نفس مشكلتك يوم شريت السيارة ولجهلي بالفتك كان يخلط الزيت بالماء حيث ان ثلاجة القير بها شعر وراح القير يرج من الغيار الثالث للرابع وطبعا ماكتشفنا ان مبرد القير خربان الا يوم انقطع انبوب الرديتر الموصل للمكينة وقالي الفني ترى ثلاجة القير خربانة لازم تصلحها وقيمتها 300 ريال

طبعا استشرته في القير المشكلة ماعندهم فني قير قال لازم تغير الزيت وممكن تنحل المشكلة غيرت الزيت بالاصلي MATIC J والمشكلة زي ماهي

طبعا سبق ان طرحت المشكلة هنا في المنتدى وتجوبوا الاخوان وماقصروا وهذا رابط الموضوع
http://www.mekshat.com/vb/showthread.php?t=538064

وفحصته كمبيوتر وطلع الخطأين هذه

p1769 Hlp/C Sol Function


p1705 Tp Sen/Circuit A/T

وقالوا ان عندك حساسين الاول حساس الثروتل و الثاني السلونيد

المشكلة اني رحت الوكالة وطلبت الحساسين وماعرفوهها وجلست اشرح ساعة كاني فني فالاخير قالوا ان الحساسين ماينباعوا لحالهم لازم بخاخ كامل على كلامهم رقبة

وحساس السلونيد لازم منظم كامل تقريبا التكلفة بس القطع حول 10000 ريال مو هذه المشكلة المشكلة وين الفني اللي يصلح القير لفيت الخميس وابها والوكالة كلهم يعتذرون انهم مايصلحون التبترونيك

والى الآن باقي المشكلة بالنسبة للبخاخ ما احس ان فيه مشكلة لان ثلاث مرات او مرتين طلعت علامة اتشك انجن وثقلت المكينة ثقل ماهو طبيعي ورحت فحصت وقالوا ان البخاخ فيه مشكلة اتضح لاحقا ان عند تعبئة البنزين العامل ما سكرالغطاء زين وما عاد رجعت لكن الكود عند الفحص يطلع ان فيه خلل في حساس التي بي اس


سؤال جانبي لو سمحتوا مانوع منفذ OBD في الباترول 2004

لاني ناوي اشتري جهاز فحص

هذه صورته



ابغى اعرف نوع المنفذ هل هو OBD II او OBD2 او OBD لاني اريد ان امسح الاخطاء لان فصل البطارية لم يمسح الاخطاء http://www.uuctech.com/MyUploadFiles/Propath/20080528041311482.jpg

[ms662]

الجهاز الي انت حاط صورته ماينفع للفتك عن تجربه
والان بيجيني جهاز ثاني لعل وعسى
وعلى فكره فيه خمس بروتكولات لكمبيوترات السيارات
فا مو كل جهاز ينفع وخاصه النيسان

[ازد السراه]

الجهاز الي انت حاط صورته ماينفع للفتك عن تجربه
والان بيجيني جهاز ثاني لعل وعسى
وعلى فكره فيه خمس بروتكولات لكمبيوترات السيارات
فا مو كل جهاز ينفع وخاصه النيسان

بارك الله فيك يعني انت جربته ؟

طبعا بحثت في موقع الجهاز عن السيارات المتوافقة وما حصلت الباترول معها


طيب كيف اعرف بروتكول المنفذ لاني بحثت عن استكر اللي فيه معلومات المنفذ تحت الكبوت وحول المنفذ ماحصلت شي وخبرنا بالجهاز اللي بتاخذ عساه ماهو غالي :D

بعد التعديل
كني حصلت البروتوكول
Nissan Patrol GUIII (TB48DE) - ECM, TCM

هذا الموقع فيه نظام او برنامج لفحص سيارات نيسان

http://www.nissandatascan.com/

[ابو حسان الجنوبي]

أخونا ابوحسان الجنوبي

وجهة نظري

اولا اعزل زيت القير عن الرديتر وحط مبرد منعزل يكون كبير وممتاز (نظام شرايح مو مواصير )

ثانيا شيك على زيت القير لايكون باقي فيه موية.

هل سويت تنظيف للقير ؟

أذكر خلط معنا اكستيرا وغسلنا القير لحد مانظف من الموية اللي داخلة علية والطريقة انك تحط زيت تنظيف لحد ما تخرج كل الموية



نصيحة للجميع أعزل زيت القير عن المكينة قبل مايخلط
تراة يبهذل بك أذا خلط ويمكن يخرب القير


حياك الله أخوي مهند
بالنسبة للغسيل غسلت القير بزيت فوكس 7 مرات مرتين والسيارة واقفة و5 مشيت فيها السيارة يعني كل يوم الصبح امر الورشة يغييرون زيت للقير وهذا كله صار قدام عيني مع تغيير الفتر والقازقيت وتنظيف الكارتير من داخل
وقبل مااركب الراديتر الجديد فكيت بلوف المكينة وسويت غسيل للمكينة داخلي والآن كل شي تكمام ماعدى ارتفاع حرارة زيت القير بالطلوع الشديد ( العقبات )

[مسير عليكم]

شباب ما انصحكم بالغسيل بزيت اي سي دلكو او متروكرافت
اغسله زي ماقال صاحبنا ابوحسان زيت فوكس او شي يعادله

[ms662]

بارك الله فيك يعني انت جربته ؟

طبعا بحثت في موقع الجهاز عن السيارات المتوافقة وما حصلت الباترول معها


طيب كيف اعرف بروتكول المنفذ لاني بحثت عن استكر اللي فيه معلومات المنفذ تحت الكبوت وحول المنفذ ماحصلت شي وخبرنا بالجهاز اللي بتاخذ عساه ماهو غالي :D

بعد التعديل
كني حصلت البروتوكول
Nissan Patrol GUIII (TB48DE) - ECM, TCM

هذا الموقع فيه نظام او برنامج لفحص سيارات نيسان

http://www.nissandatascan.com/


الجهاز مابعد وصل واذا جربته بارد عليك

types in use:×J1850 PWM,×
J1850 VPW,
×ISO 9141-2,×
ISO 14230 KWP2000,
and×ISO 15765 CAN.

شف الرابط الي بارسله وتعرف برتكول سيارتك

[ms662]

http://www.onboarddiagnostics.com/page03.htm
حتي الان ماشيكت علي سيارتي

[ازد السراه]

انت سيارتك امريكي ؟

النيسان يختلف على ما اعتقد عن البروتوكولات الخمسة اللي في الموقع شيكت على السيارة عندي ماحصلته من ضمنها حتى اني قريت في احد المواقع الاجنبية ان من ضمن الامور لمنع دخول الباترول الى امريكا هو منفذ obd غير متوافق

اظن نوع المنفذ Consult II وهو خاص بشركة نيسان

انا اتبعت طريقة الموقع وهي شراء هذا الكيبل

http://i.ebayimg.com/00/s/MTAzMlgxNjAw/z/jfAAAMXQKLdRy68R/$T2eC16h,!)cE9s4Pvm88BRy68Qz+1g~~60_57.JPG

وعندي هذا الكيبل يحول المنفذ في الكيبل السابق من rs232 الى usb

http://i.ebayimg.com/00/s/NjAzWDExMDA=/z/EGkAAOxycmBS4cE8/$_57.JPG

وبستخدم البرنامج المعد لذلك من الموقع المذكور


هذا منفذ الباترول عندي

http://www.m5zn.com/newuploads/2014/03/26/jpg//0884202249dca67.jpg

ما اظن انه من بين الخمسة بروتوكولات اللي ذكرت :(

المهم اني ناوي احمل السيارة على سطحة اليوم الثاني :D

[ms662]

وصل الجهاز وجربته علي فتك وياثفاندر مانفع
سيارات ثانيه تمام
الي له نظر بالجهاز للبيع وبانزل موضوع له

[المتلولس]

يعطيك العافية اخوي استفدنا من تجربتك

[abutalal200]

السلام عليكم
اخواني انا صارت علي نفس المشكلة والحمد لله على كل حال .. ضرب المبرد عندي ومشيت عليه شوي ولا ارتفعت حرارة الموتر ولا شيء وقفت وشلته سطحه .. وغيرت لديتر جديد وكاله ورحت الورشه وغسل لي القير بزيت فوكس تيتان بعشرين علبه لين صفي اللون الأبيض اللي مثل الآيسكريم وصب لي زيت الوكاله الرميل الكبير 20 لتر قيمته 700 ريال .. مشيت فيه وقالي روووح القلب داعي لك .. وأنا أدعي عليه الله لا يوفقه لا دنيا ولا آخره .. نزلت فيه عقبه أول ما جيت أول العقبه وقفت وعشقته في الثاني افكر الموتر مسك ,, بس للأسف ما انتبهت انه مو ماسك إلا بعد كم كيلو انا نازل فيه في الفاضي مع انه معشق متى انتبهت يوم شفت ضغط الماطور على الصفر يعني انا نازل والحمل كله على الفرامل .. المهم كملت ومشيت .. وصارت العاده لازم أطفي الموتر واشغله يضبط معي يمسك كم كيلو كذا وبعدين يرجع لمشكلته لمن أهدي على مطب وارجع ادوس الموتر ما يمسك نمره ثقيله يقوم في الرابع او الخامس ثقيل مره ولازم اوقف اطفي واشغل ويضبط شوي وعلى هالحال .. في الأخير وقفت الموتر .. المهم بعد يومين اخذته ومشيت فيه صارت الحراره ترتفع شوي الوضع طيب متابع الحراره ما تزيل ع الشرطه الأولى لا ارتفعت وقفت وبردت وشغلت مشيت وعلى هالحال لين وصلت الورشه وخط مستوي يمسك في نمره وحده المهم الشغله حساسات الظاهر .. فحصت كمبيوتر وقالوا لي ان الحساسات الخمسه كلها خربانه .. ولا بد تغيير البدي بلف ما أدري وش يقصدون فيه وقيمته من أربع الاف وطالع المهم تركته .. والحين مدري وش أصلح .. توضيب أغير قير أغير بدي بلف وش أسوي .. والله احتست وكلهم تعذروا التصليح يقولون لازم توضيب
والله انقهرت .. الموتر شبه جديد 2005 سوبر مو ماشي غير 75000 والله حرام انقهرت

الحل يا جماعه دلوني على ورشه في أي مكان بالشرقية أو الرياض وأبي مهندس فاهم .. لأن يمكن يكون العطل بسيط وما أحتاج تغيير قير أو توضيب
أعطوني أرقام مهندسين سعوديين يخافون الله .. السودانيين صاروا فنيين فجأة وقسم بالله ما يفهمون ولا يعرفون شيء ولا عندهم ذمه ولا ضمير

تكفون أبي حل ..

[abutalal200]

وبعد معاناتي مع قير الفتك الله يعطينا واياكم خيره ..
نحمد الله ونشكره غيرنا وحطينا وسوينا لين قلنا بس .. مختصر لا أحد يقولك ينظف ولا أحد يلعب عليك والله هذا اللي صار معي .. بالضبط غيرت قير ثلاث مرات وكلها يا تطلع ملعوب فيها أو ماخذين منها شيء المهم لقيت القير المناسب واخذت من برا السعوديه ( البحرين ) بـ 3800 وربعنا ما يكلمك إلا من 6000 وفوق وهو رايح فيها منتهي المهم اخذته والقير طيب ونظيف ومشى معي فترة وطلعت فيه للطعوس وما خليت فيه مكان ولمن سخن القير واحتمى رجعت المشكله .. المهم انا تحطمت بصراحه دقيت مبالغ ما هي بسيطه فيه ورحت لورشه بالدمام في مجمع النور قريب من دله تخصص باترول فرعها بالرياض حسبي الله عليهم هنود لكن ما عندهم سالفه او فاهمين بس يبغوني اتمرمط وادفع زياده انا متأكد من القير الاخير اللي اخذته انه نظيف بس ليه ترجع المشكله نفسها ليه ليه ؟؟؟؟!!! المهم طلعت من عندهم عشان ما يلعبون فيه زياده .. واخذت لي فره في النت وقوقل ما يخلي شيء لقيت بعض نصائح الاخوان جزاهم الله خير هي بس فيوز موجوده في الرفرف الايسر جهة السواق خاص بالقير هي ثلاثه لونها أزرق مكتوب عليها AT نفس اللي يطلع بالطبلون اول ما تشغل ويعطيك ان فيه مشكله في القير المهم غيرت الفيوز قيمة الوحده 60 ريال غيرها كلها لا تشاور وغيرتها ويشهد الله يا شباب للحين مثل الحلاوه ولا فيه شيء نحمد الله بس نصيحه قبل كل شيء .. المبرد المبرد افصله من اللديتر خله خارجي .. وروح بنفسك لأوتو ستار وقله ابي مبرد قير حق باترول 4800 ويعطيك ناسي رقمه والله بس قيمته 170 ريال امريكي .. وركبه شغل يد بس 100 ريال يضحكون عليك يقولون عطنا 500 ريال ونغيره لك وهم نصابين ما يكلف السعر ذا ويمكن يجيبون لك شيء رديء المهم لا تنسون تفصلون المبرد عشان ما تكرر شغلة خلط زيت القير مع المويه .. هذي معاناتي واعتذر على الاطاله وموفقين يا شباب والله لا يحطكم في موقف زي موقفي.