ترتيب اغراض العزبه مساعده

[Abo hzoo]

السلام عليكم ورحمة الله وبركاته مساكم الله بالخير اخواني وبعد ...

امس ذهبت لشراء " عزبة " مع العدة

ياليت اذا تكرمتوا الله لايهينكم تقولون لي وش الناقص

ماعندي صوره ولكن اقولكم الاغراض

بريق وبكرج
والسكر والشاي والبيالات والفناجيل والهيل

والحطب والجمر والمنقد والملقط والمقعبات والكبريت

ارجوا لمن لديهم الخبره ان لايبخل علي جزاكم الله خير

[ابوعثمان2]

.


شكلك نسيت : المركاب + القهوة +البيز + التمر :)



.

[حبل الوريد]

عزبة الطبخ ( كاتم ١٠ لتر + كاتم ٥ لتر + صحون للرز ثلاث او ثنين قد العزبه + ذرى ما جراب خاص فيه + ملقاط كبير + لي غاز للطواري + اصياخ شوي + شوايه + سكاكين وملاس وملاعق خشب + بيز + فوطه + زيت + دارسين + كمون + بهارات+ فلفل اسود + كيس رز ٥ كجم + ٣ اكياس مكرونه + زند + مفتاح علب+ملح+ لومي + لي تعبئة الغاز من الدبه الكبيره للدبه الزرقاء + قارورة مويه حط بها تايد + صحون بلاستك للمرق والمعلبات + اكياس نفايات كبيره تكرم حتى ما ترمي وصاختك + سطل للنقع الرز وغسله + مسن + قناره )


وعزبة القهوه والشاهي ( محماس+ شاهي + ليف + قهوه لاتكثر حتى لا تتغير قد طلعتين ثلاث + هيل + نعناع مجفف+ عويدي + زنجبيل بودر + دقيق بر بسيط لاتكثر تسوي منه قشد خص بالشتاء + ملقاط صغير + مركاب + ولع للاشعال + نجر صاحي + دله + بريق + قمقوم لتركيب القهوه + دلة حليب + بيالات وفناجيل مع جرابهن + حافظة تمر + ماعون يتسفط غسول البيلات والفناحيل + غاز مع راس كوري لتوليع الحطب لاصار فيه ريح رطوبه )


وخارج العزبه ( راسين دوافير مع دباتهم + رواق ٨ متر + ٤ مدات مع اربع مراكي لايقل عرضه عن متر ولا يزيد عن معر ونص ولايقل طولها عن مترين ولا يزيد عن ثلاثه + فرشتين ٣*٤ جركل ماء ٦٠ لتر


ههههههه لا تنقد على التفصيل بس تخبر فضوة الصبح اتذكر عزبتي واكتب

[اصيل نجد]

ياجماعه لاتنسون البهارات مايخص الطبخ ماتحط بالعزبه خصوصا بالصيف تخرب من الحر وتفقد جودتها كذلك القهوه والهيل حطهن برا العزبه واذا بغيت تكشت حطهن بالعزبه ولو قلت بنساهن اقول نسيانهن احسن من تشيلهن وذا بغيت الكيف والى الكيف خربان من هالحر وبالنسبه للمكعبات الاشعال حطهم بعلبه بلاستك زي حقت السكر والشاهي علشان المكعبات ماتنشف ولا تنسي علبه صغيره تحطبها صابون سائل وليفه دله وليفه مواعين ... ودربك خضر ولاتنسي كل من اقترح عليك وفكر معك من فنجال قهوه مبهر بالهيل

[Abo hzoo]

جزاكم الله خير والله فيه نواقص واجده

عافاكم الله ماقصرتوا

[أبو شيري]

ما عاد تحتار لقد جابها لك مشرفنا القدير [ دهران ]

اذا تبي شي مميز وجميل وجوده

تفضل بزيارة الموضوع التالي

93 صورة للعزبة الجديدة وبعض الأغراض ( من السنيدي للوازم الرحلات ) (http://www.mekshat.com/vb/showthread.php?t=629060)



يبقى عليك تعبتها من قهوة وهيل ورز وملح ......... الخ

ترى مو شرط تاخذها كلها بالضبط خذ ما تحتاج أنت



وربي يوفقك

[شعلونكا]

باختصار عزبة القهوة

دلة + ملقمة + ابريق شاي +بيالات وفناجيل (لا تكثر خذ قد حاجتك ) +بيز + القهوة والشاي والهيل والعويدي

عزبة الطبخ

قدر حسب حاجتك اذا طلعات شخصين ثلاثة قدر ٨ لتر من وراكم + دافور + ذراية + الرز والبهارات وما شابه والبصل والطماطم

[شعلونكا]

نصيحة اخ

لا تاخذ شي ما تحتاجة بيثقل عليك ولا راح تستخدمة

شف لك شنطة صغيرة وعبها وخل عزبة القهوة لحال والطبخ لحال


ودمت بود

[Abo hzoo]

ما عاد تحتار لقد جابها لك مشرفنا القدير [ دهران]

اذا تبي شي مميز وجميل وجوده

تفضل بزيارة الموضوع التالي

93 صورة للعزبة الجديدة وبعض الأغراض ( من السنيدي للوازم الرحلات ) (http://www.mekshat.com/vb/showthread.php?t=629060)



يبقى عليك تعبتها من قهوة وهيل ورز وملح ......... الخ

ترى مو شرط تاخذها كلها بالضبط خذ ما تحتاج أنت



وربي يوفقك


موضوع رائع يعطيك العافيه

[محمد3171]

نصيحة اخ

لا تاخذ شي ما تحتاجة بيثقل عليك ولا راح تستخدمة

شف لك شنطة صغيرة وعبها وخل عزبة القهوة لحال والطبخ لحال


ودمت بود

الله ينور عليك

[Abo hzoo]

اخوي شعلونكا يعطيك العافيه مختصر مفيد صراحه مشكور

[..mgood..]

عزبة الطبخ ( كاتم 10 لتر + كاتم 5 لتر + صحون للرز ثلاث او ثنين قد العزبه + ذرى ما جراب خاص فيه + ملقاط كبير + لي غاز للطواري + اصياخ شوي + شوايه + سكاكين وملاس وملاعق خشب + بيز + فوطه + زيت + دارسين + كمون + بهارات+ فلفل اسود + كيس رز 5 كجم + 3 اكياس مكرونه + زند + مفتاح علب+ملح+ لومي + لي تعبئة الغاز من الدبه الكبيره للدبه الزرقاء + قارورة مويه حط بها تايد + صحون بلاستك للمرق والمعلبات + اكياس نفايات كبيره تكرم حتى ما ترمي وصاختك + سطل للنقع الرز وغسله + مسن + قناره )


وعزبة القهوه والشاهي ( محماس+ شاهي + ليف + قهوه لاتكثر حتى لا تتغير قد طلعتين ثلاث + هيل + نعناع مجفف+ عويدي + زنجبيل بودر + دقيق بر بسيط لاتكثر تسوي منه قشد خص بالشتاء + ملقاط صغير + مركاب + ولع للاشعال + نجر صاحي + دله + بريق + قمقوم لتركيب القهوه + دلة حليب + بيالات وفناجيل مع جرابهن + حافظة تمر + ماعون يتسفط غسول البيلات والفناحيل + غاز مع راس كوري لتوليع الحطب لاصار فيه ريح رطوبه )


وخارج العزبه ( راسين دوافير مع دباتهم + رواق 8 متر + 4 مدات مع اربع مراكي لايقل عرضه عن متر ولا يزيد عن معر ونص ولايقل طولها عن مترين ولا يزيد عن ثلاثه + فرشتين 3*4 جركل ماء 60 لتر


ههههههه لا تنقد على التفصيل بس تخبر فضوة الصبح اتذكر عزبتي واكتب

وفييت وكفييت