ماهو افضل طير لصقار المبتدئ ؟

[صياد شمر]

السلام عليكم ورحمة الله وبركاته

عساكم بخيير


يااخوان انا الصراحه اول مره ادخل عالم الصقاره وان الله عطان عمر موسم الطيور الجاي ودي بطير وسألت وكثرة الاقوال (شاهين،جير،حر،وكري) وما صفية على شي


الزبده ابي الطير حق موسم فقط وابي سعره 5000/10000
وياليت تعلمونن وش ميزاته وسلبياته

[وزير الصيد]

السلام عليكم ورحمه الله وبركاته

واسعد الله صباحك


انصحك اذا مبتدي عليك بفرخ وكري لسهولت تعلمه واطباعه الزينه وهذ اللي عندي وانت عليك تستخير من رب العالمين سبحانه 0



(تحياتي وزير الصيد)

[ابوخالد--]

الموسم بنهايته
والافضل قرناس وكري صايد بتحصل بقيمة رخيصة خاصه هالاسبوع
وان كان تبي النصيحه جود فلوسك للموسم الجاي واشتر مع بداية الموسم
والوقت الحالي تقضيه مع الصقاقير وتتفرج ولا اظن بيمنعونك عن نقلة طيورهم واكيد بعزمونك تفرع بطير على كروان

[أبومحمد عنيزة]

وكري رخيص وراكد وخل حولم صقاقير يعلمونك ولاتنسى جهاز وريشه

بالتوفيق لك

[alisaad]

مأزيد على كلامي إخواني شيء ماقصرو

[رِصد جوِي]

أهلا بكـ
أنصحــك بالوكري دآمك مبتدئ ..وبالتوووفيــق يارب
تحيتي لكـ

[رفحاوي 999]

عليك بالوكري الفرخ

[صياد شمر]

الله يجزاكم خير ويعطيكم العافيه جميعآ

لأكن كم سعره ؟؟

[خيرها بغيرها]

مرحبابك يالغالي
اذا ناوي السنه الجايه ان شاء الله
كلام الشباب %
وسعره من 2000 الى 3500
تحياتي

[مغرم مقناص]

صحيح يفضل قرناس وكري سعره معقول ويكون سهل انك تصقره

الله يوفقك

[wa7eeed]

ماقصروا الاخوان

[تميم2222]

وكري مثل الكرسيدا يتحمل وسعره مناسب.

[Naif1]

السلام عليكم ورحمة الله وبركاته
افضل طير قرناس حر ويكون معروف
وليت تجالس اهل الطيور وتقرأ في هذا المنتدى كثير
شكراً

[حجاب ودهيس]

الصقاره ماهي سلعه تشتريها
كان ماعندك هوايه بمعنى الكلمه اترك الطيور لا تعذبونها وتعزر فيها
رح شف لك حاجه اخرا تسل فيها
الناس الحين فقط
معهم معهم علاهم علاهم
اتمنى من المشرف عدم حذف التعليق

[قمرعبر]

السلام عليكم انصحك بشيهانه جبليه بيتيه قد احد قبلك صقرها ودربا لأنها اسهل تدريب واسرع لتعليمك الصقاره

[صقر الجزائر]

وكري رخيص وراكد