بخصوص السلف

[ahham]

صباح الخيرعندي سؤال بخصوص سيارتي اليوكن 2003م
طبعآ هذه الحادثه اول مره تحصل الي
شغلت السياره عشر دقائق تقريبآ وبعدها طفيت الموتر
بعد ساعه ونصف جيت اشغل السياره مادق سلف مع انه يوجد كهرباء في البطاريه حولت عدة مرات لم تنجح المحاوله
اقفلت السياره
وبعد نصف دقيقه دقيت سلف واشتغل الموتر
حاب اعرف ويش السبب لاني انا ديمآ اطلع اروح الخبر الدمام بس الحين اخاف تحصل الي هذه المشكله وحاب اعرف من ويش هذه المشكله حتى اتجنبها

[محمد 2002]

إذا كان يدق السلف والكهرباء واصلة ولكن ما يشتغل هذي طرمبة البنزين

[متقاعد مبكر]

تاكد من الاسلاك حق السلف والدقمه الموصله للبطاريه قد يكون عليها كربون يمنع وصول الكهرباء واذا مافي اتوقع ان السلف والدقمه تحتاج لتنظيف وتشحيم الجلبه فقط هذا اذا البطاريه سليمه حسب كلامك

[كلاش2500]

شوف يالحبيب ..اللى فهمته من سؤالك انك وقت مادقيت سلف مافى اى صوت بالرغم من وجود الكهربا....اذا كان فهمى صحيح عندك كذا احتمال والله العالم....
1-السويتش فيه مشكلة....
2- في فيوز اسمه ستارتر شيك عليه....
3-تأكد من اسلاك السلف يجوز في واحد محلول من جهة السلف طبعا
4- اذا تكررت معك الحركة قم بعمل تغيير لنمر القير يعنى حرك عصا القير من ال p الى R الى D ثم ارجع لل p وشغل او قم بتحريك عصا القير بشكل خفيف وحاول تشغل....