مجهول الهويّه
16/11/2006, 06:48 PM
أتمنى أن ترقى هذه المتواضعه لذائقتكم الشعريه :
http://malk20052005.jeeran.com/mountain091.jpg
يا اهـل النيـاق الطـارشـه للصحـاري = الله يعين قـلوبكـم يـا المـجــاريـح
با الله لا طـالـت عـلـيــك الـبـراري = تـوقـف عـلى التنهـات ياخـوك وتريـح
ياماحـلا شـوف القطـا والقماري = في تـلعـتن ما خـرّبـتـها المســاريح
الزهر والنوّار يملا الخباري = وريـح النفـل متكاثرن ريحـة الشيح
الجيب شاص ومن وراه السفاري = مع لابتي أهـْل الوجيـه المفاليح
والحـرّ يكفـخ با الجـناحـين داري = الحـرّ تكفيـه الاشـارات تلميـح
لا جـاك من كبد السماوات ضـاري = ولوّح عـلى تفـاحـة الصدر تلويح
حتى الطـرايد بـه حـرار وجــواري = وحتى القصايد به جبال وصحاصيح
وياماحـلا فوق الصحون الحباري = أطـْيب طعمها من كبـود المفاطيـح
في تلعة التنهات بايع وشاري = والمرجله والطيب ساس المرابيح
مع رفقـتن ما قـوطروا للكـبـاري = ألا ولا شـبكـن وراه المـراجـيــح
مـا دوّجـت حـول الخيـام الخـكـاري = ولا صفّحوا من غرشـة الخمر تصفيح
مع لابتن تفـْقـد نهـار الطــواري = كلـّن على شـوفـه تسـاق الفــراريــح
ما للردا في خيمة العز طــاري = ولاهـم على طرد السـوالف مشافيح
يـدّون حـقّ الله فـروض النهاري = وتسمع لهم في تالي الليـل تسبيح
كـلّن على شـيمـة رفـيقـه يـــداري = نوماسهم فعـل الشيوخ الطحاطيح
الطيب نهـرن ياهـل الخير جـاري = ما بقـْطعـه كـود الرجـال التماسيح
أحـْدن يمسـّح نعـلتـه فـ الغــداري = واحـْدن يطبـّح فوق الأمواج تطبيـح
تطربني فروخ الصقـور الحـْراري = صندوق راسي مالقـوا له مفاتيـح
كم صـاحبن ورّد على قندهـاري = بيض الوجـيـه مضـمـّريـن الـنـحـانيـح
مافيـه مثـل الطـارش الزنجـبـاري = الله يسـوّد وجهكـم يـا هـَــل قـديــح
وجـدي عليهـم وجـد فـرخ الكنـاري = السرْب طـار وعاكست دونـه الريـح
وجـْدي على المقنـاص وجـد القفـاري = تسعين ليله يضـْرب الباب ويصيح
جالي زمانن تـالي الليـل ســاري = إركي على ديـراب ضـوّ المصـابيـح
أم الجماجـم نجـمهـا عـن يسـاري = وسهيـل بـذّح ثـومـة القلب تبذيـح
يا اهـل أم سـدْره وينكم عن ديـاري = الغـاط مافيـه الرجـال النـواصـيـح
يـامن يعـيـّن لي بـروج الهــواري = من قبـل ابيـح اللي من العـام ما بيـح
وآقف ووقـّف قـومكـم في جـواري = وآخـذ عصا سليمان وآقف ولا طيـح
يا اهـل النيـاق الطـارشـه للصحـاري = الله يعين قـلوبكـم يـا المـجــاريـح
وسلامتكم
http://malk20052005.jeeran.com/mountain091.jpg
يا اهـل النيـاق الطـارشـه للصحـاري = الله يعين قـلوبكـم يـا المـجــاريـح
با الله لا طـالـت عـلـيــك الـبـراري = تـوقـف عـلى التنهـات ياخـوك وتريـح
ياماحـلا شـوف القطـا والقماري = في تـلعـتن ما خـرّبـتـها المســاريح
الزهر والنوّار يملا الخباري = وريـح النفـل متكاثرن ريحـة الشيح
الجيب شاص ومن وراه السفاري = مع لابتي أهـْل الوجيـه المفاليح
والحـرّ يكفـخ با الجـناحـين داري = الحـرّ تكفيـه الاشـارات تلميـح
لا جـاك من كبد السماوات ضـاري = ولوّح عـلى تفـاحـة الصدر تلويح
حتى الطـرايد بـه حـرار وجــواري = وحتى القصايد به جبال وصحاصيح
وياماحـلا فوق الصحون الحباري = أطـْيب طعمها من كبـود المفاطيـح
في تلعة التنهات بايع وشاري = والمرجله والطيب ساس المرابيح
مع رفقـتن ما قـوطروا للكـبـاري = ألا ولا شـبكـن وراه المـراجـيــح
مـا دوّجـت حـول الخيـام الخـكـاري = ولا صفّحوا من غرشـة الخمر تصفيح
مع لابتن تفـْقـد نهـار الطــواري = كلـّن على شـوفـه تسـاق الفــراريــح
ما للردا في خيمة العز طــاري = ولاهـم على طرد السـوالف مشافيح
يـدّون حـقّ الله فـروض النهاري = وتسمع لهم في تالي الليـل تسبيح
كـلّن على شـيمـة رفـيقـه يـــداري = نوماسهم فعـل الشيوخ الطحاطيح
الطيب نهـرن ياهـل الخير جـاري = ما بقـْطعـه كـود الرجـال التماسيح
أحـْدن يمسـّح نعـلتـه فـ الغــداري = واحـْدن يطبـّح فوق الأمواج تطبيـح
تطربني فروخ الصقـور الحـْراري = صندوق راسي مالقـوا له مفاتيـح
كم صـاحبن ورّد على قندهـاري = بيض الوجـيـه مضـمـّريـن الـنـحـانيـح
مافيـه مثـل الطـارش الزنجـبـاري = الله يسـوّد وجهكـم يـا هـَــل قـديــح
وجـدي عليهـم وجـد فـرخ الكنـاري = السرْب طـار وعاكست دونـه الريـح
وجـْدي على المقنـاص وجـد القفـاري = تسعين ليله يضـْرب الباب ويصيح
جالي زمانن تـالي الليـل ســاري = إركي على ديـراب ضـوّ المصـابيـح
أم الجماجـم نجـمهـا عـن يسـاري = وسهيـل بـذّح ثـومـة القلب تبذيـح
يا اهـل أم سـدْره وينكم عن ديـاري = الغـاط مافيـه الرجـال النـواصـيـح
يـامن يعـيـّن لي بـروج الهــواري = من قبـل ابيـح اللي من العـام ما بيـح
وآقف ووقـّف قـومكـم في جـواري = وآخـذ عصا سليمان وآقف ولا طيـح
يا اهـل النيـاق الطـارشـه للصحـاري = الله يعين قـلوبكـم يـا المـجــاريـح
وسلامتكم