من يعرف الدربيل _اريد الاستشارة منكم الله يحفظكم

[احب القنص]

السلام عليكم ورحمة الله وبركاته



مساء الخير جميعا .. واخص كل بأسمة



برجاء ...



ارغب بشراء دربيل بمواصفات ممتازة جدا

واشوف الصيدة اللي بعيد بعيد . :looney: بدون ما تتمقل عيوني



ولكن ...



اخوكم غشيم وما عندي دراية كاملة بـ هالدرابيل ؟؟

ابي النصيحة من الجميع واخص اللي عنده الخبرة الممتازة فيها .



مثل :



- الشركة الممتازة والأفضل ، ومن وكيلها بالرياض وموقعهم بالضبط لأني من سكان المدينة المنورة .

- السعر - والسعر لا يهمني وهو آخر ما أسأل عنه .

- بخصوص عدم الاهتزاز - والبرودة بالعين - والوضوح ممتاز جدا .

- ان يكون ضد الماء و الغبار .

- ان يكون محمي بخصوص العدسة وعدم تعرضها للخدش .

- الصناعة الممتازة .



( برجاء ... منكم افادتي بكل شيء لأنكم تعرفون أسعارها غالية - ودي اذا اشتريت الله يحفظكم اشتري شيء في محلة )

[تميم2222]

ياهلا ومرحبا. عندك الايكا.السايز والسوار. من ناحيه السعر السايز افضلهم وكلها طيبه اهم شي. حدد نوع اللي تبي. لضلع ولا لطير.

اذا انت تبي صوره حقيقه. وواضحه. جدا لايكا وسايز.
السوار. ممتاز لكن يعطي تبيض شوي الصوره

[hatemm]

يدلك على الخيل اثمانها

كل ماكان سعره غالي هو الطيب

[احب القنص]

شكرا لكم

اخواني // تميم 2222 // hatemm //

ابي الشركة الأولى من

الايكا او السايز او السوار

ابي تحديد للرقم مثل 70*50 وهكذا ابي شرح الله يحفظكم

اكيد اخوي حاتم ابي للاثنين سوأ ( ضلعان - او - طيور )

تكفون نبي الكل يشارك

لتعم الفائدة على الجميع .

[فارس شراز]

عليكم السلام .

من واقع تجربة وانا اخوك بأنصحك تسوي مثلي عندي :
1- الصقر ستينر الالماني (700ريال)
2- سايز الالماني (4000ريال)

الصقر للوبران والجبال لآن أوقات وانا بالجبال ماتحتمل نفسك مابالك بالدربيل فأضطر أرميه مع الاغراض بالجعبه(الشنطه) وأحيانا تطيح من الطبيعي تنسي دربيل وتهتم بنفسك وأحيانا تتوهق بأماكن صعبه وأمامك خيار ترمي بندقه ودربيل عشان تنجو بنفسك بمعني دربيل قوي ماشاء الله عليه ومن ناحية الوضوح وكذلك الاستعمال (العفش) عيوبه حار ع العين إذا طولت بالنظر فيه.

سايز المدلع بالسياره أو هبقات القصيره والقريبه للوبران والمتعه صراحة فيه بارد ع العين بحكم الهيدروجين وصفاء ونقاء وعيوبه حساس جداً .

لكن

قبل تشتري اي نوع خذ لك لفه أقرب مستشفى خاص وأعمل فحص لنظرك وأستشر دكتور وحدد إحتياجك من ناحية خفة الدربيل لان الزوم العالي يحتاج لدربيل أثقل وفوق كل ذي علم عليم .

بتوفيق وفالك الطيب والصيد الممتع.

[قيران]

فورتكس رازور صفاوة 10×42 + برود على العين وسعره معقول وحجمة صغير

والله يوفقك بالاختيار الطيب

[السفيير]

اخواني السلام عليكم ورحمة الله وبركاتة
الدرابيل تحير والناس نظرها ماهو واحد انا لدي 8*30 الاسود سوارفسكي ممتاز وبارد وخفيف لاكن للبعيد مايحقه بالشوف يعني ماتخص البعيد وجربت 10* 32 خوي لنا زين لاكن تحسه خفيف اي شي يكسره الجلوري الزيتي طيب للوبران القريبه
وهذي وجهة نظري وتجربتي البسيطه
عندي نداء الى الاخ قيران عن دربيل الرازور تكفى ان كان جربتة علمنا بمزاياه وعيوبه

[( شميريخ )]

ياليت قيران يعلمنا عن الفورتكس اكثر
لاني جربت الجلوريا حار ويادربلة به قامن يوجعني عيوني

[السفيير]

تكفى ياقيران علمنا يصلح والا لا بارد ويحق الشي البعيد في الضلعان خفيف وزنه لانه عند العقيلات في بريدة ان كان زين الواحد يتعناله في المشوار
ناخذ راي من جرب ايضا من الاخوان

[الوسم1]

اخي الكريم انا طالب دربيلCelestron SkyMaster 25-70 وعلى كلام من استخدمه من الاجانب انهم يمدحونه وان شاء الله بعد تجربته غداً راح الرد لك خبر ملاحظة الدربيل تم طلبه من الخارج

[الوسم1]

الحمد لله طلع استلام الدربيل اليوم ماهو غداً واستلمت الدربيل من ارمكس تجربه سريعه لدربيل التقريب ٢كيلووو البرودة على العين جيدة جداً

[تميم2222]

ما شالله مبروك.

[السفيير]

مافهمت شي لاكن مبروك الدربيل

[الوسم1]

الله يبارك في ايامكم .... اخي الكريم السفير انا طلبت دربيل من امريكا كلستر سكاي مقاس25x70 واستلمته اليوووم والحمد لله وبعد التجربه مسافة التقريب ٢ كيلووو ويزيد بعد وهـو بارد على العين واعطية درجة جيدجداً ... وكان قصدي من ذكر هذا ان الاخ اذا اعجبه كلامي يطلبه من الخارج و سعره مناسب وارخص من الي موجود عندنافقط ..اتمنى انها اتضحت الصوره لديك

[احب القنص]

شكر شكر لكل من رد او أضاف تعليق

لكن دخلتونا في حيره

اريد افضل شركة على الاطلاق

على قولتهم نمبر ون - لأن ما اخفي عليكم كثير طلبت أشياء من الخارج ومن مواقع تسوق واسهل منها ما فيه - الله يخلينا العنوان في أمريكا وشركات الشحن - والماستر كارد .

اختار اية شركة يا أخواني

سوارفسكي - زايس - لايكا - او غيرها من الشركات

[راح الأمل]

هلا اخوي ويامرحبا فيك مليون ومضوعك جدا" مهم
خذ العلم الاكيد عليك ب سايز ( ديكوتر ) قياس 56*8 من واقع تجربه صافي وواضح وبارد على العين يعبه شي واحد انك ماتحصله الا قليل جدا" جدا" جدا" واتحدا اي احد عنده انا شراي لان سراحه من اروع ما مر علي وانا بالامانه قمت ما احترم دربيل غيره جربت كل القياسات غير 56*8 لادور من ناحيه التقريب واقل الاهتزاز من بعض الدرابيل الاكبر في التقريب مثل ماهو معروف في عالم الدرابيل كل ما زاد حجم التقريب زاد الاهتزاز فيه الا اذا كان الدربيل فيه خاصية منع الاهتزاز وهذي اعتقد موجوده في درابيل النخبه فقط وتقبل مروري والسلام عليكم .

[راح الأمل]

http://www.3rbz.com/uploads/698f4fd724091.jpg (http://www.3rbz.com/)مركز تحميل الصور (http://www.3rbz.com/)
عليك بدربيل اسمه ( ديكوتر ) الماني تابع لشركة زايس العريقه قياس 56*8 من افضل ما مر علي من الدرابيل من ناحية الصفاوه والبروده والتقريب وصورته حطيته لك قبل كل شي عشان تعرفه وهو تراه نادر جدا" جدا" نزل منه ولكن ماهو ربل نزل منه فيبر قلاس والربل اكيد افضل لتحمله الصدمات لاسمح الله اذا طاح ولا شي بس انا عندي محافظ عليه ولا انزله من السياره واشهد انه بالبر يطربك واسف عالاطاله وتقبل مروري

[قيران]

الرازور صافي او ممتاز لاكن يعيبة الاهتزاز واعتقد جميع الدرابيل 10×42 به المشكلة ذي
يبي له ايدين راكدة ولا بصفاوة والالوان والجودة والله ممتاز او جميع مواقع الخواجات يمدحونه ولا فيه احد ذمه
والمشكلة الوكيل مايوفر غير مقاس واحد من الرازور ولا عنده 8×42 و 10×50 واسعارها بالمواقع الاجنبية مرتفعه
تكلف حول 5000 ريال

بالنسبة لراعي الموضوع اذا على قولك السعر لايهمك انصحك بالسايز الفكتوري 8×42 ht اوفيه منهو اعلم مني وابخص
بالدرابيل بالمنتدى ان شاء الله يسيرون على موضوعك ويفيدونك

[الوسم1]

أخي الكريم اعتذر على تدخلي في موضوعك وانا لم اقل ان الطلب من الخارج صعب ولا جالس اتباها بهـذا الشيئ وثانياً انت طلبت مشوره في افضل دربيل من تجربه لهذا ذكرت لك قصتي واعتذر لك مجدداً اني تدخلت في ما لا يعنيني ولكن حب المساعدة للأخرين طبع لم استطع تركه

[ابوفوز]

عندي لك دربيل شريته العام الماضي معي من كندا وهو من شركة سوارفسكي النمساوية

وللظروف لم استخدمة جديد با الكرتون

مقاس الدربيل 56 *15

وللبيع بـ 12000

الدربيل دربيل شيوخ وفيه كل الميزات

[تميم2222]

كلها ممتازه والاكثر انتشار مع العالم. هو سايز

[ابو عزيززز]

عزيزي


الدرابيل تختلف من عين لعين وتعتمد على نظرك


والنظر له علاقه بالعمر وقوة نظر العين


كبير السن افضل شي له مقاسات ال7 قي 50 لان العدسه تحتاج اناره كثيره علشان كذا عدسة ال50 مناسبه وعدد مرات التكبير ايضا مناسبه علشان يقل الاهتزاز


اما الشباب واللي نظره سليم فالافضل له اللي يكبر اكثر شي وخفيف وزن مثل ال10 في 40 ومافي مستواه


وباقي الانواع والماركات ومعروف ان الالماني والشفارسكي النمساوي اقضل الانواع بس مشكلتها غاليه


وسلامتك

[ابو عزيززز]

............................

[ابو عزيززز]

مثل :



- الشركة الممتازة والأفضل ، ومن وكيلها بالرياض وموقعهم بالضبط لأني من سكان المدينة المنورة .



- السعر - والسعر لا يهمني وهو آخر ما أسأل عنه .



- بخصوص عدم الاهتزاز - والبرودة بالعين - والوضوح ممتاز جدا .







عزيزي


بالنسبه للنقطتين اعلاه


انصحك بـــــــــــــ :


شفارسكي El مقاسه10 في 42


واظنه موجود عند الرمايه بسعر في حدود 8000 ريال وقد تجد في الزايس مايضاهيه




http://dc10.arabsh.com/i/02390/kau062ow0btr.jpg (http://dc10.arabsh.com/i/02390/kau062ow0btr.jpg)



وفي هالرابط بعض معلومات عنه:


http://www.opticsreviewer.com/swarovski-el-binoculars.html (http://www.opticsreviewer.com/swarovski-el-binoculars.html)



اما عن عدم الاهتزاز فهو كل ماقل عدد مرات التكبير فل الاهتزازا


وفيه درابيل فيها مانع اهتزاز( Image Stabilization ) بس قليله وغاليه مره مثل الزايس اللي حجمه 20 في 60 وفيه مانع اهتزاز بس سعر الدربيل يتجاوز ال20 الف ريال مثل ذا:

http://sportsoptics.zeiss.com/content/sportsoptics/international/website/en_de/desktop/hunting/binoculars/special/20x60s/_jcr_content/stagepar/stage/slide/stageimage/image.img.jpg/1374074837371.jpg/20x60_hero_980x448.jpg

[شهاب 5]

ماقصروا الاخوان عطوك العلم. وانت جرب نفس المقاس من شركات مختلفه والله يوفقك.

[السفيير]

اخواني السلام عليكم ورحمة الله وبركاته
واسف للانقطاع عن الموضوع
والله ياصاحب الموضوع انك حيرتنا معاك اصبح الكل يبحث مثلك عن دربيل ممتاز وبعض الاخوان لا يهمه السعر
انا جربت سوارفسكي 8*30 الاسود ممتاز وبارد لكن البعيد لك عليه مايخصه ويحق والان انا ابحث عن دربيل يخص البعيد
قبل يومين طلعنا وخوينا معاه سايز موديل تيرا 8*42 لك عليه في الشوف
واللي جرب الموديلات الحديثة يفيدنا مثل فكتوري او hd اواخر انتاج وهو ht
السوار جميل الجديد لاكن الاخ قيران شجعنا على الرازور لولا الاهتزاز اللي فيه هل

الاخ قيران هل هو يحق البعيد في الضلعان من وبر وغيره

[احب القنص]

مرحبا بالجميع ... وباركـ الله فيكم ... وبيض الله وجيهكم ... ورحم الله والديكم جميعا



اشكر كل من اعطاني من وقته دقائق وعلق على موضوعي





انا يالربع سجلت كل تجاربكم بالدرابيل .. عندي بورقة



وعلينا نحن التجربة ؟؟



وفي الأخير .. اترككم في حفظ الله .

[فارس حضن]

عليك بالسوارفسكي ٨*٣٠ سعره عند الهدف ٤٠٠٠

ممتاز جداً وخفيف وبارد لو تدربل ساعتين وصافي


ماشاء الله عليه اطلق من السايز عندي واحد توي


مشتريه من الهدف جداً ممتاز

[السفيير]

اخونا احب القنص
علمنا او رسيت علي دربيل معين نحول الاهتمام يمه
والله يبارك للجميع فيما لديهم