سؤال عن طرمبة الزيت و كذا شغله اخرى

[مفضخ الشري]

السلام عليكم



- هل تعتبر طرمبة الزيت قطعه استهلاكيه ؟ او ماتتغير الا اذا تعطلت او ضعفت ؟؟؟

خصوصاً لاهل المكاشيت البعيده و السفر هل تستاهل تغييرها ولو ان ماعليها ملاحظات عدا انها قديمه لها حول 14 سنه ؟؟

- عمود التوازن الخلفي هل يعتبر قطعه استهلاكيه يعني يستاهل تغييره ولو ان مافيه ملاحظات الا القرقعه من جلد العمود ؟؟ لأني ماحصلت جلد عمود توازن ماينباع الا العمود كامل مع الجلد


- غسيل تانكي البنزين من الداخل (فك التانكي و غسيله و تنظيفه من الاتربه) هل فيه فايده تستاهل لأن فك التانكي يكلف شوي وانا معي طرمبه بنزين جديدة ودي اركبها على تانكي نظيف فـ وش رايكم؟

[مفضخ الشري]

للرفع رفع الله مقداركم

[سيف الحرب]

طرمبة الزيت اذا السيارة المقصودة جمس عن نفسي اعتبرها قطعة استهلاكية لكن ما اقارن عمرها بالقطع الثانية مثل الاقمشة والفلاتر وغيره طرمبة الزيت في الجموس عمرها الافتراضي قصير
وعامود التوازن اذا سليم ومافيه عفوط غير جلد فقط مايعتبر قطعة استهلاكية ولايحتاج تغيير
والتانكي بما انك منزله ومغير طرمبة جديدة غسله افضل واذا في صفاية او فلتر غيرها بالمرة

[عميد آسيا]

^^
طرمبة الزيت اللي يخبرها استخدم الزوجة غير مناسبة
لو تلاحظ غالبية الشعب يغيرون 50-20 و الزوجة المطلوبة 30-5 و لو الواحد مستخدم الزوجة الصح من البداية ما كانت استهلاكية زي ما تقول