كفر جديد منشق مع الجنب

[وجعين]

عندي كفر جديد نوع قودييرانشق مع الجنب شق صغير (مسمار) رقعته توبلس جلس كم شهر بدى يهرب كل خمس ايام لازم اعبيه ؛هل يوجد حل له غير الرقعه الحرارية لآني جربته بكفر اخر ونطلقت سمعت انه فيه نوع من الرقع او بخاخ قوي جدا اين اجده ًماهو اسمه وجزاكم الله خيرا

[مخ سعودي]

وانا اخوك اشتر سلامه نفسك وعائلتك
الرقع مع السرعه والحرارة راح تهرب

[ملك السيييف]

وأنا أخوك هذا الشي ما يبي له كلام غير الكفر واترك عنك التلفيق سلامتك أولى

[وجعين]

أخذت هذا المنتج وعبيت الكفر له الان خمس ايام ماده زي السكر بعد التعبيئة الماده خرجت مع الثقب .


http://www.gulfup.com/?YkzufT



.

.

[اسدهم]

فية شركة من نفس العلبة تحصلها رسمة كفر
حلو جدن
وشي الثاني بوة بخاخ في محلات العليان شفوة علا طريق خريص بعد المستشفي الحبيب حي الريان

[وجعين]

أبشرك البخاخ هذا ممتاز عايرت اليوم الكفر مانقص منتج ممتاز قيمته ٢٨ ريال من ساكو يعني أحسن من رقعة التوبلس الي تشق الكفر

[مسير عليكم]

رح الطيار رقعه حرارايه وتدعي لي البخاخ الي تقولون ياثر علي الحساسات ؟

[وجعين]

الرقعه الحراريه مجربه مهي مضمونه قد سويته بكفر كان فيه شق مع الجنب قيمته خمسين ريال وخليته الكفر اسبير طلعت للبر يوم فرشت فرشتي وسمع صوت انفجار مادري منين توقعت تانكي البنزين تذكرت الكفر فتحت الشنطه وثره الكفر يمكن الي سواه مازبطه المهم اني تبت من الرقعه الحراريه الأولين يقولون الملزق يطيح البخاخ هذا يدخل مع الشق ويسده يعني يصير جزاء من الكفر بينما الرقعه الحراريه تلزق على الشق مع الوقت تطيح

[وجعين]

السلام عليكم المنتج الي فوق بالرابط اثبت فشله رغم الشق بسيط بعد أسبوع لقيت الكفر نايم عبيته هوا وجزمت على رقعه حراريه سويته اليوم بعد مافكه البنشري لقينا الكفر مليان ماده زي القاز لا سكرت الشق ولا منه اي فايده مثل ماعبيته بوسط الكفر مثل ما فرغه البنشري يعني الدعوى غش تجاري

[أبو عاصم النجدي]

جزاك الله خير على الافادة
لولا مشاركتك الاخيرة كان قد شريته

[راعي الرود]

ياغالي انا ماعرف الا الرقعه الحراريه ومن سنين اي كفر ينشق مسمار او غيره ما ارقع الا عند الطيار رقعه تيوبلس حراري الماني 30 ريال مع ضمان و ترصيص
اما المواد التجاريه ذي لو بها خير اشتهرت عند كل الناس لكن شغل تجارة ما صنعو هالبخاخات يبون سلامتي وسلامتك يبون قريشاتك

[ابوعزآم]

اي كفر ينشق مع جنبه لازم يغير واللي يقول لك ينرقع ينصب عليك ..

والرقعه الحراريه لاتتعدى الطيار بمخرج ١٤ في الرياض باتجاه الشرق تحصله على يسارك يعطيك ضمان مفتوح على الرقعه

انا متعامل معه من سنين والحمدلله ماحصلت اي ضرر منها

[وجعين]

اي والله لأحد يشري المنتج والله يالبنشري انه بلش وهو ينفخه بلهواء ويطلعه برى مامنه فايده حصلته زي الماء المهم الاخوان وصوا برقعه حراريه والى الان له اكثر من شهر تمام التمام سويته عند دوار الهديه المحل الي توه فاتح بجنب السنيدي نسيت اسمه لكن مافيه الأهو والسنيدي بالموقع

[رحال7]

اي والله لأحد يشري المنتج والله يالبنشري انه بلش وهو ينفخه بلهواء ويطلعه برى مامنه فايده حصلته زي الماء المهم الاخوان وصوا برقعه حراريه والى الان له اكثر من شهر تمام التمام سويته عند دوار الهديه المحل الي توه فاتح بجنب السنيدي نسيت اسمه لكن مافيه الأهو والسنيدي بالموقع

كم كلفت؟ الرقعه

[وجعين]

٣٠ ريال لكن شغلهم تمام اخذ له وقت وهو يصنفر مكان الرقعه وهذا اهم شي نظافه المكان قبل وضع الرقعه

[تركي98]

يا اخوان انتبهوا من الرقعه الجانبيه ...ترى ماتنفع من واقع تجربة..انشق علي كفر قبل كم سنه مع الجنب مسمار مدري كيف دخل بالجنب جاي شطف ورقعته وقالي البنشري (باكستاني) اعرفه من زمان ترى مايصلح لان الشق جانبي وبينسم او ينشق بخط خل اركب لك جديد احسن بس ماسمعت كلامه وقلت يبي يلعب علي يبيني اشتري جديد وبعد فترة بسيطه مسكت خط ويوم انتصفت بالخط ويضرب علي الكفر نفسه ويوم وقفت لقيته منشق بطول الجنب نفس مكان الرقعه منشق مع العلم اني مشيك عليه قبل امشي وكان هواه تمام مانقص..لكن يمكن مع زيادة حرارة الكفر ماتحمل .

[شاق النفد]

خوذوها قاعدة
الكفر اذا بنشر مع جنبه انس انه يضبط
اما اذا في الدعسه ارقعه رقعه داخلية حرارية(المانية) وانس امره
كلامي من خلال تجارب مهوب تجربه