أنصحوني يا أخوان صوت قرقعه بالشروكي

[المسفري]

:confused: السلام عليكم جميعا عندي مشكله وأبي فزعتكم عندي شروكي مديل 2001 كلاسيك فاكه على أيدي من الوكاله الحمدلله مابه إلا العافيه بس مشكله بسيطه هي عند المطبات خاصه المطبات الناعمه أو المشي بالبر على أرض صلبه أسمع صوت قرقعه من قدام وكأن يوجد براغي منحله أو بمعنى أخر كأن حاجه مرتخيه وتضرب ببعضها غيرت المساعدات ما فيه فايده جميع الوصل مشحمه لايوجد سحقيه والصوت هذا أسمعه بس بالمطبات الخفيفه الحاده وكأن قطع حديد ترتطم ببعضها أرجو من صادفته هذه المشكله أو أي واحد عنده رأي يفيدني وسوف أدعوا له بظهر الغيب والسلام عليكم ورحمة الله وبركاته / أخوكم المسفري

[لبرتي]

وعليكم السلام ورحمة الله وبركاته

شيك على الأذرعة وعمود التوازن أحتمال كبير يكون منه

[zaizoom]

( المسفري )

بالنسبة للصوت اللي تسمعه .. الجواب على وجهين .
.
.

إن كان الصوت ( داخلي )

فهذا طبيعي .. لأنه صادر من الديكور الأمامي للمكيف وملحقاته ..

وهو موجود بجميع الشيروكيات .. فلا تخف
.
.

أما إن كان الصوت ( خارجي )

فهذا له أسباب مختلفة .. لن تعرف إلا بالمعاينة !!

لكن

أتوقع أنه طبيعي (ما دام إنك شيكت عليه ولم يتبين شيء)

والأصوات التي تسمعها بالمطانيج والمطبات الصغيرة

هي بسبب تصميم هيكل الشيروكي

حيث إنه ( صبه واحدة ) .. وتحس بصلابته بالمطانيج خاصة ..

.
.
أخيرا .. أتمنى أن تشيك على الكفرات !!

وأي استفسار ( اسأل بلا تردد )
.
.

[المسفري]

الأخ الكريم أخر لفه أشكر مرورك ... بالنسبه للأذرعه وعمود التوازن فأني فكيتهن وعملت لهن ضغط هيدروليك على المفاصل بدون فائده أشكرك مره أخرى
الأخ الكريمzaizoom أشكرك على الملاحظات بالنسبه للصوت فهو خارجي 100%100 وبالتحديد عند الكفرات الأماميه وهوصوت حاجه مرتخيه كأنه شيء غير مربوط تمام والصوت غير طبيعي أبدا أما بالنسبه للكفرات فهي شبه جديده (هانكوك ) والصوت كان موجود أيام كانت عليه كفرات بلده قودير وظهرة هذه المشكله بعد كم كشته للصمان ... أشكرك مره أخرى وأتمنى من أهل الخبره أفادتي والسلام عليكم ورحمة الله وبركاته أخوكم / المسفري

[مشاري1]

لأخ المسفري السلام عليكم ورحمة الله وبركاته/حدث ذلك معي في جيب شروكي ونفس المشكله صوت خارجي ويختفي أو يقل الصوت عندما أدوس بشكل خفيف على دواست البريك وأنا ماشي طبيعي وغيرت القماشات الأماميه وراح الصوت بفضل الله عاد أنت أخي شيك على القماشات الأماميه ونسأل الله السلامه للجميع.

[مهراس]

السلام عليكم ورحمة الله وبركاته

أخو المسفري: مثل ما قال الغالي مشاري1 تغيير القماشات الأماميه يحل المشكله اذا هي مستعمله اكثر من نصف عمرها، لأن المشقبيات (المساكات) اللي تمسك القماس بالكاليبر مع الأستعمال تنحل وتطلع صوت.

ايضا هناك اربعة اذرعه / عوارض (ماهي حقة الدركسون) اثنين فوق واثنين تحت يمين ويسار ولهن جلود كبس، شوف اذا هن كويسات او يبغالهن تغيير.

واذا كا عندك صوت طقطقه من الطبلون، فك الوجه اللي في الوسط قدام القيراللي يغطي المسجل ومفاتيح المكيف واحشيه سفنج من الخلف بالطول والعرض، انا مجربه في سيارتي 100%.

أبو فهد

[ابو غزاي]

اخوي يالمسفري انا كان معي نفس اللي تقول رجة قداما اذا طعست والا في مطناج والا مطبات خفيفة . رحت فحصت عند المجد في الصناعية وغيرت وغيرت ما في فايدة رحت لمحطة جنب البيت عند واحد باكستاني قال غير الجلد الي قدام ( شفها جلدة يمين ويسار ) وغيرتها وراح الصوت نهائياً ورجعي الحين لاني مركبها تجارية وباغيرها وبحط أصلي ان شاء الله .
لاتنسانا من دعاك

[المسفري]

الأخوة مشاري 1 \مهراس \أبو غزاي المحترمين
أشكر مروركم وتفاعلكم مع المشكلة وأتضح أن الصوت من القماشات الأمامية لانهن نصف عمر
جزاكم الله ألف خير وبيض الله وجيهكم000000
أخوكم \المسفري

[إبن فيصل]

الاخ/ المسفري السلام عليكم ورحمة الله وبركاته....مشكلتك نفس الي كانت عندي أسمع صوت حديد يحك في بعض ورحت للميزان وشيكو عليه قالوا ما فيه شي كل شي تمام الفرامل زينة ولا أعتقد مثل ما قالوا الاخوان مع إحترامي لوجهات نظرهم لكن إذا كان الصوت على كلامك حديد يحتك ببعض فأنا أرى أنها ستزول بمجرد أنك تعمل تربيط للسيارة خاصة المقدمة لأنها هي الاكثر عرضه للتخلخل خاصة بعد الروحات والجيات على البطانيج والمطبات والكرف بشكل عام سو الي أقول لك عليه وإنشاء الله بتدعيلي والصوت الي كان عندي تراه في المقدمه قريب من قدام السواق رح وسو تربيط ومنها أنك تربط السيارة وتصير زينة إن زانت والا أنت ما خسرت شي.

وتقبلوا تحياتي ...إبن فيصل،،،،

[جيب ربع]

أخوي المشكلة مثل ماذكر الإخوان تجد في عمود التوازن تقريباً اربع ربلات تفصل بين البدي ( الشاصي) والعمود


غيرها وإن شاء الله يروح الصوت .. وهذا الشيء صار معي

ملاحظة : ممكن يكون السبب من أحد الربلات والباقي يكون شبه سليم أو يكون الظاهر لك إنه سليم والخلال يكون من الجهة الداخلية ... ارجو إنك تكون فهمت قصدي....

[faafree]

السلام عليكم ورحمة الله وبركاته
حبيت اشارك دام ان سيارتي شروكي.....شوف يلحبيب...افتح النافذه وطلع راسك وتصوخ زين للصوت واذا على قولتك طالع من صوب الكفر الامامي و اذا حسيت ان الصوت يروح ويجي مع دورت الكفر .....اصبح اذا كلام الشباب صحيح ....غير القماشات وانشاء الله بيروح الصوت ولو بعد فتره.....اما اذا كان الصوت يطلع مع المطبات....فشوفلك شارع نضيف بس يكون فيه مطبات قليلة وصغيره في نفس الوقت وهم تصوخ للصوت وانت مطلع راسك برا النافذه اذا سمعت الصوت يقرقع مع طبت المطبة الصغيره وانت ماشي حول العشرين او الثلاثين والصوت كانه قرقعت مفاتيح العدة.....فانت طحت على العلة...وهي سلمك الله ....عندك في الصدام في الداخل توجد حديده مادري ايش شغلتها بس تكون مرتخيه وخابر صدام الشروكي حديد...وحديد في حديد.....يطير العقل.....وهذ الي صار معي ...وانشاء الله اكون افدتك
موفقين.