زيت قير الباترول الفتك هل اغيره

[أبو يزن]

السلام عليكم
يا اخوان انا عندي باترول ربع موديل 2012 فتك القير اوتوماتيك وماشي فيه الان حوالي 70000كم سبعين الف .... هل اغير زيت القير والا اتركه
اخشى اذا غيرته يعمل مشكله في القير علما ان القير مافيه اي مشكلة الحين
ياليت تنصحوني يا اخوان وكمان نوعية الزيت ومين افضل من يقوم بتغييره
مع تحياتي للجميع

[ms662]

توك علي 100 الف
التغيير عند الوكاله او محطات متعامله مع الوكاله نسيت اسمها

[سيف وقلم]

مركز ون ستوب

[اسدهم]

طيب عشان تعم الفايدة وين موقعا اذاكان القير عادي وني نحصل المحطة موقعي الرياض 000

[سيف وقلم]

http://fuchs.com.sa/ar/onestop/locations?field_location_city_value_many_to_one=Ri yadh

[أبو يزن]

شكرا للجميع على تجاوبهم واحب اعرف هل هناك فروع لهذه المحطات في جده او مكة
حتى اتمكن من تغيير الزيت لديهم وهي اقرب موقع بالنسبة لي حيث انني مقيم بمنطقة الباحة ووكالة الحمراني لم يتبق منها سوى بيع قطع الغيار وجالسين يسلخون في البشر سلخ الله لا يوفقهم
ولكم تحياتي

[أبو يزن]

شكرا عزيزي سيف وقلم على الافادة بالمواقع

[كلاش2500]

توك يبويزن ماوصلت ال100 الف وحتى لوزدت ان شاء الله مايضر.....والزيت حق الفتك التماتيك ياخذون جالون سعره غالى شوى حول 700 او اكثر مانى متأكد من الوكالة....والفلتر مايتغير يتنظف بس....اما عن الورش مليان الموضوع سهل ومايبغاله وكالة..واذا انت مصمم وكالة عندك العيسى والحمرانى بجدة...

[تميم2222]

العايدي. خابره ما يغير.

[أبو يزن]

شكرا عزيزي كلاش
لكن الزيت مثل ماذكرت غالي جدا ماتوقعت انه بهذه القيمه العالية
عموما بعد ان اكمل ال 100 الف كلم يكون لها باب وجواب مع شكري وتقديري للجميع

[sgl2002]

ياخوي اللي اعرف ان زيت الفتك التماتيك لازم تغيره كل ٧٠ الف


وتغييره لازم بالوكاله


عندك الكاتلوج تاكد منه


واذا بتغيره شف عندك العيسى بمخرج ١٨ بالرياض


قير الفتك التماتيك ماينمزح معه غيره قبل لايبدا شغل تاخير التعشيق والقلق

[أبو يزن]

السلام عليكم
حقيقة احترت معاكم يا اخوان في وقت تغيير الزيت بين من يفول بعد ( 100000 ) ومن يقول ( 70000 )
كتلوج السيارة ضاع مني فياليت اللي عنده كتلوج الباترول 2012 يتاكد واكون شاكرا له
مع تحياتي للجميع

[الكاسر1434]

وعليكم السلام
اخوي ابو يزن
مادام زيت الوكاله الي فيه ولا يوجد تهريب لا تغيره إلى على 200 الف وبعد كل فتره شيك عليه
وأنا غيرت الزيت بالوكالة قبل أسبوع ماشي 120 الف نظيف وسليم بكلام الفلبيني علماً انه مغيره قبل0
والسعر 400 ريال 4لتر (ماتيك جي) وشغل يد 150 ريال
والسموحة على ابدا الراي

[مسير عليكم]

اخوي الوكاله تغير من 80 الي 100 الف
ونت موترك جديد ع الضمان رح الوكاله وغيره علشان الضمان
وبالنسبه لزيت اذا مالقيت حق الباترول ركب حق الكزس او بي ام

[ابوسند9]

وعليكم السلام
لا تغير قبل 180 الف كيلو ,,انا غيرت بعد ما مشى 180 الف عند فني سعودي ويقول الزيت نظيف مره
نصيحه لا تغير ولاشي بدري عليه
واذا بتشوف الوكاله راح تتعب كل فرع له رائ اللي يقول بعد 70 الف والاخر 100 الف والبعض 150 الف
واذا بتركب راكب زيت الوكاله فقط او زيت بي ام وزيت البي ام فيه نوع ب 30 ريال للتر وفيه ب 90 ريال للتر