تكفون يااهل الخبره باترول 98

[قشوط]

السلام عليكم ورحمة الله وبركاته

عندي باترول ربع 98
غثني بصوت
1 - اذا عشقت من الثاني لثالث وانا اعشق يطلع صوت ( قلق قرق ) مثل الطقطقه او قربعه مزعج
صوت يطلع وقت التعشيق فقط

2- طقه اذا عشقت ورفعت رجلي عن الكلتش بعد التعشيق يجي طقه
غيرت الصليبات مانفع ، السياره مركب لها فرارات

...

عندي عمود التوازن الامامي الي عند الكارتير فيه مشكله انه يحك العمود بالكارتير شوي غيرت كراسي مكينه تباعدو عن بعضهم شوي بس مهو بشكل مقنع يعني احس مع الحفر والهزهزه يلامسون بعضهم هل هذا طبيعي في الباترول 98 مكينه 4200 كاربريتر

وزيت المكينه ماينزل للكارتير بسرعه لازم لو تبي تعاير تخليه يوم او يومين علشان ينزل كله ولا يطلع ناقص علما انه بعد مااخليه واقف يوم او يوم ونص واعاير يعطيني عيار تمام ومافي نقص

ياليت تفيدونا الله يجزاكم خير ..

[قشوط]

وين الردود تكفون يالربع افيدونا .

[قشوط]

للرفع الله يرفع مقداركم

[الا سير]

بالنسبة للصوت الي تقوله اتوقع انه من الفحمة حقت القير
لازم تشوف مكانيكي فاهم وراح يعرفها باذن الله
اما المشكله الثانية غير الجلدة الي بوسط الياي
سعر الثنتين ب 300 ريال وان شاء الله تضبط امورك
بس قبل لاتغيرهن تاكد منهن متاكلات ولالا

[قشوط]

الله يعطيك العافيه اخوي الاسير

الفحمه السياره تعشق معي كويسه كل التعشيقات لاكن الصوت من الثاني ل الثالث

الياي عندي مافيه مشكله ولا له صوت

واذا رفعت رجلي عن الكلتش يجي صوت طقه سواءاً ريوس او اي تعشيق بعد ترك الكلتش يجي طقه

لاكن احس ان الصوت بالعمود نفسه لانه يجي صوت طقطقه على سرعه 20 وماادري اخاف اخسر فيه مع العلم غيرت الصليبات
رفعت السياره على عفريته وهزيت العمود بيدي ولاحظت ان البستم الي بالعمود هو الي يهز مو من جهة الصليب الي يهز من النص فقط لما احركه يهز

( السياره مركب لها ياي استرالي ٤ سانتي ) - ( ومنزل القير ١ سانتي ).

وعندي هالمشكله ابي اتاكد منه اذا كان عندك موديل 98 ياليت تتاكد لي من العمود التوازن الامامي الي ورا الدفرنس هو يجي اثنين واحد قدام الدفرنس الي فيه مساعد الدركسون والثاني ورا الدفرنس عند الكارتير والمشكله عندي في هذا الي ورا الدفرنس
(ان العمود يحك بالكارتير قريب منه ) وفيه حكوك واضحه ومادري هو طبيعي كذا ولا .

وشاكر لك اخوي ..

[الا سير]

لا ما عندي باترول
الصوت الي يطلع بين الغيارات
الظاهر انه نحاسات بس مثل ماقلت لك
لازم اسمع الصوت واتاكد
بالنسبة للعمود فكه وده للمخرطه وراح يكشف لك عليه
ويعلمك وش يحتاج

[SGL]

أخوي شيك على زيت القير والدبل إذا لقيت الزيت ناقص زيده وبخصوص طقة العمود شحمه وشحم عمود الدبل معه وإن شاء الله تروح الطقه وتخف الفضاوه وعمود التوازن شيك عليه أتوقع إنه منعوج

[وجعين]

بلعاده الصوت الي انت وصفته يطلع من الصليبات

[abu-nasr]

السلام عليكم
هلابك هالمشكله صارت معي على وصفك للمشكله
غيرت الدسك والكلتش وقلت للعامل قبل يفك القير على الصوت وسمع الصوت وقالي هذي زي الورده بماصورة القير تكون منكسره قيمته تقريباً 30 ريال وغيره لي يوم فك القير لكن لاتفك القير علشانه إلا اذا صلحت الكلتش وحصل وانفك القير غيره

[قشوط]

الله يعطيكم العافيه وبيض الله وجيهكم على التفاعل.