ماهي افضل ثلاجه للبر

[سلطان س1]

اخواني انا ناوي اشتري ثلاجه وحطها بالموتر للبر
ودي اعرف اوش افضل الانواع الموجوده بالسوق من حيث التبريد والسعر المناسب ووين توجد


شكرا لكم

[أبو شيري]

وعليكم السلام

من ناحية التبريد والسعر : الرمايه 60 لتر = 2500 ريال
من ناحية الحجم ويكـــــو : 40 لتر اما السعر ناااااااااااااار ( طبعاً القديمه ألماني ألماني )

وعندك ثلاجة الرميح والثميري والمزيد .......... الخ

والشغله ترجع توفيق من الله بعضهم يشتكي من ثلاجه لها سمعه طيبه والبعض العكس
معاه ثلاجه ما لها سمعه والكل يذمها وعايشه معه من ابدع مايكون

ترجع للأستخدام والمحافظه والأمكان اللي تمشي بها وتكشت بها


اما أمكان البيع تجدها في محلات بيع ادوات الرحلات مثل السنيدي والكشاته وعروق الشمال والمرباع والرمايه .....

أو المستعمل تجده في قسم البيع هنا بالمنتدى

وربي يوفقك

[الوووحيد99]

الويكو 40 لتر بلا منازع
تنباع في السنيدي

[ا لطرقي]

حسب راي المجربين والمختص مهندس الثلاجات الخاصه بالسيارات ابوراكان فان ثلاجة الرميح هي الانسب.
ولله الحمد له امعي خمس سنوات ولم اذهب بها لاي صيانة

[محمد ابن عيد]

..
و الله ي الغالي
العام رحنا نتصيد بالصمان
و مع خـالي ثلاجه آلرمايه ماشاء الله تبـارك الله
ماشتكينا منها ابد
تبـريد و فريزر عز الله انها تطـربك
و الله ييسـر امرنا جميع

[نديم الخيال]

حسب راي المجربين والمختص مهندس الثلاجات الخاصه بالسيارات ابوراكان فان ثلاجة الرميح هي الانسب.
ولله الحمد له امعي خمس سنوات ولم اذهب بها لاي صيانة

كلام اخوي الطرقي صحيح
الرميح 50 لتر لها معي 3 سنوات ومع ان استخدامي سيء لها ودايم وهي بالسياره ومطاريد قطا وكرك الا انها لم تشكو من أي شي ماشاء الله

[سلطان س1]

بيض الله وجيهكم يالنشاما