المساعد الشخصي الرقمي

مشاهدة النسخة كاملة : الدباب كيف اشيله معى


كنعان الطيار
16/11/2006, 11:05 AM
ياشباب قلت لولدى قبل فتره اذا حفظت عشرت اجزاء الاخيره من القرآن ابشرى لك دباب والولد قبل التحدى وهلحين حولك يبى يخلص :) بس المشكله وشلون احطه بالسياره الجيب gxعلما اننى لااحب المقطورات وافكر فى السله التى خلف الموتراواضع له حامل واخليه خلف الابواب الخلفيه بحيث يكون ملاصق للابواب الخلفيه شو رايكم ياشباب احد عنه فكره اورابط يحيلنى .....ولكم منى كل الدعاء بان الله يحفظكم:)
imksa
16/11/2006, 02:13 PM
كم مقاس الدباب ؟


اذا ما تقدر تشيله في شنطة الموتر بعد ما تنزل المراتب


مالك الا المقطوره ،

فمان الله
أبو ستري
16/11/2006, 05:05 PM
المقطورة أضمن لك وأحسن وتقدر تشيل الدباب وجميع الأغراض ..
لا تقول مادخلت مخي المقطورة لأنها توفر عليك كثير .
imksa
16/11/2006, 05:44 PM
المقطوره تخوف شوي وقيمتها مهيب بسيطه للي ما يحتاجها .


فمان الله
مصيول
16/11/2006, 10:31 PM
أسأل الله العلي العظيم ان يبارك لك في ابنك ويصلحه

زين ماربيت ابنك عليه أخي حفظ كتاب الله عز وجل ..


ومن ناحية حمل الدباب فنصيحة !!!

لا تركبة في شنطة الجيب بيسير ينقط زيت وكفراته بتحوووووس لك الجيب يعني يعينك الله وتسحبه بالقلص ..
الربذي
17/11/2006, 07:30 AM
اخي الكريم كنعان السلام عليكم كثر الله من امثالك واصلح ابنائك
اخي مالك الا اللي يركب على الصدام مو القلص لا حامل لدباب روعه تصدق ياهو منظر لاقلص ولاشي او انك تشتري قلص لاني مجربه امليه من الاغراض والدباب فيه يعني اسطوانه وخييمه الصمان والفرش ورواق وجراكن ماء وخيشة فحموكل هذا ب1400 ريال تجده عند محلات الدبابات انا مشتريه من جينان 1400 ريال وتوصيله من القصيم ب100 ريال يجيك قطع وانا ركبته بالحوش مع ابني ياهو نثره بس ركبناه وابي احاول اضيف صورته
او انك تركبه داخل الجيب بعد ان تكسر الدريكسون تحتوخصوصا دباب الاسيزو ياهو روعه حجم 80 سي سي بس ماهو مكروف حاول تشتري بحدود اللاربع الخمسه نظيف اشتريته من احد الزملا وكرف سنتين وبعته يوم عمرت براس ماله 3500
بس مره كسر على القزازه الخلفيه وكان نوع سيارتي فور رنر بس شيله يبي عضلات شوي
بالتوفيق نعم الاب انت بارك الله بك ماعليش يقول الصورة كبيره
بس هو شبك يعني مصنوع من شبك بس الريوس تبلش به ماتقدر تريوس به لانه يعقب السيارة
الفردوس
17/11/2006, 01:59 PM
انا عندي قلص
لكن بعض الاحيان ودي اخت للثمامة معي الدباب
وضعت صدام الدباب الحديدة في شنكار الجيب الخلفي حق السحب بحيث الدباب مرتفع وجهه ويمشي على كفراته الخلفية
وأمشيء بسرعة 100 والامور تمام بس لابد تكون الخلفية للجيب لكزس أو تشيل الاستبنة
وبارك الله لك في الولد الله يصلحه .. آمين
تــــوني
17/11/2006, 02:16 PM
ما شاء الله عليك الله اجعل ولدك من العلماء وأن ينفع بعلمه الإسلام والمسلمين

وان اخوك :: خل نقول انك حطيت الدباب في زي الشبك خلف السيارة ونشوف مساوء الفكرة :
1- بتبلش بشيلة وتنزيله والدباب وانت ابخص ثقيييييييل ويقص الظهر (إلا اذا كنت تشيل أثقال والظهر تمام والحمد لله )
2- نفس الدباب ثقيل والشبك الخلفي يبي يصير بقاعدة صغيرة ومع المطبات إلا ما يكسر لك القاعدة وإذا طاح بيسوي لك حوادث وبلاوي
انت في غنى عنها
3- مسألة الفك والشيل والحط بالحالها قضية

عليك بمقطورة وترفق وما عليك من الله إلا كل خير ..
وبالتوفيق ...
imksa
17/11/2006, 02:33 PM
الدباب ما صنع ليمشي مسافات طويله وبسرعه عاليه .

فاحذر من قطره .


فمان الله
كنعان الطيار
17/11/2006, 04:28 PM
الشكر الجزيا لكل الشباب الذين تفاعلو معى
الاخ imksa (http://www.mekshat.com/vb/member.php?u=23828) مقاس الدباب من النوع الوسط
أبو ستري (http://www.mekshat.com/vb/member.php?u=7504) المقطورة حلوه بس احس انها خطره خصصا اذا نسيت وانت بالطريق انك تسحب مقطوره
مصيول (http://www.mekshat.com/vb/member.php?u=21961) اشكرك على هذا الدعاء واشكرك على هذه الفائده
الربذي (http://www.mekshat.com/vb/member.php?u=9009) ياليت تتحفنا ان كان هناك صور لو ترسله على بريدىahmed-905@maktoob.com
الاسعدي (http://www.mekshat.com/vb/member.php?u=2033) احس ان العمليه اخطر بكثير من القلص
تــــوني (http://www.mekshat.com/vb/member.php?u=22750) اشكرك ععلى الفائده واشكرك على هذا الدعاء
الفردوس
17/11/2006, 06:30 PM
ممكن خطيرة
لي سنة وانا على كذا بالرياض وخارج الرياض
وأكيد المقطورة أفضل
ابو تركيr
18/11/2006, 09:42 AM
السلام عليكم
الاخ الكريم بارك الله لك بولدك وجعلة حافظا لكتابة وبارا بوالدة .
الفائدة إنة لايصلح الاالمقطورة وولاتتوهق الله يحفظك لأولادك
وحيد الدرب
18/11/2006, 10:01 AM
السلام عليكم ورحمة الله وبركاته
اسأل الله ان يحفظ ولدك ويقر به اعين والديه .. انا عندي دباب سوزوكي (50) واشيله بالباث فايندر ولكن بصراحة بهذلني بشيله وتنزيله واعدم الموتر بالكفرات وريحة البنزين ... ومريت محل بصناعية الخرج(اللي بمخرج 18)بالرياض فيه واحد يصلح السلة الخلفية الثابته بالسيارة وليست المقطورة وقلتله ابي استخدمها للدباب قال (مافيه مشكله)لأن الجوانب تنفك واصلحلك صاجة تنسحب من الأسفل بحيث اذا رغبت بحمل الدباب تركبها وتتسع مساحة السلة ,وكذلك (زلاجات)بحيث تشغل الدباب ويرقى عليها بدل ما ترفعه ويتعبك علماً ان هذه السلة يثبت لها قواعد في الشاصي بدون تلحيم وتتحمل وزن بحدود(250 ــــ 300)كجم .وهذا رقم صاحب المحل(0504457189)محمد.وانا حتى الآن مافصلتها ولكن ناوي افصلها عن قريب ان شاء الله
كنعان الطيار
19/11/2006, 03:49 PM
السلام عليكم ورحمة الله وبركاته
الشكر الجزيل والكبير لكل الشباب
انا احس انى وجت ضالتى عند الربذي ووحيد الدرب
الربذي (http://www.mekshat.com/vb/member.php?u=9009) ياليت تتحفنا ان كان هناك صور لو ترسله على بريدى
ووحيد الدرب انا ساكن شمال الرياض700كيلو بس لوتصورها عدت صور واماكن مختلفه وترسل لى بالبريد التالى
بريدىahmed-905@maktoob.com
الطعس الذهبي
20/11/2006, 01:53 PM
انا اقول لو تشري غمارة عشان تشيل الدباب وشكرا
راعي بر
21/11/2006, 06:45 PM
ونعم الاب

هذه الامور التي يكون فيها التحدي

ما شاء الله الله يخليلك ولدك ويجعله من حفظة كتاب الله
ونعم ابن ايضا صاحب همه وعزيمة واتمنى ان يكون التحدي التالي حفظه كاملا والجائزة اكبر
بالنسبة لحمل الدباب من وجهة نظري الشخصية ان القلص ما ينفع كنك تسوق تريله وخاصة الريوس ولا افضلة اذا حجم الدباب حليو انصحك بسلة ورا الموتر وتفصلها عند واحد ممتاز
اما اذا الدباب حجمه كبير مالك الا القلص
والله يوفقنا واياكم لحفظ كتابة
raed
27/11/2006, 11:38 PM
السلام عليكم
اذا كانت الطريقة في حفظ اجزاء من كتاب الله فعالة علمني علشان اسوية مع عيالي شكرا

انا عندي مقطورة دفرنس ونيت وحديد وجوانب وسافرت فيها خارج السعودية وامشي بسرعة 140 ك والحمد الله 100% بس صرف البنزين اشوي عليك ورحت فيها شعبان والحمد الله 100% صح سعرها غالي شو بس اصبر واشنري مستعمل بعد الشتاء
والله يحفظك
السنع كله
29/11/2006, 11:37 AM
نعم المربي انت وجعله قرة عين لوالديه ولو كنت مكانك لاخذت رايه في تغيير الهدية من دباب الى غيره لكثرة مصائب الدباب والخطيرة جدا نظرا لثقل وزنه وعدم وجود عوامل السلامة 00حفظ الله ابنك ووفقه لكل خير
أبو أحمد2009
19/08/2009, 03:45 PM
أحمد عنده دباب جنان وشاري معهة مقطورة انصحك بالمقطورة
imksa
19/08/2009, 06:04 PM
بعض الناس ما ادري وش يبي ؟؟؟


الموضوع له حول 3 سنوات ،، وشلون لقيته ؟
الفلاوي
19/08/2009, 10:02 PM
انا حبيت اشارك بس بالدعاء

الله يحفظ ولدك ويصلحه ويجعله من المهتدين
ابو شكاع
20/08/2009, 04:30 AM
أعتقد أفضل حل يا أخي الكريم هو القلص ولاغيره
بقية الحلول لها مساوئ كثيرة
السلة ممكن تنكسر ويتكسر الدباب ويسبب حوادث
تركيبه بالسيارة يسبب لك روائح ويوسخ الموتر
مالك إلا الحل اللي أنت ماتبيه بس هو الأنسب
وبارك الله فيك وفي ولدك وجزاك الله خير
جروح الوقت
21/08/2009, 04:03 AM
السلام عليكم ورحمة الله وبركاته

اول شئ مبروك عليكم الشهر والله يجعلنا من قوامه ومن صوامه والله يبارك لك بولدك ويجعله بار بك وبوالدته

ثاني شئ انا عندي دباب وكنت احمله بالسياره والصراحه كان الوضع خطر شوي:no2:

عاد شريت له قلص (مقطوره) وبديت اشيله عليها واشيل اغراض البر معه :D :good:

عاد بعة الدباب ان كان تبي المقطوره ;) ارجو مراسلتي بنفس الموضوع او عالبريد
hamoody.aa@hotmail.com

والسلام خير ختام


جروح الوقت
عبدالعزيز-1
22/08/2009, 02:26 PM
ترى فكرة الحامل اللي انت تكلمت عنها ممتازه وانا مجربها وازين من المقطوره لانك تقدر تسرع فيها بدون مايختل توازن السياره مو مثل المقطوره لازم تهدي.

لكن ترى تركيب الدباب عليها متعب شوي ولازم يكون الدباب حجمه صغير.

والا عز الله انها رائعه تمشي 160 ولا تدري انك مركب شي
أبوعبدالله202
23/08/2009, 01:23 AM
أخوي أنا عندي دباب اظنه مقاس 50 فصلت له سلة خلفية عند المميز مع سلم بحدود 700ريال تركب بالشاص بدون لحام ،،ولا لقيت مشاكل .
السيارة باث فاندر
ابومزعور
23/08/2009, 05:51 AM
هذا موقع شركة جينان

www.gynan.net/
وان كنت تبي اي استفسار منهم حاااضر ..
الستانس
23/08/2009, 06:24 AM
يا اخوان الموضوع قدييييييم من عام 2006
عبدالعزيز-1
23/08/2009, 01:46 PM
ايه والله قديم بقوووه

الله يهديك يابو احمد 2009 انت اللي رفعته
نـجم الـشمال
23/08/2009, 02:48 PM
ياخي السلة التركيب خطرة طق لك سيارة حوض وفك نفسك
تحياتي
ابو ريان1881
08/09/2009, 12:34 AM
السلام عليكم ورحمة الله وبركاته

السله الخلفية متعبه جدا جدا من واقع تجربه انصحك انك تشري قلص لان منافعة كثيرة اعتبر نفسك ان عندك ددسن بالبيت ممكن تستخدمة لاي شي تنقل علية واذا وصلت للبيت بعد الرحلة ادخل القلص وخل الباقي على العيال الله يصلحهم لك ويرزق بره وواسال الله لهم التوفيق