هدد ضبي والجائزه 5000 ريال للمركز الاول من سعود بن جلوي بن سعود

[طلو]

قام الامير سعود بن جلوي بن سعود بن عبد العزيز جزاه الله خير بوضع جائزه قدرها خمس الاف ريال تشجيعا منه

ودعما لهواه الصيد بالسلق وكلفني بتنضيم هذا الهدد الذي سوف يكون رائع باذن الله و تبرع بعشر سيارات لتنضيم الهدد

وسوف يكون هناك هددات لمده شهرين او اكثر والجائزه للمركز الاول 5000 ريال وبعدذالك سيكون هناك وضع خمس

هددات والمركز الاول والمركز الثاني من كل هدديتأهل لسباق نهائي والجائزه خياليه لصاحب السلوقي الي يحقق المركز


الاول والسباقات تكون قريبه من منطقه الرياض وادعوا عامه لاهل السلق
تفاصيل السباقات

[طلو]

1-المسافه 3 كيلو ونصف
2-السيارات التي تنضم الهدد معروفه عشر سيارت فقط ومحدده
3-الاشتراك 200 ريال للسلوقي
4-السلوقي الاول يستلم الجائزه سواء رد الضبي والا ما رده
5-اذا سلوقي رد الضبي يعتبر الاول
6-الضبي مال احد فيه طلبه
7 الهدد قريب من منطقه الرياض
8-تاريخ الهدد سوف اعلنه قريبا
للاستفسار 0556685058 ابو نايف
وارفع صوتي واكرر بالشكر للامير سعود بن جلوي لما قام به من تشجيعنا ودعمنا علا الحفاض علا هذه الهوايه الجميله التي كادت تختفي

او تستخدم في طريق اخر

[هاوي سلق]

الله يجيب اللي فيه خير وانشاء الله اني اشارك في المهد وانا اول واحد فيه
واشكر سمو الامير على هذه المبادرة الطيبة

[ابو السلق]

اودنا نشارك بس اخاف سلقنا تندعس زي هدد القويعية راح نص السلق تحت كفرات السيارات وشكرا جزيلا لامير سعود بن جلوي

[ممكن]

السلام عليكم

الاخ طلو كلمة شكرا قليله في حقك وحق كل من سعى في تطوير هذه الهوايه

والشكر ايضا موصول للامير سعود على هذه البادره الطيبه

ونحن نعين ونعاون

ولكي تضمن نجاح مثل هذه السباقات واستمراريتها وجذب الداعمين فلابد ان تكون

على اعلى درجه من التنظيم المدروس وانت قدها وقدود

اما فيما يخص الشروط فهي طيبه

الا انني اتسائل عن نقطه فنيه بخصوص المسافه ارجو ان يتسع لها صدرك

السؤال هواذا لم تقطع السلقان المشاركه المسافه المطلوبه وهي الثلاثه ونص

فكيف ستكون نتيجة السباق من قبل لجنة التحكيم ؟؟ ;)

اما النقطه الثانيه فهي بخصوص الاشتراك

فليس هناك مبرر لدفع 200ريال مادام السباق مدعوم :j

انا في انتظار تعليقك على هذه النقاط

في امان الله

[القـــناص]

راح يكون هناك زحمممممممممممممممممممممممممممممممممممممممممممممممم مممممممممه

واذا كان هناك رسوم على الهدد فحمكه حراااااااااااااااااااااااام وللتأكد اتصل على الشيخ سلمان العوده:0504250250
او هذا رقم مجاني للفتاوي:: 8002451000

وانا مع النقطه اللي قالها اخوي ممكن:
اما النقطه الثانيه فهي بخصوص الاشتراك

فليس هناك مبرر لدفع 200ريال مادام السباق مدعوم :j

انا في انتظار تعليقك على هذه النقاط

في امان الله

[ر ب ع 111]

يعطيك العااافية على الخبرية الحلووووة وانشاء نشارك معهم والله بيجي عالم وبشرية ولايجي الا واحد ياطويل العمر الا انه دااري ان سلوقيه بيمشي والله يعين ومشكوور على الموضوع مره ثانية

[حرف العين]

السلام عليكم ورحمة الله وبركاتة


تسلم يا اخي طلو على هاذه البادره الطيبه والشكرموصول ايضا لسمو الامير الداعم لهاذه الهوايه .

وعسى ربي يوفقكم والى الامام دائما

[العتيبي %]

السلام عليكم ورحمة الله وبركاتة


تسلم يا اخي طلو على هاذه البادره الطيبه والشكرموصول ايضا لسمو الامير الداعم لهاذه الهوايه .

وعسى ربي يوفقكم والى الامام دائما


مشكوووووووووووور

[طلو]

احتمال الهدد يوم الخميس الجاي :d و بخصوص الردود و تفاصيل السبق ان شاء الله قريبا ارد علبكم و اسف علي التطويل

[طلو]

الهدد الخميس الجاي :)

[راعي وطيه]

اتمني ان يطلع الهدد منظم و مشكور يا طلو و الله يوفقك

[alburkan]

الاخ الكريم طلو احب استفسر كم عدد السلق في المهد الواحد

[الولاية]

السلام عليكم

اخوي طلو ياريت تحدد اليوم والمكان والوقت الي بصير فيه الهدد

وشـــكرا على جهودك

[ابو تمام]

أشكرك ياطلو على إجتهادك لكن انا من رأيي ان يكون في اليوم أربع مهدات كل مهد يشارك فيه من 15 إلى 20 سلق
لأن الموضوع منزل في المنتدى وكل الشباب اللي عندهم سلق بيشاركون يعني يمكن يجي اكثر من 60 سلق
اتمنى ان يكون هناك اكثر من اربع أشواط ولازم يكون هناك تنظيم زين
وشاكر لك مرة ثانية اخوي طلووووووووووووووووو

[حرف العين]

السلام عليكم ورحمة الله وبركاتة

اخواني طبعا انا من قطر وليس بمشارك في هذه التصفية ولاكن سوف اشاركم بلاقتراحات ولكي تعم الفائده على الجميع.

1-عدد السلق المشاركة لايتجاوز 4الى 6 سلق فقط في كل مهد.

2-السلق المشاركة تكون مختاره لانه في كل منطقه في المملكة تكون السلق القوية معروفة فيها ولها باع وصيت وخبره في خوض التحديات
اي من كل منطقة عدد 2 من السلق فقط.

3- المسافة3كيلو لغاية 2كيلو ونصف فقط.

4-طبعا السلق تكون مختاره لانه في معظم المهدات نرى عدد السلق المشاركه يتجاوز 30 سلق وسلق واحد او اثنان اللي ورى الغزال وبقية السلق تخبط في الغبره وتسرح وتمرح.

5-الرسوم 200 طبعا انا اشوفها غير مناسبة لانه التصفية مدعومة طبعا.

6-الذين سوف يحضرون للمهد فقط المشاركين فيه ووضع قوانين صارمه لهم واول قانون انه اذا دخل المشارك بسيارته وسط سيارات لجنة التنظيم والتحكيم حتى لو السلق الذي له هو الفائز تنلغي نتيجته.

وهاذه بعض الأراء وانا اعلم انها ممكن تزعل بعض الاخوان ولاكن هاذه فرصه للجميع بان يعرفو من هو السلق الذي يستاهل لقب بطل المملكه وكل واحد طبعا يملك السلق من فتره ويعرف مستواه ويعرف اجتهاده ويعرف مستواه من الاعراب وعليه عدم التفكير بانانيه بانه يريد فقط المشاركه لانه الهدد فيه جائزه فقط وهو يعلم بانه مستوى السلق اللي عنده محدود وليس بل قوي وانما يريد ان يشارك ومتبع اسلوب صابت صابت خابت خابت.

وشكرا

[القـــناص]

صحيح كلام اخوي حرف العين...

[طلو]

اشكركم جميعا علا مروركم وباالنسبه لكلام اخوي ابو السلق نبي نحاول منع السيارات من الاشتراك ونحدد عشر سيارات للجميع واذا ما شالتهم نزيدها واذا ما انتضمو الغينا الهدد لانا مانبي نهد ويصير فوضى ونتفشل مع الناس
وبالنسبه لكلامك ياخوي ممكن للنقطه الاوللى المسافه عادله وهي الي تفصل بين السلق وعلشان مايجي خلاف

وبالنسبه للنقطه الثانيه وهي الاشتراك هذي طول الله عمرك من عندي انا انا الي طلبت الشي هذا والا كان الامير متكفل بدفع الاشتراكات لاكن وضعت الاشتراكات لعده اسباب وهي
1انا تعنبر اتعاب لي منها قيمه الضبي ومنها الجهد الي ابسويه
2 علشان كل واحد يكون دافع اشتراك يساعد علا التنضيم
3 ما نفتح ماجال لاي واحد يجيب سلوقي من الشارع ويجي يهده
4 ما كل واحد يجي ويجيب عشر سلق بيقول بلاش وش بيضرني
5 علشان الواحد ما يجيب الا سلوقي يستاهل
اما بالنسبه لاخوي القناص من اجل الفتوي فهي ما فيها شي لان الجائزه من شخص لا له سلق ولا ضبي والضبي مهوب لاحد المشاركين والجائزه علا السباق ما هيب علا الضبي

[طلو]

مشكور اخوي حرف العين واخوي العتيبي واخي العزيز راعي وطيه والبركان والولايه وابوتمام والقناص و

بالنسبه لكلام اخوي حرف العين اقولك ان اول السباقات عامه لجميع الناس وراح يكون هناك هددات وتصفيه ولاكن بعد اربع او خمس هددات ويكون فيه لجنه تقرر علا السلق المشارك ويختا كم سلوقي للهدد والاول والثاني يتاهل لهدد نهائي والجائزه اكثر ممتتوقع

[طلو]

اما بالنسبه للهدد فهو يوم الخميس العصر تاريخ 2/11/1427
والموقع فهو في الصياهد الي بين الرمحيه والحفنه وموعد هد الضبي سيكون من الساعه 4 الى 4 ونصف
واي استفسار ارجو التصال علا رقم 055665058 ابو نايف لان ابكون مشغول علا ترتيب الهدد ما راح انزل علا النت

[طلو]

يا شباب الموضوع من البدايه ان الهدد من جهتي والجوائز من جهه الامير لاني عرضت فكرتي علا الا مير وقام بتبنيها ووضع جوائز قدرها 5000 الاف في كل هدد للسلوقي الفائز ويكون هناك بعد التصفيه جائزه وقدرها 40000 اربعين الف للسلوقي الفائز في الهدد النهائي واقوم بالشكر الجزيل للامير سعود بن جلوي بن سعود لما قام به من دعم لهواه الصيد والصيادين

ونحن انا وانتم اخوني بالمنتدى نتطلع الا مايقدمه اهل الدعم من التشجيع وتنميه فكره الصيد بالطريقه الصحيحه وااسف علا الاطاله

[(القناص)]

يعطيك الف عافيه وما قصرت على جهدك وهذا شي مهوب غريب عليك اخوي طلو
وانشاء الله نشاركم في وقت لاحق
وبالتوفيييييييييييييييييييق
وشكراً

[سبسي]

ياشباب الله الله بالتصوير تكفون ياشباب
ونشكر الامير سعود بن جلوي

[راعي وطيه]

الله يوفق انا بشارك ان شاء الله و باخذ الجايزه من يد الامير

[طبيعي]

يقول الاخ طلو:

اما بالنسبه لاخوي القناص من اجل الفتوي فهي ما فيها شي لان الجائزه من شخص لا له سلق ولا ضبي والضبي مهوب لاحد المشاركين والجائزه علا السباق ما هيب علا الضبي[/QUOTE]

انتهى كلام الاخ طلو
================================================== ===

:no2: :no2: :no2: :no2:

اجرائكم على الفتوه اجرائكم على النار

كيف يااخ طلو مافيها شي الاولله فيها وفيها
وهذا هو الميسر بعينه
ادفع فلوس يمكن تكسب فلوس
يعني مثل اليا نصيب

على العموم يااخ طلوالمسئله ليست معقده علشان واحد يقول حرام واحد يقول حلال
المسئله افتو فيها المشايخ وانا شخصيا سئلة اكثر من شيخ عن حالات مشابها لهذه الحاله
في سباقات الهجن والفروسيه
سئلة الشيخ طارق الحواس الله يحفظه عن سباق عليه جائزه نقديه وعلى المتسابق
ان يدفع رسوم اشتراك لهذا الشوط اذا كان يريد يسابق
فرد الشيخ علي بأن هذا لايجوز وقال لي هذا هو الميسر واستدل باحاديث انا لااحفظها
والان يااخ طلو الكره في ملعبك

الكلام اللي ذكره حرف العين ماجابه من الخيال اقتراحته مطبقه عندهم في الدوحه
وهي ناجحه لانهم استفادوا من التجارب الاوليه الغير ناجحه وانا شاهد على واحده من هذه
التجارب والان سباقاتهم اصبحت اكثر تنظيم واكثر دقه في اختيار الفائز الله يوفقهم

التجارب الناجحه طريقك للنجاح

على فكره في مسئله حسابيه عقدتني

20سلوقي في 200 = 4000 ريال اتعاب واجار ظبي هذا وانت مكلف :eek:
اذا كم سيكون المبلغ لو لم تكن مكلف :confused:

لاتنسى الفتوى
ومن ترك لله شيئا ابدله الله خير منه

ودمتم لنا سالمين

[صقر آجا]

السلام عليكم ورحمة الله وبركاته طلوووو الله الله بالتصوير Ok ابي :cool: اريح بالاستراحه مالي بالزحمه وعوار الراس وعساكم على القوه :)

[راعي وطيه]

يعطيكم العافيه

[راعي وطيه]

اتوقع محد مشارك

[راعي وطيه]

والله كلامك صحيح يا اخ طبيعي لازم تلغا 200 ريال

[عروق الدهنا]

السلام عليكم
اولا اشكرك اخوي طلو على الجهد المبذول ونشكر اللى دعم هذه الفكره

وانشالله ان المهد يكون منظم والظبا تبيض الوجه

واشكرك مره ثانيه على الجهد المبذول
وسلم على اخوك كثير السلام

والسلام خير ختام

[راعي وطيه]

سلاممممممممممممم

[صقر آجا]

طلوووووووووووووووو بشر وشلووووووووووووووون المهد :) ( ياجدي ) :) ههههههههه ;)

[راعي وطيه]

sssss hhhhhhhhhhhhhhh

[راعي سحمه]

سلااااااااااااااااااام هاه وش اخبار المهد قهر ما قريت عنه الا الجمعة ما امداني اشارك ، هههههه وش عنده الواثق ان سلقه بيطرحن ههههههههههههههههههههه