افيدوني بخصوص شراء او تجميع (عزبة قهوه و عزبة طبخ )

[al-rmali]

بسم الله الرحمن الرحيم


السلام عليكم ورحمة الله وبركاته
مساء/صباح الخير للجميع

أخواني من فتره وانا اعاني من الخامات الرديئه والمعاميل والدوافير اللي ماتخدم
و بما ان لي طلعه اليومين ان شاء الله للقصيم حبيت تفيدوني يالربع بشي
جودته عاليه او اقل شي حاجه تخدم الى سنتين ثلاث سنين

العزبه اللي حاب اشتريه عزبة قهوه تكون متوسطة الشكل
وحاب توصفون لي محل اذا يبيعه كامله مكمله او تقولون لي عن افضل العزب (الشنط)
و المعاميل والنواقص الثانيه من الالف الى الياء مع دافور صناعه ممتازه ويخدم

والحاجه الثانيه عزبة طبخ في سكاكينه وقدورها والحافظات وكل مايلزم

ارجو ان لا تبخلون علي باي معلومه كانت صغيره او كبيره ولكم الدعاء بإذن الله

[فهد88]

لاتاخذ عزبه كامله مكمله انتبه انصحك
حذلك كل شي على ذوقك من الالف الي الياء
واهم شي حجم العزبه يكون على حجم اوانيك
ولاتقول باخذ عزبه كبيره عشان اجمع فيها اواني الطبخ مع اواني القهوه
خل القهوه عزبه والطبخ عزبه واحجام مناسبه جدا
واحذرك من دبة الدافور انحش عن الصيني حتى لو بلاش

[fahad223345]

وعليكم السلام
بالنسبة للعزب و الدوافير خذها من محل البرية في مخرج 15

[ناصح]

اجمعها مفردة

وعليك بالدلال والأباريق ستانلس ستيل
والدافور كوفيا أو بريمس
والشاهي والقهوة إذا كان تستهلك بسرعة فأكياس الشراع المبطنة ببلاستيك كافية أما إذا تقعد معك مدة ضعها في علب زجاج صحيح ثقيلة لكن أفضل وأصح

وبالتوفيق

[سليمان الصقر]

اختصرها قدر المستطاع ولا تكثر ادواتك وترى حلاة الطلعه ببساطتها وقدرتك على تدبير امورك اعتقد دافور وقدر وصحن وسكين وبريق ودله وصلى الله وبارك

[al-rmali]

على عيني وراسي جميع اللي ردوا
وكل ردودكم وكلامكم في السليم
اغلبكم ينصح ان اشتري كل شي الحال يعني
ما اشتري كامله مكمله انا خوفي لا اشتريت كذا
غير اني اتعنى لا اكثر من محل انا دلالتي ضعيفه
بالقصيم شوي وغيره اخاف من كثر ماني كل شوي
طاب على محل انسى لا اشتري بعض الاغراض هذا خوفي

لكن اذا على رايكم بالله اعطوني افضل محل للعزب
وافضل نوع دافور ووين يباع وافضل محل يبيع معاميل
وافضل محل يبيع قدور وسكاكين مع نوع الشركات الافضل

والاهم من ذلك ياليت مع كل شي تبينونه تذكرون سعره التقريبي

وكم يبي له ميزانيه عزبة القهوه مع معاميله ودافوره وكل اغراضه يعني المجموع التقريبي
وايضاً عزبة الطبخ كذلك

و شاكر لكم الافاده مقدماً ،،

[Mohammed5d]

مايحتاج تتعب نفسك بالدوران اشتر من محل رحلات شنطتين ودافور كوفيا والباقي من نفس المحل واذا ما اعجبك جودته مر محل مواعين وكمل الناقص اهم شي عزبة الطبخ اختصرها ترا كثرة الاغراض تغث

[ابو حلا العروي]

ما شاء الله تبارك الله

الشباب ماقصرو

[ابورايف]

اجمعها مفردة

وعليك بالدلال والأباريق ستانلس ستيل
والدافور كوفيا أو بريمس
والشاهي والقهوة إذا كان تستهلك بسرعة فأكياس الشراع المبطنة ببلاستيك كافية أما إذا تقعد معك مدة ضعها في علب زجاج صحيح ثقيلة لكن أفضل وأصح

وبالتوفيق

ماذكره مشرفنا هو الصحيح

تقبل مروري

[مفكّر]

هالنشمي اختصر لك ماتريد ، إما تأخذها من عنده أو تجمع مثلها وتغير وتبدل حسب ماتحتاج
http://www.mekshat.com/vb/showthread.php?t=619565

[al-rmali]

شفت موضوع الرجال لكن مشكلة المقاسات
ابي اكبر شوي يعني من ٦ اشخاص الى ١٠

[al-rmali]

ابي اعد لكم الاغراض اللي ابيها
عشان اسهل عليكم توصلون لي النوع
والمحلات اللي تصلح لي
وتذكرون لي (السعر التقريبي) و (وافضل شركة صنع) و (والمحل اللي تتوفر عنده الامور)
و حتى لو نسيت شي ذكروني واذكروه

عزبة قهوه حجم متوسط بخامه عالية الجوده

٥ حافظات قماش او٤ حافظات استيل
اذا فيه فرق ملحوظ من ناحية حفظ الطعم
والاسعار متقاربه راح اخذ استيل


دافور جوده عاليه مع ذرا
مركابة نار تصفط واذا له جرب

ملقاط كبير ومنفاخ

مفواح ماء مناسب لحجم الملقمه وبريق الشاي

دلة العساف تكفي من ٦ اشخاص الى ٨
او اي دله صناعه ممتازه

ملقمة قهوة مناسبه لحجم الدله

ابريق شاهي متوسط الحجم

كاسات وفناجيل عدد من ٦ الى ١٠
مع الحافظه والبيتز والغسول

مطبقة تمر

طبعاً جميع الأغراض ودي انه تكون (بجوده صنع عاليه )
ولو ماتهمن الجوده كان كملته من اي محل وماشاورتكم واتعبتكم معي
الله يجزاكم خير
هذا اللي يحضر على بالي
وفزعتكم من تجربتكم ومعلوماتكم
يالذيابه العطله جت وانا عجل شوي

[ناصح]

بالنسبة للدلال فيه العساف وفيه وارد الجبر
ستانلس ستيل بغدادية ممتازة

ابريق الشاي تجد كوفيا ستانلس ستيل في محلات الرحلات
أو تجد أنواع صينية ستانليس ستيل في محلات التخفيضات ( ابوريالين سابقا )
واحرص أن تكون فتحة غطاء الابريق كبيرة السبب تستطيع أن تضع فيها بعض اجزاء العزبة مما يوفر مساحة وانا شخصيا اضع فيها موقد الكوفيا بعلبته البلاستيكة

الفناجيل والبيالات تجد في محلات التخفيظات, ستجد تشكيلة ممتازة ورخيصة
البيالات خذ النوع الجيد والسميك بدون زخارف وتذهيب فهي اصبر واسهل في الغسل
الفناجيل انت بين خيارين اما زجاجية شفافة أو زجاجية بيضاء أفضل من الفخارية فهي تتحمل اكثر وتعيش طويلا وصحية .

[al-rmali]

بالنسبة للدلال فيه العساف وفيه وارد الجبر
ستانلس ستيل بغدادية ممتازة

ابريق الشاي تجد كوفيا ستانلس ستيل في محلات الرحلات
أو تجد أنواع صينية ستانليس ستيل في محلات التخفيضات ( ابوريالين سابقا )
واحرص أن تكون فتحة غطاء الابريق كبيرة السبب تستطيع أن تضع فيها بعض اجزاء العزبة مما يوفر مساحة وانا شخصيا اضع فيها موقد الكوفيا بعلبته البلاستيكة

الفناجيل والبيالات تجد في محلات التخفيظات, ستجد تشكيلة ممتازة ورخيصة
البيالات خذ النوع الجيد والسميك بدون زخارف وتذهيب فهي اصبر واسهل في الغسل
الفناجيل انت بين خيارين اما زجاجية شفافة أو زجاجية بيضاء أفضل من الفخارية فهي تتحمل اكثر وتعيش طويلا وصحية .

الله يعطيك العافيه على اسمك ناصح
بيض الله وجهك

لكن اخوي والكلام للجميع تقدرون تعطوني
اسم محلين او اكثر
واحد (للعزب والدوافير والمركاب والحافظات وحافظة الكاسات والفناجيل الخ ... )
والثاني ( للمعاميل والكاسات والفناجيل الخ ... )
ياليت تعطوني محلين او اكثر القى عنده صناعات وخامات ممتازه

[al-rmali]

قبل شوي كلمت الاخ الفاضل ابو يحيى
والصراحه الرجال ماقصر بيض الله وجهه وكثر الله من امثاله
وهذي والله الهقوه با اعضاء منتدى مكشات
الرجال حب انه يخدمن لكن للاسف مطلوبي اكبر من اللي متوفر عنده شوي
قالي اقدر اوفر لك اللي تبي لكن يبي لك تصبر من اسبوع الى اسبوعين
بس للاسف انا مستعجل و ما قدرت اصبر والصراحه لو اقدر اصبر ماترددت اشتري من عنده
ونصحني في المرباع لكن على حسب القائمه توقعون اني راح القاء كل اغراضي عندهم
ولا فيه اشياء لازم اخذه من برا ارائكم مانستغني عنه