يا شين اللي يطفي النور وجالس يتطفل على مراسلاتنا ...

[رمال الشمال]

هل من حل يا شباب وبماذا ننصح هؤلاء ...

[ا ل ح]

يارجال الي يطفي النور افضل من الي يقطع ( يلحط)

[موسى الطيب]

انا اشوف ان الي يطفي النور ويستمع لكلامك هدا هو احسن واحد عنده جهاز ولو شارك يصير احسن واحسن

هل سالت نفسك ليش الرجال مطفي النور وجالس كل هالوقت ؟؟؟

لان السوالف عاجبته وحتى لو ماكان موضوع مهم اهتمامات الشخص تختلف من شخص لشخص

وصدقني تراها مو تطفل عليك او على غير بقدر ماهي انصات لك ولكلامك الشيق الي يخليك الواحد تسولف وهو يستفيد من كلامك

ومثل ماقال ا ل ح

المستمع احسن من الي يقطع المحادثات بين الناس فرق بين السماء والارض


وترا فيه اجهزه فقط استماع يعني ماترسل ابدا وفيه كثير ناس من هواة الاستماع في كل العالم


بالتوفيق للجميع

[حجازي20]

وش الموضوع :eek:

[رمال الشمال]

يا موسى الفئة اللي ذكرت دورهم لي واحد بالمائة ليت أعرف أشفر القناة وخليه مثل اللي يناظرني من وراء الزجاج المغلق

[تميم2222]

هذا شغل مبزره

[خوي_الذيب]

القناة عامة

يعني للجميع

ليست محصورة على أشخاص بأعيانهم

أنا ما أدري اخوي

رمال الشمال

وين الإشكال !!!

يمكن قصدك اذا نزلت انت وخويك تحت العامة مثلاً

وجلستم تسولفون في امور الطلعة مثلاً

نقدر كذا نقول تطفل :good2:

تقبل رأيي بصدر رحب

:D:D:D

[ابو فارس66]

مااشوف فيه تطفل نهائيا
انت اقتنيت الجهاز وتعلم ان الكل راح يسمع محادثاتكم.
واذا فيه شي خاص عندك الجوال. او قطعة خلط اشترها انت وخويك وارتاح

بالنسبة للي يستمع احسن من الي يدخل عليث ويقطع محادثاتكم

تم الإرسال من جهازي SM-N9005 بواسطة تاباتوك 2

[رويلي]

مثل ما قالوا الاخوان القناة للجميع :) ويا زينه اللي مطفى النور ولا يجيك بزر يسبب ازعاج

[رمال الشمال]

صح كلامكم بالصميم واللي مشتري الجهاز يدري إن القنوات ماهي ملكه لكن ودي أسأل اللي يقول شي عادي هل ترضى إن أحد يطفي النور ويسمع لك وبعد ما يخلص من الاستماع يدخل عليك بالموضوع عرض ...
أليس أفضل إنه يشاركك الموضوع
أيهما أفضل اللي يسلم ويستأذن ويشارك إن أراد المشاركة أو المطفي ..؟؟ أكيد تبي تقولون إن الأول أفضل لأنه مربينه أهله صح ... أم الثاني .. تربية شوارع ...مع احترامي لكل مطفي
( كل إناء بما فيه ينضح )

[رويلي]

صح كلامكم بالصميم واللي مشتري الجهاز يدري إن القنوات ماهي ملكه لكن ودي أسأل اللي يقول شي عادي هل ترضى إن أحد يطفي النور ويسمع لك وبعد ما يخلص من الاستماع يدخل عليك بالموضوع عرض ...
أليس أفضل إنه يشاركك الموضوع
أيهما أفضل اللي يسلم ويستأذن ويشارك إن أراد المشاركة أو المطفي ..؟؟ أكيد تبي تقولون إن الأول أفضل لأنه مربينه أهله صح ... أم الثاني .. تربية شوارع ...مع احترامي لكل مطفي
( كل إناء بما فيه ينضح )


تربية شوارع مرة وحدة
يا عزيزي لو انك بغرفة غير العامة ممكن نقول انه متطفل, بس انك بغرفة عامة وجهاز لاسلكي عام .. الدعوة تساهيل وانا اخوك وراس ماله لاسلكي ما دام انه ما غلط او اساء لاحد .. اتمنى فكرتي وصلت :)

[وحداني بعرعر]

موضوع شاطح ياخينا عليك الله ،.. اذا ماودك احد على قولتك يخرمس ويتطفل على سواليفك انت وخويك دق على صاحبك بالجوال وخذ راحتك ي الذيب بس انت مثل اللي مشلّع قدام الناس ويقول لاتناظروني ؟!!!

صدقني المسألة كلها حساسية زايدة فيك

[الحطيشي]

سلام عليكم. وش المشكلة اذا كان. مطفي ويستمع

[أبوصالح9]

شكلك جديد على المراسلات يارمال الشمال

هذا حال المراسلات من يوم طلعت الاجهزة واللي مايجيك منه اذى يازينه وخله يخرمس - واذا عندك شي خاص بوه سبعين الف طريقة تقدر تزينه وتتواصل مع خويك

[ابو نعمه]

موضوع شاطح ياخينا عليك الله ،.. اذا ماودك احد على قولتك يخرمس ويتطفل على سواليفك انت وخويك دق على صاحبك بالجوال وخذ راحتك ي الذيب بس انت مثل اللي مشلّع قدام الناس ويقول لاتناظروني ؟!!!

صدقني المسألة كلها حساسية زايدة فيك


انا اشهد :good2::good2::good2:

[ابو عزمي]

يازين التطفل شكلك ماجربت واحد يوجه عليك ويخرب جوك :D:D:D

[Obu-Nasser]

الاسلكي مافيه خصوصية الا اذا تركب قطعة تشفير
وغيرها هذا مافيه خصوصية
وبالنسبة للي يطفي نوره ماعندي مشكله معه، خله يسمع وش اقول ماعندي شي ادسه او اخاف منه، لكن بلاك من البزر اللي يقطع بينك وبين خويك!!! هالعينة هي التعبانة واللي عليها الملامه.

[اورنس الشمري]

أنا أستخدم الجهاز كمستمع من 6 سنوات , لأسباب عدة :

1- ليس لدي رخصة للمراسلة .
2- ثانياً ما أستمع إلا للي سوالفهم تستحق الاستماع .
3- مستخدم الجهاز يجب أن يعي أنه لا خصوصية لديه ويجب أن يعلم ان هناك مستمعين كثر.
4- احيانا أحد يطلق نداء استغاثة فنساعده .

وللمعلومة الاستماع فن كبير , منها للراديوهات , والأجهزة اللاسلكية , وغيرها من الهوائيات .

[حزم نجد]

البلى من الي يطفي النور ويسجل
قبل عشر سنوات والله دخلت على واحد من الشباب ولقيت عنده 300 شريط كله تسجيل سواليف والغاز وشيلات وفضايح
وبعدها تطور وبدا يسجل بالكمبيوتر
المشكله صايدني مع صوت ناعم عام 1420هـ ويهددني كل ماجيته خخخ