كم ماشيه سيارتك المكاشيته ؟ و ماهي اخر صيانه قمت بها ؟ و أبرز الاعطال اللي واجهتها ؟

[سقم المعادي 1]

السلام عليكم

اسعد الله صباحكم/مسائكم بالخير و الرضى


موضوع لتبادل الخبرات و السواليف الزينه ان شاء الله

كم ماشيه سيارتك المكشاتيه ؟

ابرز المشاكل الميكانيكيه اللي واجهتها ؟
(المشاكل الميكانيكيه فقط)

اخر صيانه ميكانيكيه سويتها (مع ذكر التكلفه ان حصل) ؟


ببدأ انا


السيارة : لاندكروزر جي أكس آر 99

http://www.mekshat.com/pix/upload05/images253/mk285337_motry.jpg

الممشى : 400.000 كم (ماشاء الله)

المشاكل الميكانيكيه اللي واجهتها هي ضعف في العزم و زيادة في صرفيه البنزين (تم حلها بتغيير البواجي مع الاسلاك)

اخر صيانه سويتها
- صفايه بنزين 130 ريال
- اسلاك بواجي 420 ريال
- بواجي 42 ريال
- فلتر هواء 75 ريال
- فحمات 225 ريال
- ساعة زيت 115 ريال
- كلتش مروحه 520 ريال
المجموع : 1527 ريال
(الاسعار تقريبيه من ذاكرتي ممكن تزيد او تنقص بشكل بسيط)

و الآن يحتاج الموتر صوفة صدر و صوفه دبل و بعض الجلد التحتيه


بانتظار تجاربكم مع سياراتكم

[مفضخ الشري]

باثفندر 2005 قير تماتيك
ماشي 380 الف
اكثر المشاكل اللي واجهتها ولم اجد لها حل نقص الزيت و تقريباً كل الباثفندر كذا
تم توضيب المكينه مره واحده على ممشى 220 الف او حواليها و حول الـ300 بدأ يدخن شنبر و غيرت مكينته بوحده استعمال ياباني نظيفه و الحمد لله إلى الآن ماشي ولاحظت ان الاستعمال الياباني افضل من التوضيب الف مره مع اني وضبت عند واحد معروف عند راعين الباثفندر (حسبي الله عليه) شغله زي وجهه
اخر صيانه سويتها تصييخ رديتر وتغيير حساس يسبب تفتفه يسمونه حساس دعسه اظن
والله يجيب الدراهم و نفتك منه

[بن جلاجل]

فتك 2006 وتم بيعة ولله الحمد كان ماشي اقل من 300 الف والي جربو الفتك بشكل عام ما يفيد معه نظام التشييك لانه يتوقف من قطع كهربائية وحساسات مرة كنت راجع به من القصيم وخرب علي قبل الغاط صار معد يمشي الا 90 والعزم ضعيف لدرجة انه ما قوى يرقا طلعت الغاط هههههه فرحت به مع الطريق القديم فمثل هالامور تجيك فجأه خصوصا في الباترول وهي حساس الدعسة وسعرة 4500 ريال واكتاوت الطرمبة ب50 ريال فلذلك انصح اخواني اصحاب الفتوك انه ما يروح بر بعيد الا ومعه اكتاوت احتياطي ويكون شابك الطرمبة دايركت لسلامته

[حبل الوريد]

موضوع جميل ومرجع مهم

[مشلخ الذيب]

يوكن 2005

تم بيعه ماشي 200 الف

حساس دبل + جلدة طرمبة الزيت ( مع انها ماتحتاج بس زود حرص )

[sgl2002]

باترول ٩٨ بخاخ


ماشي ٥٠٠ الف


استخدامي اكثره بر


الاعطال اللي تواجهني كل سنه لازم جلد ورباطات من تحت الموتر بقيمة الف ريال


وغيره ماواجهني شي


علما ان مكينته للحين شد بلد بدون نقص

[سقم المعادي 1]

باثفندر 2005 قير تماتيك
ماشي 380 الف
اكثر المشاكل اللي واجهتها ولم اجد لها حل نقص الزيت و تقريباً كل الباثفندر كذا
تم توضيب المكينه مره واحده على ممشى 220 الف او حواليها و حول الـ300 بدأ يدخن شنبر و غيرت مكينته بوحده استعمال ياباني نظيفه و الحمد لله إلى الآن ماشي ولاحظت ان الاستعمال الياباني افضل من التوضيب الف مره مع اني وضبت عند واحد معروف عند راعين الباثفندر (حسبي الله عليه) شغله زي وجهه
اخر صيانه سويتها تصييخ رديتر وتغيير حساس يسبب تفتفه يسمونه حساس دعسه اظن
والله يجيب الدراهم و نفتك منه

الله يعطيك خيره ويكفيك شره و يرزقك باللي تتمنى
شاكر لك على مشاركتك

[سقم المعادي 1]

فتك 2006 وتم بيعة ولله الحمد كان ماشي اقل من 300 الف والي جربو الفتك بشكل عام ما يفيد معه نظام التشييك لانه يتوقف من قطع كهربائية وحساسات مرة كنت راجع به من القصيم وخرب علي قبل الغاط صار معد يمشي الا 90 والعزم ضعيف لدرجة انه ما قوى يرقا طلعت الغاط هههههه فرحت به مع الطريق القديم فمثل هالامور تجيك فجأه خصوصا في الباترول وهي حساس الدعسة وسعرة 4500 ريال واكتاوت الطرمبة ب50 ريال فلذلك انصح اخواني اصحاب الفتوك انه ما يروح بر بعيد الا ومعه اكتاوت احتياطي ويكون شابك الطرمبة دايركت لسلامته

الله يعوضك باللي احسن منه
و شاكر لك مشاركتك لتجربتك :good:

[سقم المعادي 1]

موضوع جميل ومرجع مهم


الله يسلمك و ودنا والله لو شاركت معنا حتى يستفيد الجميع

[سقم المعادي 1]

يوكن 2005

تم بيعه ماشي 200 الف

حساس دبل + جلدة طرمبة الزيت ( مع انها ماتحتاج بس زود حرص )

ماشاء الله

الله يعوضك باللي احسن منه

و شاكر لك مشاركتك لتجربتك معنا

[سقم المعادي 1]

باترول ٩٨ بخاخ


ماشي ٥٠٠ الف


استخدامي اكثره بر


الاعطال اللي تواجهني كل سنه لازم جلد ورباطات من تحت الموتر بقيمة الف ريال


وغيره ماواجهني شي


علما ان مكينته للحين شد بلد بدون نقص

ماشاء الله

الله يطعمك من خيره ويكفيك شره
و ان شاء الله يمشي معك مثل ممشاه دبل بدون اعطال :good2:

[زوم]

السلام عليكم الموتر جيب لكزس موديل 2014 ماشي 5000 اخر صيانه تغير الزيت المشاكل حتى ولله الحمد ما فيه شي

[الهدد الاشهب]

سابقاً كان معي كروزر GX 2002 اشهب شريته ماشي 17 الف عام 2004 و جلس معي إلى السنه اللي راحت مشى 360 الف ولا عانيت من مشاكل ميكانيكيه نهائياً و بعته و متندم على بيعته كثر شعر راسي مير الله يطعم راعيه خيره ويكفيه شره
و الآن معي سلفرادو امريكي موديل 2010 غمارة Z71 و الممشى 140 الف كم , المشكله الوحيده اللي عانيت منها و إلى الآن ماحليتها هي بعد ما امسك خط و اطفي الموتر و ارجع اشغله مره ثانيه مايشتغل من اول دقه سلف يالثانيه ولا الثالثه ويشتغل
و اخر صيانه سويت له فحمات و زيت قير فقط

[الاشهب 507]

السلام عليكم
الموتر /فور رنر
المديل/ 1993
الممشاء /800الف
المشاكل/ والله الحمد على يدي
وكاله المشكله الوحيده إلى واجهتني
الكرونه بسب اهمال تصليه تهرب بسيط
في عمود الدوران من الصوفه
للعلم وقولوا ماشاء الله مكينته شد بلد
ولافكة ولا وضبت والله الحمد والتدخين
ولاتبويش السبب المحافظه عليه من الجور
وتغيير الزيت كل 5الاف أنا ماعمري جرت عليه
ابد لا بعد ماوصل 200الف بعده بديت اجور حبه حبه
ليه تعود على الجور استعمالي له ركاده لكن جاني فيه
حادث بصيط في الوجهيه والى ما هلحين وهو واقف لين
الاديتر انخرق وان شاء الله اوديه الوكاله عند اليحي
بع ال900الف للصيانه الشامله
الاشهب 507

[w7sh]

gx 93 ماشي ٥٥٠ الف توضيب عند ممشى ٤٠٠ والموتر من يد في يد واغلب وقته بر وعقاب وصيد

مايشكي من شي ولله الحمد ، مع العلم انه مكروف لين قال امين ، لكن التويوتا غير

والله يبارك للجميع في مواترهم

[سقم المعادي 1]

السلام عليكم الموتر جيب لكزس موديل 2014 ماشي 5000 اخر صيانه تغير الزيت المشاكل حتى ولله الحمد ما فيه شي
ماشاء الله

الله يمليك بركته و عقبال المليون بلا اعطال

[سقم المعادي 1]

سابقاً كان معي كروزر GX 2002 اشهب شريته ماشي 17 الف عام 2004 و جلس معي إلى السنه اللي راحت مشى 360 الف ولا عانيت من مشاكل ميكانيكيه نهائياً و بعته و متندم على بيعته كثر شعر راسي مير الله يطعم راعيه خيره ويكفيه شره
و الآن معي سلفرادو امريكي موديل 2010 غمارة Z71 و الممشى 140 الف كم , المشكله الوحيده اللي عانيت منها و إلى الآن ماحليتها هي بعد ما امسك خط و اطفي الموتر و ارجع اشغله مره ثانيه مايشتغل من اول دقه سلف يالثانيه ولا الثالثه ويشتغل
و اخر صيانه سويت له فحمات و زيت قير فقط

الله يعوضك بهدد 14

و يعطيك خير موترك الحالي و يكفيك شره

[سقم المعادي 1]

السلام عليكم
الموتر /فور رنر
المديل/ 1993
الممشاء /800الف
المشاكل/ والله الحمد على يدي
وكاله المشكله الوحيده إلى واجهتني
الكرونه بسب اهمال تصليه تهرب بسيط
في عمود الدوران من الصوفه
للعلم وقولوا ماشاء الله مكينته شد بلد
ولافكة ولا وضبت والله الحمد والتدخين
ولاتبويش السبب المحافظه عليه من الجور
وتغيير الزيت كل 5الاف أنا ماعمري جرت عليه
ابد لا بعد ماوصل 200الف بعده بديت اجور حبه حبه
ليه تعود على الجور استعمالي له ركاده لكن جاني فيه
حادث بصيط في الوجهيه والى ما هلحين وهو واقف لين
الاديتر انخرق وان شاء الله اوديه الوكاله عند اليحي
بع ال900الف للصيانه الشامله
الاشهب 507

ماشاء الله
الله يعطيك خيره و يكفيك شره

[سقم المعادي 1]

gx 93 ماشي ٥٥٠ الف توضيب عند ممشى ٤٠٠ والموتر من يد في يد واغلب وقته بر وعقاب وصيد

مايشكي من شي ولله الحمد ، مع العلم انه مكروف لين قال امين ، لكن التويوتا غير

والله يبارك للجميع في مواترهم

ماشاء الله

فعلاً الكروزر إلى 97 هذي الموديلات معروفه بالتحمل و الصبر و قليل او نادر مايطلب صيانه
و الاحظ كثير من راعين الطرد و القنص يشترون 97 مع انه يقدر يشتري اجدد منه لكن محبوب عند اهل القنص الـ97 وتحت

الله يطعمك خيره ويكفيك شره

[سقم المعادي 1]

نبي تفاعل اكثر ياشباب ماهيب هي بس 8 اللي معهم سيارات بالمنتدى
عطونا علومكم و تجارربكم وش مشاكل سياراتكم وش اخر صيانه سويتوها
نبي هالموضوع يصير مرجع لأي واحد ناوي يشتري موتر جديد او مستعمل
و نتبادل خبرات من بعض ,,, لو اني كاتب موضوع مقارنه بين ياباني و امريكي كان وصلنا 100 رد لكن الله كريم :D

[uaa.123]

هايلكس 2008 ممشاة 250 الف عكس خلفي داخلي + ركبة امامي هذا غير القطع الاستهلاكية

شكراً

[Messerschmitt]

لاندكروزر هدد 94

ماشي اكثر من 800 الف

الصيانات على مدى 5 سنوات : رمان امامي, الصوف بأنواعها, ليات دركسون, ليات فرامل, جلد عمدان وبدي, كبليتر, صدر مكينة,علبة فرامل, اصلاح ركبة امامي .

التكلفة : 12500 تقريباً مع شغل اليد.

[ابو فهد...]

هايلوكس ٢٠٠٠
التجهيزات الي عليه
مساعدات مرسيديس امامي وتقويس سست خلفي
ومراوح كهرب وهدرز وفلتر
استخدامي له مراقى وتطعيس
وصيد وسفر ماشي ٧٠٠ الف
الاعطال
الكلبريتر مهوب صافي علشاني مركب فلتر ومهمل نظافته
علبة الدركسون
والكمبروسر
والقير طق يوم مشى ٦٠٠
والباقي قطع استهلاكيه فحمات وسيور ... الخ

[ذيب ذهلان]

Gxr 2012 ولله الحمد ماوجهتني مشاكل

[ابونبيل]

هايلكس دبل ٢٠١٣ ولله الحمد ماشي ٤٥ الاستعمال بر وخطوط ومتتاز الحمدلله

[مفضخ الشري]

ماشاء الله وين تروحون انتم اللي ماشي 800 واللي ماشي 700 واللي ماشي 500 و 400 هههههههه
الله يبارك لكم في حلالكم جميع