مساعدة لاهنتو يا أهل الخبرة في التقطيع

[خيال911العليا]

السلام عليكم ورحمة الله وبركاته

ياجماعة الخير عندي الموتر فورتشنر 2010 v6 قير اوتوماتيك فيه مشكلة انه أول ما يمشي يجي فيه تقطيع خفيف ثم اذا ارتفع ضغط المكينة راح التقطيع . حتى لو كنت أمشي 100 أو 120 ودعست أبي أتجاوز يجي التقطيع حتى يرتفع ضغط المكينة ثم يصفي .

علماً بأني غيرت البواجي و فلتر البنزين وفلتر الهواء وجربت محلول الميتسوبيشي لتنظيف البخاخات ولا فاد .
ورحت لفحص الكمبيوتر وقالو المكينة اشتغالها صافي ولا ولعت فيها أي لمبة فلذلك الكمبيوتر ما يطلع لك نتائج . قلت اكشف على الكويلات وقال انها سليمة والدليل ان المكينة أثناء الوقوف صافية ولا فيها اهتزاز أو رجة .


أفيدونا جزاكم الله خير يا أهل الخبرة أو اللي مرت عليه المشكلة

[متقاعد مبكر]

شف دبة التلوث احتمال تكون مسدوده طبعا موجوده في الكنداسه (الشكمان)

[خيال911العليا]

جزاك الله خير على ردك

دبّة التلوث جايه على بالي ولكني قلت أخليها آخر شي خصوصاً انها غالية والموتر ما مشى الا 140.000 وأقول لعلها ما تكون هي .

[اسدهم]

رح اقرب شكمانات همن فكها وركب وحد ثانية بحدود 70تزود ماتنقص همن خلة يفك يسويلها عملية قيصري وتشوف البلاوي ؟؟؟؟؟؟؟؟؟؟؟؟؟؟؟؟؟؟؟

[craino]

وقالو المكينة اشتغالها صافي ولا ولعت فيها أي لمبة فلذلك الكمبيوتر ما يطلع لك نتائج . قلت اكشف على الكويلات وقال انها سليمة والدليل ان المكينة أثناء الوقوف صافية ولا فيها اهتزاز أو رجة

هذا الكلام غير صحيح , الكمبيوتر يستطيع ايجاد الخلل حتى لو كانت لمبة التشيك انجن ما ولعت لكن المشكله اغلب الورش عليميه في الكشف بالكمبيوتر على السيارات

هذه السياره تحتاج انه يدخل على ما يسمى مود 6 ويشوف هل السياره فيها MISFIRE واذا كان موجود في اي سلندر بالظبط , لأن الكمبيوتر ما يولع لمبة التشيك انجن الا اذا وصل عدد اخطاء الاحتراق اي MISFIRE الى نسبة معينه من المجموع الكلي , الشاهد في الموضوع اذا تم تحديد السلندر يحتاج ان تفحص الكويل الخاص به او تبدله مع كويل ثاني وتشوف هل المشكله انتقلت الى سلندر ثاني او لا فإذا انتقلت كان الكويل خربان او يمكن الكشف على الكويل بجهاز صغير اسمه COIL TESTER , ثانيا تحاج تشوف تسريب البخاخات بالكمبيوتر ووصول الاشاره الكهربائيه لها . هذا غير القراءات الحيويه الخاصه بالسياره من حساس القربه الى حساسات الاكسجين الى اخره .

[خيال911العليا]

هذا الكلام غير صحيح , الكمبيوتر يستطيع ايجاد الخلل حتى لو كانت لمبة التشيك انجن ما ولعت لكن المشكله اغلب الورش عليميه في الكشف بالكمبيوتر على السيارات

هذه السياره تحتاج انه يدخل على ما يسمى مود 6 ويشوف هل السياره فيها MISFIRE واذا كان موجود في اي سلندر بالظبط , لأن الكمبيوتر ما يولع لمبة التشيك انجن الا اذا وصل عدد اخطاء الاحتراق اي MISFIRE الى نسبة معينه من المجموع الكلي , الشاهد في الموضوع اذا تم تحديد السلندر يحتاج ان تفحص الكويل الخاص به او تبدله مع كويل ثاني وتشوف هل المشكله انتقلت الى سلندر ثاني او لا فإذا انتقلت كان الكويل خربان او يمكن الكشف على الكويل بجهاز صغير اسمه COIL TESTER , ثانيا تحاج تشوف تسريب البخاخات بالكمبيوتر ووصول الاشاره الكهربائيه لها . هذا غير القراءات الحيويه الخاصه بالسياره من حساس القربه الى حساسات الاكسجين الى اخره .

جزى الله الجميع كل خير على تفاعلهم وردودهم

أخي الكريم اذا تكرمت تدلني على فحص كمبيوتر يسوي لي الخطوات اللي ذكرت
علماً أني في الرياض . لا حرمك الله الأجر

[craino]

جزى الله الجميع كل خير على تفاعلهم وردودهم

أخي الكريم اذا تكرمت تدلني على فحص كمبيوتر يسوي لي الخطوات اللي ذكرت
علماً أني في الرياض . لا حرمك الله الأجر

حياك

للأسف ما اعرف اي ورشه في الرياض تسوي كذا , لكن حاول تسأل الورش الكبيره خصوصا اذا فيها فلبيني وقولهم انا احتاج اشوف مود 6, mode 6 ,واحتاج اشوف هل فيه missfire في اي سلندر , ومن المهم يشوف لك قراءة حساس الاكسجين الاماميه فالقراءه المثاليه تكون بين 800 ملي فولت و200 ملي فولت وتتغير بين هاتين القيمتين كل 3 ثواني.