المساعد الشخصي الرقمي

مشاهدة النسخة كاملة : تنزيل سلفرادوا 2003


abrk1
31/03/2014, 03:44 AM
بسم الله الرحمن الرحيم
السلام عليكم ورحمة الله وبركاته

عندي سلفرادوا 2003 طبعا الموتر قطعة 10 z71 دبل وابي انزل الموتر من الامام ومن الخلف
رحت لكذا ميزان وقالوا ينزل الموتر من الامام اما من الخلف ماينزل
هل هالكلام صحيح... ي ليت تفيدونا ي اهل الخبره
عبقري91
31/03/2014, 07:54 AM
حرام عليك ياشيخ. تنزله.
بعدين كل الي بالموقع ناس كبار وعاقلين. ما اتوقع فيهم مراهق. عشان يفيدك
والموقع هذا لتبادل الخبرات والفائده في صيانة اللسيارات. لايمكن احد بيفيدك بتخريب سيارتك
abrk1
31/03/2014, 08:22 PM
ماهي حركات مراهقه الله يرحم والديك الموتر مرتفع اكثر من اللازم والوالد الله يطول عمره دايم يركب معي وعشان كيذا بنزل الموتر
جني صغير
31/03/2014, 08:37 PM
عبقري91مهب كل واحد نزل موتره قلت عنه مراهق
كل واحد يسوي اللي يعجبه بموتره وما طلب رأي هو طلب ألطريقه


ولذلك اترك الفلسفه الزايده وإذا عندك جواب قوله وإذا ما عندك تقدر تسوي تراجع للصفحة الرئسيه


بالنسبة للتطريح من وراء اذا كان سست يبيلك تلينها


يعني تفك السسته براء ويسقمونها لك زي المسطرة وتركبها


وابرسلك رقم محل في الصناعية القديمة يطرق السست او يواسيها
بس لما يجي أخوي أرسلك رقمه
جني صغير
31/03/2014, 08:50 PM
اذا انت من الرياض تدخل من مخرج ١٧ وامش سيده اللين يجيك نفق تتعداه وامش سيده بيجيك كبري مع اشاره


ديور فوق تحت ( يوتير ) ثمن لف مع اول لفه يمين ثمن يجيك اول تقاطع عديه ثمن الثاني ثمن الثالث ثمن رابع تقاطع تتعداه يجيك ميزان العضيب بعد الميزان يجيك اول لفه يسار لف معاها ثمن يجيك باب على اليسار لونه اخضر تحصل الهنود


اسم العامل ابراهيم


وبالتوفيق
عبقري91
01/04/2014, 04:15 AM
ي خوي حقك علي وهذا خشمك. امووه. وهذا راسك امووه
يا اني جاي مطفي النور يا ان طرح للموضوع خطاتقول عندي موتر وبطيحه. رجعت للارشيف حق مخي. ايام زمان. لقيت. مالها. تصريفه الا ان الرجال يبي يطيح المواتر. قلت. خلني اسوي كبير. وعاقل وتفلسف شوي. ممداني الا. انتم. انواع التنتيف. بي.


واذا مرتفع اكثر من الازم. الوجه سهل. مسمار وينزل. اما الخلف اذا. سست. تاكد يمكن حاط جلب. راعيه السابق. او. لينه. وركب. وطايت رجول للبيبان الله يكرمكم اسهله بركوب.
والله يوفقك ويعطيك خيره ويكفيك شره
وحللني دامي اخطيت عليك ي خوك
عبقري91
01/04/2014, 04:19 AM
وصف الورشه
الصناعيه القديمه. وانت جاي من ملعب الملز. رايح بتجاه الجنوب. لين يجي رجاج السالم يسارك سو. يوتير. وخله يمينك. وامش لين يجي الراجحي يمينك بعده خش يمين. واول لفه يمين بعد. امش لين يجي البلاد يسارك بتحصل الورشه يمينك. لترفيع. ويرهمون. مساعدات مرسيدس. وشغلات بسياره. كثيره.
abrk1
01/04/2014, 05:21 AM
اخوي (جني صغير) ماقصرت وبيض الله وجهك
اخوي (العبقري91) مسموح
جني صغير
01/04/2014, 10:46 AM
العبقري 91

دام انك بادرت باعتراف بكلامك


فأتمنا انك تعذرني اجل على كلامي لك