الخبره في ؟؟؟؟؟ اللياقه [الأرشيف]

مشاهدة النسخة كاملة : الخبره في ؟؟؟؟؟ اللياقه

قناص_قطر

16/11/2006, 02:37 AM

السلام عليكم ورحمة الله وبركاته

حبيت اذكر هذا الموضوع ليستفيد الجميع منه من خلال تجارب او خبرات الشباب

الموضوع هو ان كل واحد يذكر طريقة اللياقه الي يحس انها احسن او انها فضل طريقه لتصبح لياقة السلوقي (فووول) و ( توب) يعني لياقه جيده و كامله :good: ويشرح طريقة اللياقه باتفصيل وكم تستغرق هذه اللياقه من مدة ليستفيد منها السلوقي

الله الله بامشاركات المفيده ياشباب:D

هاوي سلق

16/11/2006, 09:30 AM

هلا فيك اخوي قناص قطر
1- يجب ان تكون صحة السلوقي سليمة والطعام متوازن
2- الجري الخفيف مع السيارة لمدة اسبوعين
3- تخليه يتمشى على النفود ويكون معه سلقان يلعب معهم على الرملة وقت العصر مثلا لانها تشد له العضلات
4- بعد الاسبوعين تحاول انك تزيد مدة الجري مثلا من 15 الى 30 كيلو جري خفيف
5- تستمر عليها لمدة شهر ونصف وراح تلاحظ التغير في اللياقة
6- لاتنسى طرد الجرابيع
وهذا اللي اعرفه ويمكن الاخوان عندهم حاجات افضل
ومنهم نستفيد

العتيبي %

16/11/2006, 02:05 PM

هاوي كفيت وفيت
وهذا افضل طريقة جرد للسلوقي

القـــناص

17/11/2006, 02:41 AM

قناص_قطر

17/11/2006, 03:52 AM

مشكورين ياشباب على المرور

بس انا احب ان كل واحد يقول طريقته الخاصه عشان انعرف الفرق ونستفيد من بعض

وفي اللياقه في ستين طريق تقوي فيها السلوقي

ومشكورين مره اخرى

كاسر الحوم

24/11/2006, 07:36 PM

هلابك يا قناص قطر
ومثل ما قلت فيه كذا طريقه والكل له طريقه خاصه في اللياقه
اما عن طريقتي اول الايام هروله وركض خفيف والركض الخفيف يكون اكثر من الهروله
وبعد فتره بسيطه يعني متلآ اسبوع ابدا أعطيه فتح كيلوا او كيلو ونص يعني اول ما اركضه اخليه يجيب اقصاه في كيلو او كيلو ونص
وابدا فالتركيض الخفيف مسافة 15 كيلو وعلى ذا الحال مدة شهر وبعدين اقرب بركه او بحر واخليه يسبح والطريقه هي
اني اربطه بحبل طويل شوي يعني متر وزياده واسبح به فالغبه فالعميق وبعدين هده وخله بيرجع للسيف بس هاذي اذا كنت تعرف تسبح او
انك تربطه وتدخل به البحر لين تشوف الكلب ما عاد يمشي ويبدى بالسباحه وتوقف وانت ماسك الحبل والسلوقي يسبح او انك تربطه فالعميق بطابوقه وتخلي الطابوقه في قاع البحر والسلوقي طافح يسبح لمدة مابين العشر دقايق والربع ساعه وبعدين ركض 10 كيلو
هذا بالنسبه للصيف ومواسم التحدي اما فالشتاء وكل الله كل يوم تهده وتقنص به وتكون لياقته عال العال الله الله
ونم بكير واصا بكير وشوف الصحه كيف بتصير:D
وهذا بالتفصيل الممل
اما البعض يكتفون بالتركيض 30 كيلو يوميآ وكذا طريقه كلن وتفحيمه
وإلى اللقاء في موعد آخر ونلقاكم على خير احم احم

الروقي..2

24/11/2006, 08:56 PM

والله انا من هو عمره 6شهور كل يوم اركظه 6كيلوحتاصارعمره سنه صرت من بين عشرين حتى ثلاثين الا اذا كن عندي طلعه قبلها بيومين ماركظه.عشان لطلعة مايكون منهلس.ومن هو جرو يشرب حليب احطله مع الحليب حلبة خيل وشف جبارة العظام

هاوي سلق

25/11/2006, 12:21 AM

واحب اضيف حاجة يمكن البعض مايعرفها
وهي انك تجيب طير ( حمام ) وتربط في رجله علبة ماء صغيره بريال وتخلي الطير بعد كذا يطير واذا طار يطير على مستوى منخفض من الارض وتخلي السلق يطرد وراه الين يمسك الحمامه وتجي انت وتفكها منه ولا تخليه يذبحها
على شان مايتعود على ذبح الطيور
وسلامتك

راعي منوه

25/11/2006, 09:58 AM

اذا كان السلق له فتره طويله ما طلع لازم تدربه بالتدريج اول شي هروله مع السياره لين تقسى رجليه
لانه في الغالب انه يحفى اذا ابطى ما طلع وبعد اسبوع زود السرعه شوي لين تحس ان السلق ما عاد يتعب
وبعد كذا عليك بالجرابيع في النهار وهي انك تصيد الجربوع في الليل وتفكه للسلق من بكره الصبح ولاالعصر
يعني اذا بررد الوقت وشف الجربوع وشلون يركض في النهار وفعلا تلاحض السلق تزيد اللياقه عندها من اول
اسبوع جرابيع بس لازم الجرابيع تكون شبه يومي

قناص_قطر

25/11/2006, 08:40 PM

مشكورين ياشباب على الردود
(وحبيت اقول ان لازم كل واحد يذكر طريقه مختلفه عن الطريقه العاديه الي كلن يعرفهااو انها جابت نتيجه ويا السلق الي عنده نبي طرق انخلى السلوقي ممتاز وجاهزلاي تحدي )لكي يستفيد الجميع

ومشكورين على المرور والمشاركه

الطنايا

25/11/2006, 10:51 PM

مشكورين على المعلومات

قناص_قطر

27/11/2006, 09:58 PM

مشكمور يالطنايا على مرورك

عيناوي 2006

28/11/2006, 07:44 PM

شكرااااااااااااااااااااااااااااااااااااااااااااااا اااااااااااااااااااااااااا

الووووحيد1990

28/11/2006, 08:36 PM

هذي افضل الطرق للياقه السلق والكل ماشي عليها

عويهره

29/11/2006, 09:56 AM

نعم مثل ما تفضلو اخواننا هذي احسن طريقه
والله الله بلجرابيع عز الله انها تكد السلق
وشكراا......

قناص_قطر

01/12/2006, 11:15 PM

تسلمون ياشباب على المرور

مهلوس الصيد

02/12/2006, 11:46 PM

الله لا يهينكم على هذا الموضوع والله استفدنا منه

ذيب سواج

04/12/2006, 10:21 AM

أنا مالي بالسلق.لأن الارنب أنقرضت تقريبا...ولاني رايح اجمّع السلق عشــــــان أصيد الحصانيه فيهن ((بعدين يقولون الناس هذا خلوي ياكل الحصانية)).بس فيه معلومه عندي أخذتها من شايب كبير بالــسن.أبي أذكرها يمكن بعض الشباب مايعرفها ....يقول ها لشايب يوم انه ولد والصيد متوفر. عنده سلقه يقنص فيها يوميا يجيب غداه وعشاه من الارانب.كان مايعطيها الا الحليب والتمر يمرسه بالماء....ويقول ماتروح الارنب منه........

شعوان السعدي

04/12/2006, 12:52 PM

السلام عليكم ورحمة الله وبركاته ,
كيف الحال يا شباب
اولا ودي اشكر اخوي الغالي وابن ديرتي قناص قطر على هذا الموضوع القيم والي بصراحة يحتاج الى اثراء بالمعلومات والخبرة من الاعضاء والي لازم محد يبخل علينا به
واعذروني على التاخير بسبب انقطاعي عن النت لظروف خاصة ولكن انشاالله نسوي الي نقدر عليه وانتم تعذرونا
بالنسبة لللياقة للسلوقي
معروف ان اللياقة للسلوقي مهمة وبدونه ما يستطيع السلوقي الصيد بشكل مرضي وفي بعض الاحيان نهائيا
فاللياقة تعتبر 60% من نجاح السلوقي وفشله فالسلوقي كائن حي مثله مثل الانسان الرياضي مثل الطير
فالطير اذا ما جردته على التلواح ودربته ما يمكن انه يصيد او يلحق
وهذا نفس الشي في السلوقي
فالسلوقي اذا ماعنده لياقة وخذته وهديته على صيدة ولحقها لمدة طويلة قد يموت فجاة في ثوان وهذا حصل معي انا شخصيا
حيث انه كان معي سلوقي جايني هدية من احد الاصدقاء في الامارات وكانه نوعه انجليزي (قرايهاوند) وكان في صملة يعني ما يخلي صيدته ودربته حوالي شهر يوم بعد يوم 5 كيلوا ورحت به السودان وهديناه لى ظبي مع سلق عربيات ولياقتها فوول المهم الكلب لحق مع الكلاب الى 3كيلو وبعد 3ونص وحنا معه بالسيارة طاح فجاة والكلاب راحت على اثر الظبي المهم فكرت انا انه تعثر ورحت ولاجيته وبعد ما لحقنا الظبي وقمنا نردده للكلاب وصادته الكلاب رجعت للسلوقي الا وهو من صيد امس وعيونه منافيص
المهم تركته ورحت وقمت اتعجب السلوقي وش فيه هذي اكيد عين فلان؟؟؟؟ الحارة (الله يلعن الشيطان ) طبعا ذيك الايام ما كنت اعرف واجد عن القراي هاوند بالعلم اني معطيه لياقة لاباس
صحيح انها مش ذيك اللياقة ولكن تمشي الحال وتعتبر مقبولة لكن اتضح لي ان هذي الانواع من السلق مالها سد والسلوقي فيه صملة وضغط على نفسه وهو مافيه سد مما ادى ان القلب يظهر من الغشاء وبالتالي سكتة قلبية يعني .....سلملي عليه.....
المهم مانبي نظهر من موضوعنا
ان اللياقة مهمة والي اهم منها البدء بالتدريج وعدم الا ستعجال في اللياقة
ومن افل الطرق الي انا جربتها هي انك يوم تظهر السلوقي لياقة تبدا بالمشي خمس دقايق وبعدها هرولة شوي شوي وبعدها ركض خفيف كيلوا وبعدها تركضه الى اقصاه وتشوف كم يجيب وبعدها شوي شوي بالتدريج هرولة وبعدها مشي خفيف حوالي 2 كيلوا وبعده تخليه يلعب على راحته خمس دقايق قبل ما تركبه عشان ما يتعقل
واليوم الي بعده وده بحر وخله نص ساعة وبعده ريحه وبعده خله فيه مدة وعلى هالموال
يوم جرد ويوم بحر مدة 20 الى 30 يوم بعده
الجرابيع تكفى
خلهن يمغطن ظهر السلوقي لين ما يتعب (طبعا مابيتعب لانه عند لياقة وثانيا باليل )
واذا كملت شهر على هالموال
شوف لك رملة وهات السلوقي بدون شرابات مثل ما يقول البعض لا
هات في نزلة وفكه وطلع السيارة مع عرق كبير مرة وصيح على كلبك ونزله وطلعه الين ما يهلك وليا هلك ريحه عشر دقايق
وخلك على الموال اسبوعين
وصدقني صدقني
يا سلوقيك اذا كان عياد انه يلين ظهر ويلحق عدل
واذا كان نسمه ردي انه يتعدل ويبين حتى في عضلات الجسم
مع الملاحظة عدم الاستعجال الف مرة والا سلم على السلوقي يانه يروح عليك ..يموت.....
او انه تنقطع فيه عصبة تخرب عليك الشغل كله
هذا الي عندي ومشكورين
واي استفسار انا حاضر
اخوكم شعوان ال سعد القحطاني - قطر

قناص_قطر

11/12/2006, 03:33 PM

هلا والله بشباب وسامحونا على التاخير

مشكورين ياشباب على المرور ويعطيكم العافيه

ماقصرت ياشعوان على هل المعلومات القيمه

شعوان السعدي

11/12/2006, 04:15 PM

هلا وغلا بقناص قطر
الفضل لله ومن بعده لك في طرحك هالموضوع
اخوك شعوان القحطاني

طلو

14/12/2006, 11:43 AM

الشباب ماقصرو بالمعلومات ولاكن ما يطلع لياقت السلق الا المقناص الي عليه الكلام عط السلوقي حاجتين الي هي اكرمه بالكل وبالطرد يكرم نفسه ويصيد واذا بعد هاذي ما يلحق الشارع وسيع