انصحوني يا رجال تكفون

[Yazed Alzahr]

السلام عليكم ورحمة الله وبركاته
كيف حالكم يالربع عساكم بخير ان شاءالله انا يا أخوان اهوى الحلال واحبه بشكل جنوني ومعي مبلغ بسيط وانا ناوي اشريلي نعيم رخال واحطها في مزرعة الوالد الله يطول بعمره بس المشكلة اني محتار الحين بين النعيم والحريات وكيف ابداء كمربي جديد في بداياتي وش تنصحوني به وبخصوص نوع العلف والبرسيم وش افضل الانواع واتمنى من الله ثم منكم انكم تفيدوني يالربع

واسف على الأطالة واستوعكم الله الذي لاتضيع ودائعه وفي امان الله.

[مريقب العيفار]

انا ماني راعي غنم

لكن ابفيدك

ولد النعيمية يفرق عن ولد الحرية بالقيمة

لكن المشكلة ان القطيع ما تستفيد منه مادياالا بعد

ان تصل الى عدد ما ادري انت تقدر عليه او لا

اهل الخبرة يقولون يلزمك مائة وعشرين راس

وجود المزرعة عندك عامل مساعد يغنيك عن تجهيز مكان ويريحك من الوايت

واخيرا بالتوفيق

[بازار شريف]

كل منطقه لها اغنامها
الغنم غنيمه ولا يقنيها الا رجال فيه خير الحريات طيبه ولكن غير مرغوبه كثير بالجنوب
بالشمال والوسطى النجديه والنعيم والغربيه السواكن الجنوب الحريات عموما والرفيديات خاص

[Yazed Alzahr]

بيض الله وجيهكم يا رجال وما قصرتوا

[ابوخالد--]

توكل على الله و اشتر نعيم ولدها طيب ولو تبدا بنعجتين لا تنظر لشور الناس هالوقت بخصوص المردود المادي
امش على طريقة الاولين ما عندهم الا على ٢ و٣ وماضرهم شي ويعتبرون اغنيا
كل بدايه ناجحه تكون بسيطه الاعداد ومن ثم تتطور الا ان تصبح مشروع كامل
ابدا على قد فلوسك و الله بيرزقك وبكره بتتكاثر

[وليد الرشيدي]

الله يوفقك .....اهم شي المزرعه والباقي هين ماشالله تبارك الله

[قرناس الضويلع]

أولاً الله يرزقك من واسع فضله ثانياً بحكم التجربه ولإطلاع الحري افضل من ناحية الإنتاج والتربيه والمصروفات وبخاصه الإنتاج وعليك بالصنف

[Yazed Alzahr]

هلا بك اخوي قرناس وياك يالغالي والله انا مالي في الحري مع انها مشهورة عندنا في الباحة ولكن فكري الأن اتجه نحو التيوس بحكم أن الماعز تنتج اكثر من الضان والمبلغ الي معي بسيط ومايجيب اربع من النعيم ولا وش رايكم يالربع