تهريب زيت في ركبة الباترول

[عابد عبود]

السلام عليكم
بعد تغيير رمانات الهوب الاماميه وبعد فتره من التركيب لاحظت وجود زيت في الركبة الاماميه يمين كان بسيط في البدايه لاكن الان بدأ يوصل الى الكفره واحيانا الاقي قطرات على الارض وش يمكن تكون المشكله ومشكورين
مع العلم انه قبل لا اركب الرمانات ماكان يوجد اي تهريبات نهائيا
وايضا التهريب في الداخل يعني يندي مع الركبه وصولا الى الكفره

[الا سير]

هذي صوفة العكس لازم تغيرها
التهريب منها
لازم تفرط الركبة وتغيرها وسعرها حول 40 ريال
وشغل اليد حول 150 ريال
بس اهم شي جب صوفه اصلية

[عابد عبود]

بس الجيب مديله ٩٧ هل يجي عكس !!

[عابد عبود]

طيب اذا مشيت عليها مسافات يضرها ؟؟

[مفضخ الشري]

اذا هو شحم فهو من الركبه

اما الزيت من صوفه العكس

نعم الـ97 فيه عكس بوسط الدفرنس

حاول ماتطول فيها عشان ماينجرش العكس و يبدأ يطلع اصوات

[ابوسند9]

وعليكم السلام
عندك احتمالات
اذا انت مغير الصوف فا اللي ركبها ممكن ما ضبطها
واذا انك ما ركبت صوف فا احتمال ان اللي ركب الرمان ماثر على الصوفه وجارح الصوفه
اونك معبى الدفرنس زيت اكثر من اللازم
لكن توقعي ان هذا شحم وشكل المهندس مكثر الشحم بزياده
والسياره امش عليها وما عندك مشكله وتوقع مع الوقت راح يوقف التهريب وحاول بعد كل فتره تغسل مكان تهريب من شان المتابعه

[ميكا مكشات]

غير صوفة العكس وتضبط قيمتها مع الشغل 250 اصلي

[عابد عبود]

لا ماهو شحم اخوي ابو سند ريحته زيت دفرنس
انا كلمت مهندس وقالي احتمال ان اللي ركب لك الرمانات وبعد ماخلص شدها زياده وانقرصت الصوفه من الشد عشان كذا طلع الزيت
هل كلامه صحيح ؟؟

[الا سير]

مالها دخل صوفت العكس ما هي حول الرمان
الحين كل ركبة فيها صوفتين وحدة داخلية
الي هي حقت العكس والثانية حقت الهوب
الاولى لاخربت تهرب الزيت
والثانية لاخربت تهرب الشحم

[محمد 2002]

غير صوفة العكس الصغيرة الداخلية حسب وصف الأخ الاسير وترى شغلتها بسيطة ولا تاخذ وقت فنصيحة غيرها ولا تهملها