93 صورة للعزبة الجديدة وبعض الأغراض ( من السنيدي للوازم الرحلات )

[دهران]

http://up.albrari.com/uploads/13961264201.png


قبل اسبوع من اليوم مريت معرض السنيدي للوازم الرحلات بالقصيم لغرض التمشي وشراء بعض الأغراض
لكن يوم دخلت قررت إني اجدد عزبة الطبخ وعزبة الشاهي والقهوة اللي في الديرة ( محيرقة - محافظة القويعية )
وطبعاً مثل أي واحد يدخل السنيدي كثرت الأغراض اللي في العربية وقامت تزيد وتزيد ووالله لو طاوعت نفسي كان يبي لي دنة اشيل فيها عفشي

المهم ما لكم بالطويلة حبيت اشارككم ببعض هذه المشتريات لعل الله أن ينفع بها , واللي بيقول هذا الموضوع دعاية للسنيدي بنقول إن السنيدي للوازم الرحلات لا يحتاج لا لي ولا لغيري في هذا موضوع الدعاية لأنه علم على رأسه نار والله يكثر لنا من هالمحلات اللي يوفرون لنا كل ما نحتاج في عالم الرحلات



http://www.mekshat.com/pix/upload01/prof025/mk17809_ezbatalsonidi1.jpg
هذي العربة اللي شالت اغراضي , ومثل ما تشوفون 4 مراكي صغيرة , والفرشات ماخذها من عندهم وطلبت تفصيل قماش خلفية لها وما قصروا طلعوها في نفس اليوم وشغل ولا أحلى






http://www.mekshat.com/pix/upload01/prof025/mk17809_ezbatalsonidi2.jpg
موقد التوأم , مقلاة طبخ , شطاف وضوء , وجرافة ومحراك للجمر






http://www.mekshat.com/pix/upload01/prof025/mk17809_ezbatalsonidi3.jpg
توصيلة مواقد للموقد التوأم , دلتين قهوة ستيل من النوع الجديد الفاخر , 3 قدور كاتم ستيل , كرسي السنيدي يتسفط وخفيف جا وعملي , دبة دي بي تي مع الرأس






http://www.mekshat.com/pix/upload01/prof025/mk17809_ezbatalsonidi4.jpg
ابريقين للشاهي ستيل السنيدي صناعة كورية , موقد تيرا صغير عملي جدا مع عدة غيارات غاز , حافظة زيت , ملقمة قهوة , إناء سيلكون






http://www.mekshat.com/pix/upload01/prof025/mk17809_ezbatalsonidi5.jpg
سكاكين وساطور ومسن مع الجراب , شنطة بيلات وفناجيل وشنطة بهارات , مطبقيات تمر بجراب






http://www.mekshat.com/pix/upload01/prof025/mk17809_ezbatalsonidi6.jpg
ليف دلال , قاذف لهب تيرا , وعلب غاز تيرا , جراب مناديل رول , سطل يسفط لغسيل البيلات والفناجيل






http://www.mekshat.com/pix/upload01/prof025/mk17809_ezbatalsonidi7.jpg
ذراية السنيدي مع جراب , مركب جمر مع جراب , سكين , بيز , حامل للأوعية الساخنة






http://www.mekshat.com/pix/upload01/prof025/mk17809_ezbatalsonidi8.jpg
شنطة عزبة مبطنة بي في سي صغير رملي مع صندوق حديد سيخ - هالعزبة للشاهي والقهوة وملحقاتها , 5 أكياس لشاهي والسكر والقهوة و والهيل والعويدي






http://www.mekshat.com/pix/upload01/prof025/mk17809_ezbatalsonidi9.jpg
شنطة عزبة مبطنة بي في سي وسط رملي مع صندوق حديد سيخ - هذي طبعا عزبة الطبخ , وفي الصورة الأخيرة العزبتين فوق بعض






http://www.mekshat.com/pix/upload01/prof025/mk17809_ezbatalsonidi10.jpg
كشاف مخيمات , مقبض قنينة مياة غازية , مصباح قابل للشحن , مسن سكاكين , بزبوز غرز






http://www.mekshat.com/pix/upload01/prof025/mk17809_ezbatalsonidi11.jpg
قمع سليكون ونسميه محقان , لمبات ليد جديدة وصغيرة وقوية ولا تستهلك طاقة كبيرة , محول كهرب على ولاعة السيارة وفيه منفذ يو اس بي






http://www.mekshat.com/pix/upload01/prof025/mk17809_ezbatalsonidi12.jpg
خازن طاقة كهربائية متعدد الوظائف ومن وظائفه تقدر تشحن به السيارة , جركل ماء مسفط , مركاة باب السيارة , مصباح ضوئي شديد التركيز يعمل على البطاريات






http://www.mekshat.com/pix/upload01/prof025/mk17809_ezbatalsonidi20.jpg
وهذي صورة جماعية لأغلب الأغراض .










وهنا سلمكم الله التجربة الأولى للعزبة في حوش البيت مع العائلة والوالدة جعل ربي يطول في عمرها على الطاعة ويختم لها خاتمة خير وجميع المسلمين آمين يارب العالمين


http://www.mekshat.com/pix/upload01/prof025/mk17809_ezbatalsonidi14.jpg







http://www.mekshat.com/pix/upload01/prof025/mk17809_ezbatalsonidi15.jpg







http://www.mekshat.com/pix/upload01/prof025/mk17809_ezbatalsonidi16.jpg







http://www.mekshat.com/pix/upload01/prof025/mk17809_ezbatalsonidi17.jpg







http://www.mekshat.com/pix/upload01/prof025/mk17809_ezbatalsonidi18.jpg







http://www.mekshat.com/pix/upload01/prof025/mk17809_ezbatalsonidi19.jpg







وتقبلوا أعذب تحية
أخوكم أبو فارس

[NissaN 1990]

ماشاء الله مبروك إن شاء الله
كفيت ووفيت عزبة كاملة متكاملة أمتعتني بتقريرك المميز الله يمتعك بالعافية

[حمود الصقري]

يعيطك العافيه
شغل مرتب

[م.بندر]

ماشاءالله يابوفارس عاده كامله تستاهلها ويهنيك فيها

[براق القويعية]

ماشاء الله
بيض الله وجهك يابو فارس
وجزاك الله خيرا على ما تقدم لنا
تقرير رائع ومغري
والعزبه مباركه عليك
وجهزها عن قريب
على جال سيل أن شاء الله.

[ابوعمر الشمري]

وعليكم السلام ورحمة الله وبركاته

الله يعطيك من خيرها ويكفيك شرها

تقرير جميل ربي يعطيك العافيه

[الماجد1]

ماشاء الله
الله يعطيك من خيرها

[ابوخالد كشات]

ماشاءالله تبارك الله

[بدران الدوسري]

عساك تقطعها بالعافية

وعسى الله يطول بعمر والدتك ووالدينا وجميع المسلمين

طبعا تقرير مامثلة

لكن وراك وأنا أخوك كبرت عزبه الشاهي والقهوة

نظرا لأني غلطت فتحسفت أني مكثر العفش في عزبه المفروض انها تصير خفافية

[أبو تركي1]

ما شاء الله تبارك الله

الله يعطيك خيرها يارب

[سهم صايب]

حااس انك رايح لمعركه

ماشاءالله
بصراحه عزبه كامله مباركه عليك

تسلم على التقرير المختصر

[المهاجر انا]

تبارك الله ابوفارس عليك بالعافيه

كم كلفت هذه العزبه تبارك الله

[اصيل نجد]

مشاء الله عليك يابو فارس مبروك عليك وعساها فال السعد تقرير اكثر من رائع تحياتي لك

[no fear 78]

الله يبارك لك والله خوش مشترايت خذيت

[ابو حسان الجنوبي]

مشاء الله تبارك الله ولا حول ولا قوة إلا بالله
مبروك عليك والكشتات السنعة تبداء من العزبة
تقرير اكثر من رائع وتمنيت انك حطيت لنا إجمالي قيمة مشترياتك
تقبل تحياتي ودمت بود

[ابوعثمان2]

.

تقرير اكثر من رائع وهذا يدل على حسن ذاتك ورغبتك في نفع الغير ، استفدت كثيرا من هذا التقرير ، ياليت لو توضح لي مقاسات القدور الكاتم باللتر وكم نفر يكفي كل قدر وعن نوعيتها وجودتها
كل الشكر لك وتقبل ازكى تحية
ابو عثمان


.

[أبوسليمان السهر]

وعليكم السلام ورحمة الله وبركاته
أهلاً وسهلاً بأبوفارس
عسى الله يمتع والدتك بالصحة والعافية ويبارك في عمرها على طاعته
أما التقرير والعزبة شي ثاني لا إله إلا الله
عساك على القوة والفلة
تسلم يابعدي أمتعتنا بيض الله وجهك

[قناص2000]

الله يعطيك العافية ياخوي وملحوق بالخير ان شاء الله
شغل عدل وزين ...
فالك التوفيق ياارب

[النادر12]

ماشاء الله يابوفارس شغل ولا احلا
ليتك ذكرت الاسعار مشكوررررررررررررررررررررررر في امان الله

[JAPAN]

تقرير جميل وموفق كعادتك..
لكن ليه ما أخذت قماش تنزاني (كوري) ممتاز مره وخيطه متينه..
ايضا محبس الفراشه ليه ما أخذت الهندي DPT أحسن من الصيني ألف مره ورخيص..
الامر الاخير لايمكن أن تجمع عزبه فاخره وجوده عاليه من محل واحد فالسنيدي وغيره عنده حاجات جيده وعنده رديئه والحاذق ينتقي

[الصــرح]

بارك الله فيك أبو فارس


رحت وجبت الغنائم ما شاء الله عليك


عزبتك دائماً مرتبة و ذات جودة


مع ملاحظتي على شنط السنيدي باتت أقل


بكثير من غيرها من ناحية الجودة


مثل المطرودي وَ المبارك والمرباع وهذا رأي شخصي


أرجو أن يكون له قبولا من الجميع

[أبو نـآيف]

الله يطرح بها البركة
لو مكملها بالتكاليف افضل للموضوع

[منتعش]

عافاك الله مشرفنا الغالي : ابوفارس

وكالعادة مميز في عرض التقارير

وفقك الله وحفظك ورعاك برعايته .

[أبو شيري]

ما شاء الله . تبارك الله

لو وضحت الأسعار وخصوصاً الكواتم ياليت تذكر المقاس والسعر


يا أخي أذا قريت تقرير مثل هذا تحط براسي شغلات جديده

الصراحه كل أختياراتك ممتازه إلا غرض واحد اللي هو محول الكهرباء على الولاعه
هذا النوع جربته شخصياً ومع كم واحد من الشباب غير عملي ومزعج من صوت المروحه اللي بداخله

فيه نوع أفضل منه عند السنيدي وبنفس الرف يجي لونه رصاصي أو نيكل وبسلك تقريباً 30 سم
ممتاز جداً جداً أستخدمه من 6 أشهر رائع لشحن بطاريات الكميرا والجوال وجميع الاغراض ويتحمل
والحجم نفس اللي أنت أخترت وأهم نقطه فيه المروحه الداخليه مشدوده بمسمارين وثابته وبدون صوت

كما شدني بتقريرك الشحن او بطارية التخزين المتعدده الاستخدام
ياليت بعد التجربه تفرد لها تقرير خاص

أما حكاية تجربة العزبه بالبيت هذي لوحدها حكايه ما شاء الله عليك

وربي يعطيك العافيه وتسلم صوابيعك على هيك تقرير مميز

تستاهل فايف ستار ونص



,

[.أبوعبدالله.]

ماشاء الله تبارك الله
هيضتنا ياشيخ


بروح أجدد العزبة بعد أنااااااا
:)


بغيت أسألك الشاحن متعدد الوظائف - كم سعرة ؟

[كسول]

ما شاء الله تبارك الله
موفق والله يطعمك من خيره ويكفيك شره
صدقت أخي ابا فارس اذا دخل الواحد محل الرحلات يشري اللي يحتاجه واللي مايحتاجه
الله يسعدك بالدراين
تقرير رائع جداً كروعتك
:good2::good2::good2:

[ابوعقيل81]

الله لايضرك
بسم الله ماشاء الله

الله يبارك لك في ما شريت

[النتاوي]

تبارك الرحمن ..

الله يوفقك .. ويبارك لك





توسطولنا عند السنيدي يفتح بالغربية(المدينة) ..

ههههه

[س.س.التميمي]

مـاشاء الله تبـارك الله
مبروك العزبه الجديده ... تقبل مروري

[التايه 911]

بارك الله فيك أبو فارس

[ford_1]

موضوع جميل

[الشاهين2004]

موضوع جميل وشامل يعطيك العافية

[أبو سهيل]

مبروك وتبدلها بابرك
هني من له في القوم ولد عم
تفصل وتطلع في نفس اليوم !!
انحن يمنون علينا اذا ردوا علينا فيه أو مافيه
وهذا كوم
والسرا على الحساب كوم ثاني
الكلام على فرع الرياض

[خوي_الذيب]

ما شاء الله تبارك الله

وش ذا الزين يبو فارس

لا عدمناك يالغلا

[قناص الحوى]

ماشاء الله تبارك الله
كم كلفت جميعا وفقك الله

[زياد فارس]

ماشاء الله جدا جميل
اهنيك روعه رووعه التقرير

[سرور المحيط]

الله يبارك فيهن مبرووك وتشوف عليهن الخير والسعاده
أغراض حلوه وما شاء الله عليهن

[شعوفاان]

ما شاء الله تبارك الرحمن

[بن نويشر]

هذه عزبة مودع !!!
الظاهر انك مهاجر يا أخ العرب ؟؟

[a7md07]

ماشاء الله تبارك الله بيض الله وجهك يابو فارس
وجزاك الله خيرا على ما تقدم لنا تقرير رائع
والعزبه مباركه عليك الله يعطيك خيرها ويكفيك شرها

[الجوكر حسن]

ماشاء الله تبارك الله


مبررررررررررررررررررروك


الله يسعدك

[كباس]

ماشاء الله ماخليت شي الله يهنيك

[فيصل بن مسعود]

ماشاء الله ما تركت شي ينقص

[alico]

ماشاء الله , هذا دبش عـروس ماهي عـزبة

يعطيك العافية أخ/ دهران ولا يهون الجميع

خليـتنا نفـكر في التقاعد والإنتقال إلى حياة الفـلة والكشتات ):

[الحربي حاتم]

ماشاء الله
كم تكلفتها عليك كاملة
وبعدين كثير من الأشياء لو إنك آخذها من غير السنيدي خامة وجودة أحسن وصناعة متقنة

[Zizo_1977]

ماشاء الله تبارك الله الله يبارك لك يابوفارس بالمال والرجال بس والله انت لو تفكنا من طبخاتك اللي لها وقع كبير ومؤثر في قلبي يكاد ان يصل الى حد القتل ههههههههههه بارك الله لك في حلالك ويعطيك الصحه والعافيه

[ابو عطر]

على البركة العزبة
موضوع جميل تسلم

[ساري بريدة]

مشاء الله مبروك لاكن ترى الدله اللي با الصوره رائعه سهله التنظيف تصلح للقهوه والحليب والسبب بدون مصب
ولك تحياتي


https://pbs.twimg.com/media/CDCtMh8UIAA3XX3.jpg:small

[داري غالية]

الله يهنيك فيها يالبناخي ويرزقنا جميعا رحمته والأمطار والخير وينزل البركة كفيت ووفيت

[الهرم]

ماشاء الله تبارك الله

اخوي دهران

من زمان متابع لطبخاتك وحركاتك الجميلة

الله يسعدك ياشيخ مبدع الله يحفظك

[ذيب المراقي]

مبروك العزبة يابو فارس والله يهنيك فيها ويعطيك خيرها ويكفيك شرها
صراحة عزبة متكامله
ابدع التقرير
لاهنت

[فارس كيفان]

ما شاء الله
يعطيك خيرهم ويكفيك شرهم
مبروك على كل جديد .... أكيد الطعم تغير :)

[رفلوا]

الله يجزاك خير ويرحمك ووالديك والله ايهنيك ويجعل ايامك سعيدة

[برادو 2015]

وعليكم السلام ورحمة الله وبركاته

ماشاء الله تبارك الله

الله يعطيك خير هالعزبه ويكفيك شرها

والله يهنيك ويوسع صدرك يابو فارس

[الدوسري2010]

ههههه ماشاءالله جوك رايق الله يوفقنا وياك

[صيياد الحباري]

ماشاء الله عليك دائما مرتب الله يبارك فيك

[المحيط الهادئ]

الله يعطيك العافية كفيت و وفيت
تقرير مميز

[المموه]

المفروض السنيدي يعطيك اياها بالمجان دعايه حلوه ....

[HAS5SAN]

ابدااااااااااااااااااااااااااااااااااااع

[راعي القيله]

الله يجعله مباركه وتشوف معها الخير

[lg9999lg]

الله يبارك لك فيها وتقطعها بالعافيه

[ابوشعيل97]

مشاء الله تبارك الله

[قناص مزاجي]

الله يبارك لك فيما اشتريت

عندي ملاحظات على العزبه

انها كثيره وكثير من الاعراض لاتحتاجه

العزبه الجيده تكون حفيفه وسريع جمعها


عندك مثلا السكاكين نوعها ردي اضف الى هذا الاباريق وخصوصا ابريق الحليب الافضل هو نوع اسمه ( زيبرا تايلندي ) عندك اصطوانة الغاز نوعيه صينيه الافضل منها هو الايطالي ولحذر من الغاز الصيني والهندي لكثر الانفجارات لابد من اختيار النوع الجيد

قدور الضغط الافضل هو الفرنسي والالماني اذا لم تستطع شراء الفرنسي والاالماني اقلها اشتر السيف افضل من الصيني ( لماذا قلت الفرنسي والمركات المعروفه لنها مضمونه صحياً وامنه)

[خالد العاشق]

شكرا جزيلا يا أبا فارس على هذا التقرير القيم و صراحة يبغالي أستفيد من خبراتكم في بعض الأمور الخاصة بالقنص و طلعات البر إذا ما عندك او الأخوان مانع في مساعدتي و بيض الله وجهك دنيا و آخره