عدنا..... والعود ابوماجد..ههههه.................الحل:الطاقه......حل ه:ناصرالعلي

[ابوذيبان]

بسم الله الرحمن الرحيم

السلام عليكم ورحمة الله وبركاته

اتمنى من كل قلبي ان يكون الجميع بخير وسعادة..

يشهد الله اني في غاية الشوق لكم 0وفي قمة الخجل منكم لتقصيري الكبير معكم

اشكر كل من سأل عني ع الخاص الله لايحرمني منكم:heart:

دخلت بسلم عليكم . وشفت قسم الالغاز واسمائكم الغالية وتهيضت بذا العجل..:good2:

ياسلام الله على طيبٍ سريت=صوب قسمٍ بالذهانة يبهرك
طيبكم فوآح وانا جيت وشريت=قربكم..ياقسم واجب اشكرك
صابني شيءٍ بلحظة ماقريت=الاسامي.. بالاخوة تشعرك
جيت اسلم والحقيقة مارضيت=بس اسلم. قلت لازم بشترك
جت لي الفكرة وانا توي نويت=ياقسم ذا اليوم ناوي امطرك
لغزنا بيتٍ معه .ايضا بويت=وطلبتي تكفون لا لا يفترك
ويش بنتٍ لو طمرت ولا مشيت=دونها ماظن تقدر تحترك
والسمية كان بعدك مادريت=جزء منها يابن آدم يسترك

وسلامة روسكم ...:good2:

[ذيب الفقارة]

وعليكم السلام ورحمة الله وبركاته

نورت الخيمة أخي الغالي

ما تصير :

العصبة

تحياتي

[ناصر العلي]

وعليكم السلام ورحمة الله وبركاته

سلمت ياأبوذيبان

وصح لسانك

ومايجي قصور يالغالي

وياربي حيّه

محاولة

الطاقة

أو

الراحة

[صقر السديرات]

ياهلا وغلا بابو ذيبان وحياك الله والحمد لله على سلامتك
وهذي قصيده مكسرة عساها تجوز لك فرحة بعودك





يا هلا باللي على بالي طريت=مرحبا وعلى حضورك نشكرك
ربي ساقك يمنا ثمين جيت=ابهواك وماظني احد اجبرك
وآنا عن تواجدكم توي دريت=والمعرف قالها هو يخبرك
فرحتي ازفها في كم بيت=في قصيد صاحبي هو ياسرك
ساري فكري وانا بعد سريت=يم خيمة حسنها هو يجبرك
ليتكم ياصاحبي والله ياليت=عندنا بمكشات ماعد تحترك



وسلامتكم
دمت بخير

[صقر السديرات]

يمكن ام الركب
دمت بخير

[ابو اسامه 2]

وعليكم السلام ورحمة الله وبركاته

ياااا هلاااا وغلااااا

اسفرت وانورت

يا الله حي الغائب عن الانظار المتواجد في القلوب

صح لسانك

والحمد لله على عودتك


يا هلا بك يوم للخيمه للفيت=بعد غيبه حنا دايم ننطرك
شفت اسمك كنت راكي واستويت=قلت لازم اكتب ابيات اشكرك
وزن مبهر يوم لابياتك قريت=ماهر ٍ بالحيل الله ممهرك
ودنا في الزود وانا ما رويت =من جديد ومن قديم ودفترك
رمعتي عين كان للرمعه رميت=والا فكري عند لغزك محترك

[ابوذيبان]

هلا ومرحبا بالجميع... لى عودة الان ان شاء الله :)

[ابوذيبان]

حياكم الله جميع والله يسلمكم من كل شر

والرمعة عند دكتورنا المبدع/ ناصر العلى

وهي الطاقة ونشرح اللغز

ويش بنت لو طمرت ولا مشيت . دونها ماظن تقدر تحترك
بدون طاقة الجسم لايمكن نتحرك ابدا

والسمية كان بعدك مادريت . جزء منها يابن ادم يسترك

طاقة القماش وجزء منها اي الثوب او اي لباس يستر الانسان

والبعض يسميها كورجة او ماشابه..

واستلموا والعذر من القصور

للغالي ـ ذيب الفقارة ..

والغالي ـ ناصر العلي

والغالي ـ صقر السديرات..وصح السانك ملاييين يالغالي ع الابيات

والغالي ـ ابواسامه...وصح لسانك ملاييين يالغالي ع الابيات

مرحبا ياذيب في الصفحة عويت=وجاوبك ذيبان ربي ينصرك
مشرفٍ للمنحلة ولا اكتفيت=وللضيافة حازمٍ وسط اظهرك
ومرحبا ياناصر الخوة لقيت=الرسالة بالرسايل ماطهرك
ياعميد الغازنا لغزي عميت=ويالغيزي انـتـثر فج انحرك
ومرحبا ياصقر للعليا رقيت=للكرم صورة تطابق مظهرك
الجزالة عندكم والله وفيت=صح قافك صح لسانك ونظرك
ومرحبا يابواسامه ارتكيت=للحمل تتعب ولا هم اسهرك
مشرفٍ للطيب بعذري لو عنيت=ياجزيلٍ والدرر وسط ابحرك

[ابوذيبان]

تحية لجميع رواد هذا القسم العامر

ولملك الالغاز .عودنا ابوماجد

بحفظ الله...:)

[النبهاني]

وشوله تبطي وشوله من غلاك والله اقوله
ننشد حضر وبوادي عنك ياللي ما انت غادي
ياللي الطير بحرفك شادي
ناشب باشغال الله يعينه
من حقك تغيب بس ماهو من حقك تطول
الغيبه
ياهلا ويامرحبا كل التراحيب بالذيب ابوذيبان
وعليكم السلام ورحمة الله وبركاته
وصح لسانك على هالزين
وكفو يابو على هالسدحه عوابدك يامصاع الارقاب

ومرحبا

[ناصر العلي]

سلمت يالغالي

وبيض الله وجهك ورفع قدرك

تحياتي و تقديري

[ناصر العلي]

وشوله تبطي وشوله من غلاك والله اقوله
ننشد حضر وبوادي عنك ياللي ما انت غادي
ياللي الطير بحرفك شادي
ناشب باشغال الله يعينه
من حقك تغيب بس ماهو من حقك تطول
الغيبه
ياهلا ويامرحبا كل التراحيب بالذيب ابوذيبان
وعليكم السلام ورحمة الله وبركاته
وصح لسانك على هالزين
وكفو يابو على هالسدحه عوابدك يامصاع الارقاب

ومرحبا
حياك ربي ياأبوسالم

وبيض الله وجهك


وكفوك الطيب يالغالي

تحياتي و تقديري