العملاق كوفيا بوستر بلص مشكلة بعد السنتين

[uo.u]

بسم الله الرحمن الرحيم

السلام عليكم ورحمة الله وبركاته

ما قل دل وزبدة الهرج نيشان

عندي دافور كوفيا بوستر بلص صار يهرب غاز من الهوز اللي ينقل


الغاز من العبوة للموقد فهل أجد له قطع غيار ( الهوز المعدني)


شكرا للجميع

[اصيل نجد]

صباحك فل اخوي بالنسبه لتهريب الغاز من الهوز ماله اصلاح غير تتغيير الهوز اذا كنت بالرياض رح (لمحل برق الحياء )شارع الميه مع مخرج 15 الدائري الشرقي وانت متجه شرق او اذا كنت بشمال الرياض عندك برق الحياء على مخرج 10وانت متجه شرق تقاطع الامام الشافعي (الابراج) اول تواصل مع الوكيل تراهه معنا بالمنتداء واسمه كوفيا1 بس انتبه تربط او تحاول تصلح الهوز هاذا غاز الله يكفيك شره ربي يستر عليك .. تحياتي لك

[uo.u]

الله يرضى عليك اخوي اصيل نجد وجاري الذهاب له

[uo.u]

يا غالي يا اصيل نجد رحت لبرق الحياء وما وجدت عنده قطع (الهوز)

شكرا

[اصيل نجد]

يا غالي يا اصيل نجد رحت لبرق الحياء وما وجدت عنده قطع (الهوز)

شكرا

حاول تواصل مع كوفيا 1 تراه معنا بالمنتدا تراه رجال خير شرواك وانا بحاول اذا مريت محلات البريه او المقناص بسئلك وابشر دامك بالرياض ماعليك الا ندبره

[uo.u]

الله يرضى عليك ولا يهينك ويوفقك لما يحبه ويرضاه
ولعا الاخ الغالي كوفيا ١ يسير على الموضوع

لكن انت فهمت قصدي ( لي) الحديد اللي يوصل بين قنينة الغاز والدافور

شكرا

[بدران الدوسري]

أخي أرسلة رسالة عشان ينتبه

من الصعب أنه ياصل للموضوع هذا صدفة


الله ييسر أمرك

[uo.u]

الله يرضى عليكم جميعا

[escape_man]

الا على طاري كوفيا .. هو باقي لهم مبيعات

فريت الشرق كله مالقيت الا تيرا

[اصيل نجد]

عرفت اللي المطلوب الله يطول عمرك اعرفه تراي مكشاتي اعجبك .

[uo.u]

ههههههه

ونعم بك يا اخوي اصيل نجد ورايتك بيضا


---

كوفيا لا زالت تباع عند عروق الشمال و مكشاتي

[رسمال]

قد تكون المشكلة جلدة ولا تحتاج لتغيير اللي تأكد من مصدر التهريب