المساعد الشخصي الرقمي

مشاهدة النسخة كاملة : بعد جرجره وكرف 8 سنوات .. خربت علبه الدكسون للسييرا .. عطونا رأيكم


بن مانع التميمي
02/04/2014, 09:12 AM
السلام عليكم ورحمه الله .,




ياخوان انا معي جمس سييرا 2006 حجم 2500



ما قصـر جرجرناه بكل شعبان نجد ونفدانها والحمدلله والشكر



له فترة اسمع فيه صوت زززززززززز مع المشي والضغط على البنزين


واكتشفت انه من العلبه + ( الطارة ثقيله بشكل ملحوظ )



فا وش رايكم ؟


هل احد جرب يصلحها او لازم تبديل !


وعلى ما سمعت الاصلي 1800 ريال ..!

ولو اسحب عليها فيه مشكله .!؟


والله يعطيكم العافيه ي غالين





اخوكم
دوج رام 98
02/04/2014, 09:39 AM
الله يبارك لك في الجمس , أنا أشهد أنه موتر كفو , والجمس ماقصر معك وأنصحك صلحه , من باب رد الجميل
وااضح
02/04/2014, 09:50 AM
طقم اصلاح يفي بالغرض
بدوي جنوبي
02/04/2014, 01:30 PM
فيه تهريب زيت من العلبه
او الليات
سيف وقلم
02/04/2014, 01:36 PM
طيب لو تغير الزيت ما يضبط؟؟

مجرد تساؤل..
عميد آسيا
02/04/2014, 02:11 PM
اللي أعرفه إذا الزيت نقص يطلع صوت
زوده إذا كان ناقص و شوف إذا راح الصوت خلي كل شيء زي ما هو و كل ما سمعت الصوت زود الزيت و خلي علبته في الكبوت
بن مانع التميمي
03/04/2014, 12:56 PM
الله يبارك لك في الجمس , أنا أشهد أنه موتر كفو , والجمس ماقصر معك وأنصحك صلحه , من باب رد الجميل



الله يجزاك خير ي غالي

يستاهل انا اشهد من يصلحه


ماقصرت
بن مانع التميمي
03/04/2014, 12:57 PM
طقم اصلاح يفي بالغرض



اخبر الأصلاح للدوده ..!


انا ما تأكدت هل هي من العلبه او الدوده صراحه


علما ان مابه أي تهريب

كيف اقطع الشك باليقين !


وماقصررت
بن مانع التميمي
03/04/2014, 12:59 PM
فيه تهريب زيت من العلبه
او الليات



ابداً مافيه تهريب


الزيت مليان والصوت ظاهر كأن الزيت ناقص + ثقل بالدركسون


وماقصرت
بن مانع التميمي
03/04/2014, 12:59 PM
طيب لو تغير الزيت ما يضبط؟؟

مجرد تساؤل..



والله علمي علمك ي خوك ...


نشوف اراء الشباب ..


ماقصرت
بن مانع التميمي
03/04/2014, 01:00 PM
اللي أعرفه إذا الزيت نقص يطلع صوت
زوده إذا كان ناقص و شوف إذا راح الصوت خلي كل شيء زي ما هو و كل ما سمعت الصوت زود الزيت و خلي علبته في الكبوت



الزيت مليان والصوت واضح يعني كن الزيت ناقص وهو فل !


مدري وين المشكله بالتمام


ماقصرت
ابن روزه
03/04/2014, 04:19 PM
يوجد في الدمام ورش متخصصة في الدركسون واصلاحاته وعندهم الفحص ب 100 ريال قبل اي اصلاح ويعلمونك وش المشكله ويعطونك ضمان شهرين انا عندي 2005 الدركسون ما يلف الا بصعوبة ووديته وطلعت الدودة وصلحوها ب الف ريال والحمد لله زبطت انصحك لا تروح الا لورشة متخصصة
بن مانع التميمي
04/04/2014, 07:45 PM
^^^

الله يجزاك خير .. انا والله من اهل سدير وبعيده علي الدمام


مشكور
بن مانع التميمي
05/04/2014, 09:15 PM
ي جماعة الخير .. ابشركم غيرت علبه الدركسون .. الصوت اختفى نهائيا ماشاء الله لكن !!

الطارة لازالت ثقيله !

وش العلم !

لا يكون الدوده يبي لها اصلاح!


والله يجزاكم خير ي المكشاتيه
بن مانع التميمي
23/04/2014, 06:53 PM
وش سبب ثقل الطارة ي النشاما ؟؟
أصيل حجآ زي
23/04/2014, 09:09 PM
وعليكُم السلام ورحمةُ الله وبركاتُه

اخي :
الصوت بسبب الزيت اما نقّص ودخلهُ هواء
وتحتاج تهويت زيت مُسآعّد الطآرة كامل شامل .

مشروح في دروسي .
مشروحة بالتفصيل
المُمّل في درس لي '''
تحصلُه في رابط دروسي
المُثبّت بمُقدمة الخيمة بعنوان ؛
دروس لكيف !!! تـُـصـبـح مـُهـنـدس وكـهـربائي
سـيـآرآت ؟؟؟ بطريقة أعملها بنفسك ( DIY } .

تشتري إبرة شفط مثل ابرة العلاج بس اكبّر .
مع لي شفاف تركبهُ ببوز الابرّة وتشفُط الزيت من
عُلبة زيت مُسآعّد الطآرة ( بلور أسي وب ) ،
حتى ما يبقى بها الا القليل قبل الأخير .

ثُمَّ تعبي العُلبة الى اعلى نُقطة مُمكنة .
تستخدّم السياَرّة كم مشوآر .

وتُكرّر العملية عدّة
مرآت حتى يصفى الزيت .

زيت مُساعد الطارّة هو نفس
زيت القير التماتك الاحمّر ATF .
بن مانع التميمي
01/05/2014, 01:54 AM
جزاك الله الف خير .. بنشوف الطريقة واعلمك