تجربتي في تعديل المكيف الصحراوي

[ساقان]

السلام عليكم ورحمة الله وبركاته

حبيت اعرض تجربتي في تعديل المكيف الصحراوي من نظامه المعتاد والمعروف الى نظام مروحة الحديد

في البداية يتكون المكيف الأصلي من قش او كرتون + مروحة تعمل بالدينمو + دينمو + طرمبة ماء أو غطاس

بعد التعديل سيتكون من : مروحة شفط - قش أو كرتون - غطاس

المزايا :
عدم الحاجة الى صيانة الدينمو أو الخوف من الحريق - فقط تركيب قش وتنظيف المكيف بداية الصيف

العيوب :
ضعف التبريد عن نظامه الأصلي بسبب قوة دفع الهواء من المروحه وكذلك قوة الصوت


الحل تركيب دايمر لتخفيف قوة الهواء والتحكم فيه من حيث الصوت والبروده

فائده :
مصنع الواحة موجود رقمه في النت وكذلك موقعه الالكتروني يبيع بودي لوحده بدون دينمو ومروحه يقوم المصنع بتوصيل المكيف لمكانك ويمكنك شراء مروحة حديد وتركيبها بدريل وكذلك اضافة غطاس.

فائده ثانيه:
عند تسليك كهرباء المروحة يفضل اضافة سلك ثاني للغطاس لأن الدايمر مايصلح يكون إلا للمروحة فقط بينما الغطاس مطلوب منه العمل بكامل طاقته.

فائدة ثالثة:
الدايمر لفيت الرياض كله للبحث عن دايمر قوي ويتحمل، ولقيت الدايمر القوي عند محل العصيمي للكهرباء بشارع الزبير بن العوام حي الروابي ، وتمت تجربة الدايمر الموجود عنده على مكيف حصانين راكبه عليه مروحة حديد 60*60 وتعتبر من أكبر المراوح سعرها 480 ريال ونجح الدايمر بكفاءة .

فائدة رابعة:
يوجد عند بعض المحلات شبكة توزيع الماء أعلى المكيف أفضل وأجود من النظام القديم في المكيفات.

طلب :
الدعاء لوالدتي بالصحة والعافية


:c

[برق البطين]

السلام عليكم بس لو ياخوي صورت تجربتك وبالتفصيل اعتقد تخدم من يرغب في التحويل ومتردد

[أبوسعد111]

الله يجزاك خير
ويخلي لك الوالدة
ويمتعاها بالصحه والعافيه

[ساقان]

السلام عليكم بس لو ياخوي صورت تجربتك وبالتفصيل اعتقد تخدم من يرغب في التحويل ومتردد

العمل للأسف تم قبل وقت طويل ولم يتوفر كاميرا

من يطلع على هذا الرابط اضغط هنا (https://www.google.com.sa/search?q=مروحة+مكيف+صحراوي&rlz=1C1GGGE_arSA496SA496&espv=210&es_sm=93&source=lnms&tbm=isch&sa=X&ei=UBEsU7XRFcaThgfu-ICQBg&ved=0CAkQ_AUoAQ&biw=1280&bih=629#facrc=_&imgdii=QnembLT6Jj133M%3A%3BB5JtqFXEi3G1jM%3BQnembL T6Jj133M%3A&imgrc=QnembLT6Jj133M%253A%3BdkUmxj0jAd5tfM%3Bhttp% 253A%252F%252Fup.albrari.com%252Fuploads%252F13388 7768410.jpg%3Bhttp%253A%252F%252Fwww.albrari.com%2 52Fvb%252Fshowthread.php%253Ft%253D72420%3B700%3B5 25) راح يطلع بنتيجه جيده .. وفي صورتين راح أدرجهم لشكل المكيف بعد التعديل

http://im63.gulfup.com/yo0TE.jpg (http://www.gulfup.com/?kSB4Iu)

http://im63.gulfup.com/dcUy0.jpg (http://www.gulfup.com/?HFkh0y)

[الشوق بحر]

ممكن توضح وش الهدف من هذا التعديل ؟؟

[فل اوبشن]

بارك الله فيك والله يخليلك الوالده ويمتعها بالصحه والعافيه على طاعته

[ساقان]

ممكن توضح وش الهدف من هذا التعديل ؟؟

نسيان الصيانة غير تغيير القش اول الصيف

[Raselny]

بارك الله فيك
انا عندي تجربة الصيف الماضي بتحويل المروحة الى مروحة شفط لمكيفين ، واحد منهم تم تركيب مفتاح دايمر والثاني بمفتاح تشغيل عادي، ابو دايمر خرب المروحة بعد استخدام ٣ شهور تقريبا اما الثاني شغال طبيعي لليوم الحمدلله.

عندي سؤال بخصوص مكيفات الواحة
البدي معدن ام بلاستك ؟

[محب الجهاد]

اخوي ساقان بارك الله فيك وجزاك الله عنا خير الجزاء اين مكان بيع هذه المكيفات التي بالصورة
وكم حصان
وكم وآت تستهلك
وهل انت اللي مركبها كما في الصورة ام المصنع
ارجوا الجواب علي أسئلتي للأهمية انتظر ردك

[ساقان]

بارك الله فيك
انا عندي تجربة الصيف الماضي بتحويل المروحة الى مروحة شفط لمكيفين ، واحد منهم تم تركيب مفتاح دايمر والثاني بمفتاح تشغيل عادي، ابو دايمر خرب المروحة بعد استخدام 3 شهور تقريبا اما الثاني شغال طبيعي لليوم الحمدلله.

عندي سؤال بخصوص مكيفات الواحة
البدي معدن ام بلاستك ؟

بالنسبه للدايمر عندي مافيه مشاكل اتوقع عندك تخليه مقصور على آخر شي وتظن المروحة طفت وهي يجيها كهرب ضعيف جدا وتحتمي الدائرة الكهربائية او انك تقصرها على درجه ضعيفه بحيث دورانها مايبرد دائرتها الكهربائيه وهذا كله توقعات

والواحه معدن لكنه الوحيد حسب علمي يبيع بودي لوحده

[ساقان]

السلام عليكم بس لو ياخوي صورت تجربتك وبالتفصيل اعتقد تخدم من يرغب في التحويل ومتردد



الله يجزاك خير
ويخلي لك الوالدة
ويمتعاها بالصحه والعافيه


بارك الله فيك والله يخليلك الوالده ويمتعها بالصحه والعافيه على طاعته


اخوي ساقان بارك الله فيك وجزاك الله عنا خير الجزاء اين مكان بيع هذه المكيفات التي بالصورة
وكم حصان
وكم وآت تستهلك
وهل انت اللي مركبها كما في الصورة ام المصنع
ارجوا الجواب علي أسئلتي للأهمية انتظر ردك

شكرا لكم وجزاكم الله خيرا

محب الجهاد انا لست بائعا ويمكنك البحث في قوقل بهذه العبارة : مكيفات صحراوية (( كنديشن )) من الفيبر جلاس

[ابو عبدالرحمن 76]

الله يجزاك خير
ويخلي لك الوالدة
ويمتعاها بالصحه والعافيه

[اسدهم]

يعني احصل جروم او جاهز مثل الي في صورة وياليت تفيدنا الصيف والفواترير الكهرب تذبح

[ساقان]

يعني احصل جروم او جاهز مثل الي في صورة وياليت تفيدنا الصيف والفواترير الكهرب تذبح

اذا تبي جرم فاضي الواحه متوفر عنده وانت تركب المروحه والعوامه
اذا تبي مرهم وجاهز عند العصيمي موجود

[وطن6001]

وعليكم السلام ورحمة الله
ربي يسعدك وعساك للجنة ووالديك وجميع المسلمين
ياليت توضح سعر التايمر ونوعة
حجم المروحة وسعرها وعدد دوراتها
أماكن البيع بالرياض
حتى تعم الفائدة للجميع

[ساقان]

وعليكم السلام ورحمة الله
ربي يسعدك وعساك للجنة ووالديك وجميع المسلمين
ياليت توضح سعر التايمر ونوعة
حجم المروحة وسعرها وعدد دوراتها
أماكن البيع بالرياض
حتى تعم الفائدة للجميع

شكرا لدعائك أخوي
التايمر سعره مابين 40 - 60 تقريبا
حجم المروحه حسب حجم المكيف الحصانين يختلف عن ربع الحصان كلما زاد الحجم زاد حجم المروحه

عدد الدورات غير مطلوب رقم كبير لأننا نحتاج تخفيف سرعتها بالدايمر لأن كل ماخففت السرعه زاد التبريد

ملاحظه اخيره نسيت اذكرها انه من سلبيات التعديل الصوت اعلى شوي من النظام الأساسي للمكيف لكن نسيان الصيانة والدينمو تعطل الخ يريح

[وطن6001]

شكرا لدعائك أخوي
التايمر سعره مابين 40 - 60 تقريبا
حجم المروحه حسب حجم المكيف الحصانين يختلف عن ربع الحصان كلما زاد الحجم زاد حجم المروحه

عدد الدورات غير مطلوب رقم كبير لأننا نحتاج تخفيف سرعتها بالدايمر لأن كل ماخففت السرعه زاد التبريد

ملاحظه اخيره نسيت اذكرها انه من سلبيات التعديل الصوت اعلى شوي من النظام الأساسي للمكيف لكن نسيان الصيانة والدينمو تعطل الخ يريح

يعطيك العافية
والله يسعدك
ممكن اسم الدايمر وصناعتة
والمراوح بأي نوع تنصح عندي 20 مكيف ربع ونص
اشتغل عليها الان والله يرزقنا ويرزقكم
ومعليش للاطالة

[اسدهم]

ياليت تزودنا مكان المحل اوارقامها

[ساقان]

شباب انا ماعندي محل ولا اشتغل تعديل فقط تجربة سابقة حبيت اطرحها وبينت فيها السلبيات والايجابيات

[ناصح]

الله يعطيك العافية يا ساقات

تم تطبيق التجربة في بيت الوالد

ومثل ما قلت كل شيء تمام

عدا الصوت مرتفع شوي

شكرا لك

[ساقان]

الله يعطيك العافية يا ساقان

تم تطبيق التجربة في بيت الوالد

ومثل ما قلت كل شيء تمام

عدا الصوت مرتفع شوي

شكرا لك

صحيح مثل ماتفضلت بمشكلة الصوت لاكن الدايمر يلغي نسبه كبيره من الازعاج

[sameer_1798]

رائعة انا جربت اللي على كهرب dc 12 فولت ولا اروع استهلاكها للكهرب بسيط جداً قريب 90 واط وعلى البطاريه بدون محولات ,بطارية 100 امبير تشغله أكثر من 9 ساعات وعندي نظام خلايا شمسية بالبيت وشغال 24 ساعه
العيب فيه يبغاله غرفه صغيره دفع الهواء فيه ضعيف شوي لكن بارد وصوته ضعيف والمكيف ربع حصان

[السفاري]

رائعة انا جربت اللي على كهرب dc 12 فولت ولا اروع استهلاكها للكهرب بسيط جداً قريب 90 واط وعلى البطاريه بدون محولات ,بطارية 100 امبير تشغله أكثر من 9 ساعات وعندي نظام خلايا شمسية بالبيت وشغال 24 ساعه
العيب فيه يبغاله غرفه صغيره دفع الهواء فيه ضعيف شوي لكن بارد وصوته ضعيف والمكيف ربع حصان

الله يعافيك مشرفنا القدير القدير ياليت تفصل شوي يعني لو اشتري مكيف ربع وارهم له مروحة شفط يشتغل على بطارية السيارة 9 ساعات سواء شبكته على البطارية مباشرة او المحول

تحياتي لك

[ابوسعودالسهلي]

ياليت والله اللي عنده رقم المحل يرسله لي


لي فتره وانا ابحث عنه كل فتره اغير الدينمو حقه وودي اركب نفس اللي بصوره مروحه ورتاح من الدينمو

والمشكله سعره غالي

[المتلولس]

التجربه ممتازة مسويها من خمس سنوات ومن ناحية الصوت اذا سنترت المروحه صح يخف الصوت كثير اما اذا ماسنترت مظبوط تصير كنه صوت طيارة

[sameer_1798]

الله يعافيك مشرفنا القدير القدير ياليت تفصل شوي يعني لو اشتري مكيف ربع وارهم له مروحة شفط يشتغل على بطارية السيارة 9 ساعات سواء شبكته على البطارية مباشرة او المحول

تحياتي لك
تشتري مكيف صحراوي وتشيل الدنمو كامل والغطاس وتركب مروحة سيارة كهربائيه 12 فولت وغطاس 12 فولت ,,,, او تشتري المكيف بدون دنمو من الواحه ,,, بالنسبة لي ماعندي وقت افك واركب واشتريته جاهز 1200 ريال .
9 ساعات بناء على البطارية 100 امبير وبدون محول ........ واللي بالموضوع مركبين مراوح شفط اللي بالمطابخ هذه 220 يعني لابد تركب له محول اذا بتشغله على البطاريه .ويكون اقل من 9 ساعات لبطارية 100 امبير بسبب المحول .

[السفاري]

تشتري مكيف صحراوي وتشيل الدنمو كامل والغطاس وتركب مروحة سيارة كهربائيه 12 فولت وغطاس 12 فولت ,,,, او تشتري المكيف بدون دنمو من الواحه ,,, بالنسبة لي ماعندي وقت افك واركب واشتريته جاهز 1200 ريال .
9 ساعات بناء على البطارية 100 امبير وبدون محول ........ واللي بالموضوع مركبين مراوح شفط اللي بالمطابخ هذه 220 يعني لابد تركب له محول اذا بتشغله على البطاريه .ويكون اقل من 9 ساعات لبطارية 100 امبير بسبب المحول .

يعافيك ربي اذا فيه احد او محل يبيعه جاهز ياليت ترسل لي رقمه ولو على الخاص

[وطن6001]

ربي يسعدكم

[ساقان]

عنوان المحل حسب الفاتوره متوفر عنده المكيفات المعدله + الدايمر القوي الاصلي


http://www.m5zn.com/newuploads/2014/05/17/jpg//m5zn_f2f94ed5fa435f7.jpg

[البدراني0]

أخي الكريم ,
هل أستطيع تركيب المروحة على مكيف حصان ونصف ؟ وهل كفاءتها سوف تكون مثل المروحة الأصلية للمكيف لأنني قمت بتمديد دكت للمكيف على شقتي؟ وأخيرا هل أجد أحدا يقوم بتركيبها ؟

جزاك الله خيرا

[ساقان]

أخي الكريم ,
هل أستطيع تركيب المروحة على مكيف حصان ونصف ؟ وهل كفاءتها سوف تكون مثل المروحة الأصلية للمكيف لأنني قمت بتمديد دكت للمكيف على شقتي؟ وأخيرا هل أجد أحدا يقوم بتركيبها ؟

جزاك الله خيرا

انا مركب مراوح على مكيف حصانين
مراوح وندي مقاس 60
سعرها 480
الكفاءة في التبريد أقل
في الصيانة أفضل
من يركبها ممكن المحل يدلك على كهربائيين يتعامل معهم

[ابومازن2014]

اخي العزيز ساقان

عندي مكيف حصان واحتاج تغييره لمروحة
فهل اركب عليه 40في 40 او 60في 60


لاانوي تركيب تايمر ومكانه مرتفع بالصالة العلوية وينزل على الدور الارضي يعني يبعد عن الدور الارضي تقريبا 12 م

[ساقان]

حصان يكفيه 40 في اربعين

[ولد الأجاويد]

واضح أنك تحب الخير لغيرك أخوي ساقان وما شاء الله على سعة صدرك وتحملك لنا من كثرة الأسئلة

الله يكثر من أمثالك
ويشفي والدتك ويعافيها ويقرعينكم برؤيتها صحيحة سالمة

محبك أبومعاذ

[الضيق]

بارك الله فيكم
ومنكم نستفيد

[ساقان]

تجديد الموضوع بمناسبة عودة الصيف

[ساقان]

يرفع للفائدة ، وينصح بتركيب كرتون مخصص للمكيف الصحراوي وله عدة سماكات على ابواب المكيف الخارجية في حالة تعرض المكيف للشمس مباشرة لزيادة البرودة وتقليل التمليح

[علي بن]

انا سويت نفس الطريقة وهي تركيب مروحة عادي بدل المروحة الأصلية واستغنيت عن الدينمو

لكن اللي يبي نصيحتي الدينمو أفضل بكثير .. من حيث قوة دفع الهواء .. انعدام الصوت ..

[adv123]

السلام عليكم ورحمة الله

كم تكلفة الثلث اخوي
مروحة كورية
وتايمر
وكرتون 10سم


شاكر ومقدر لك