للخبراء بالتاهو الله يجزاكم الجنه شوفو لي حل هالمشاكل ذي وش سببه

[المجروح للابد]

بسم الله الرحمن الرحيم

يا اخوان شريت تاهو امريكي قبل اكثر من سنه تقريبا الموديل 2007 المهم مالكم بالطويل بعد شرائي له بأسبوع كان ايام الجو بارد وحميت السياره الصباح ومشيت قبل ماتصال انبير الحراره للنص وولعت عندي لمه التشيك :(رحت لفحص الكبيوتر وقالي حساس منظم الهواء طفاه لي وبعد يومين نفس الحكايه ورجعت الززززززبده لمبه التشييك ماتطلع الا اذا صار الجو بارد وبالتحديد عن التشغيل الصبح وحركت مع انه طوال الصيف فصل اصبع البطاريه وراحت ولا طلعت ابد بالصيف بس بالشتاء ارتفع ضغطي منه ,, ياليت الي واجهته المشكله هاذي يفيدنا ويفيد الغير الله يجزاكم الجنه

المشكله الثانيه نفس الاولى تقريبا ماتطلع الا اذا صارت السياره بارد الصبح وعند التشغيل بالضبط طقه من قدام مره خفيفه ومره قوييه اذا صار الجو بارد استقوت شوي :( وبالصيف مااااااله حس ابد يعني بس بالبرد ... فيديونا وفيدو الجميع الله يجزاكم الجنه

المشكله الثالثه الي عي اذا حطيت الموتر ب d وبالتحديد التغيره الثانيه في طقه خفيفه وطقه اذا خطيت الموتر ب d وجيت بحرك :(

الله لايحركم الاجر يارب بس على ما قالو طوووووولت معي ومليت :)

[qwertyu987]

من ناحية صوت الطقطقة في المكينة عند التشغيل

من خلال تجربة

مرت علي نفس المشكلة في كابريس 2006 وغيرت ربلة طرمبة الزيت وراح الصوت
لها الآن أكثر من ثلاث سنين والحمد لله

1 : غير الزيت الموصى به من الوكالة
2 : غير ربلة (جلدة) طرمبة الزيت

http://www10.0zz0.com/2013/05/13/08/577959870.jpg



أما الرسالة , أنصحك تودي السيارة الوكالة وتفحصها عندهم يكون أفضل

وهذي مشاكل السيارات المستوردة ماتدري عن تاريخها وعن طريقة استخدامها , لأن أغلب السيارات المستورده مايسوون لها صيانة في بلدها نهائيا.

[آخر العنقود]

هلا اخوي بالنسبه للتشغيل وصوت الطقطقه اللي بالمكينه اذا بالشتاء عادي يقعد الصوت الين تحتمي السياره بحكم ان الزيت بارد ومشكلة اللمبه اللي تشتغل عندك افحص كمبيوتر اذا اشتغلت مباشره وتحدد سبب المشكله وتصلحها وصوت الطقه مع التعشيق شيك علي كرسي القير وصلبان عمود الكردان اذا سليمه الوضع عادي كان معي تاهو 2008 وفيه صوت طقه مع التعشيق وما خليت محل عشان هالمشكله وكل محل امره يقول الصوت عادي بالتوفيق.

[عميد آسيا]

شوف الموضوع ذا
فيه تقريبا نفس المشكلة مع الحل

http://www.mekshat.com/vb/showthread.php?t=573158

[الشاامخ]

اخوي انا عندي نفس المشكله الاولى وسألت عنها قالوا حساس شكمان
اما الثانيه طال عمرك الطقه الي تطلع عندالتشغيل وتحسها تحت كأنه شي يتعشق فاهذا طال عمرك لازم تفتح السوتش وتخليه ابو عشره او خمسة عشر ثانيه وتشغل ماراح تطلع
لاني جربت ذا الشي واختفت
تقبل مروري