استبدال ماكينة الشاص 2013 بماكينة 2009

[abualzwaid]

السلام عليكم
ارجوا من اصحاب الخبرة افادتي هل ممكن تركيب ماكينة شاص 2009 راس طويل مكان ماكينة شاص 2013 راسين واذا ذلك ممكن هل لازم يكون مع القير ام ممكن بدون حيث عندي شاص 2013 سلق واريد اركب له ماكينة 2009 لان الراسين عزمه ضعيف ...

[وجعين]

غريبه ضعيف!! جربته كم مره بلخط وبالنفود طياره ثانيا مابينه وبين المكاين القديمة ذاك الفرق اللهم في القومه شي بسيط اما بالخط الجديد أسرع

[صخب]

نصيحتي خله شد بلد
جربت 2010 بر حجره وطعوس وحملت عليه اعلاف ماشاء الله عزم ممتاز
للامانه ماجربت الموديلات القديمه لكن اشوفه يقوم باللازم وزياده
وسافرت عليه 1000 كم خط رايح جاي ماشاء الله
فيه حنه الى سرعه 100 بعدها تختفي ويتحول الى vxr ههههههه

[abualzwaid]

ولكنه ضعيف في القومة وفي التسارع وعندما يغرز يطلع ريحة الكلتش

[المتر]

وعليكم السلام ورحمة الله

اذا بغيت تركب مكينة 4500 لازم يغير القير معها

وسهله جدا واذا بغيت رقم ورشه ارسل لي بالخاص

[abahal]

غير الكارونه وارتاح

[يوسف_92]

امرك عجيب الحقيقه هههههههههه

ماشاء الله موترك 2013 والمكينه شد بلد وماتعاني من مشاكل والامور ماشيه الحمد لله

وتبي مكينة 2009 لها 5 سنوات !

عشان العزم يفرق شوووووي

[عبهل]

اذا تبي شوري خلك على شد بلد موترك

لان الفرق مهو ذاك الزود 2009 قوته 4500 والجديد 4000 كوجهة نظر الجديد جديد

[شاق النفد]

مشكلة المجتمع عندنا انهم يصدقون كل ما يقال
ياخوي كان معي 2007
والان معي 2012
العزم والقوة لل2012
قل صرفية البنزين وقل عدد علب الزيت لل2012
قبول الدعسة السريع لل2007 لان دعسته سلك اما 2012 كهرب الكتروني
اقولك الكلام هذا من واقع تجربة
وان كانك صامل بعه وخذ قديم

[ابوراكان تبوك]

صحيح مكاين 2010 وفوق اصغر من القديمات لكنها اخف وزن على السياره

لو ابغى استخدم ما اخذ الا 2009 مكاينها اثبتت جودتها وتحملها

[H 2]

تايوتا تمشي بالعكس
في الوقت الى فيه نيسان ترفع احصنة وسي سي الباترول الشاص نجد العكس من تايوتا

[salih100]

حول الدعسه من كهرب الى واير مثل الاول وبيفرق معك كثير خاصه بالطلوع بالجبال وانت تمشي ع هونك او بالتغريز يحولونها ب 1500 ريال

[abualzwaid]

ممكن اجد من يأخذ الماكينة والقير حق 2013 ويركب لي ماكينة وقير 2009 بدون فرق سعر

[صخب]

ماشاء الله عليك
هذا صامل يابو زويد وضارب على رايك
لو تمر الوكاله وتسال عن قيمة مكينة 2009 واذا عطيتهم الرجيع 2013 كم بيحسبونها عليك خاصه ان مكينتك شبه جديده

[ابوعبدالله199]

ركب هدرز وفلتر وابشر باللي ينسييك مكينه 2009

او ركب قطعه اسمها سبرنت بوستر وصدقني بتدعي لي وتهون عن قرارك

[سعود27]

ركب هدرز وفلتر وابشر باللي ينسييك مكينه 2009

او ركب قطعه اسمها سبرنت بوستر وصدقني بتدعي لي وتهون عن قرارك

المكائن الجديده ماتتحمل الجور ودليل وجود نظام الدعسه الكهربائيه يعني اذا بتغير نظام الدعسه وتركب فلتر قل على المكينك السلام نصيحه من محب

[ابوراكان تبوك]

ممكن اجد من يأخذ الماكينة والقير حق 2013 ويركب لي ماكينة وقير 2009 بدون فرق سعر

ما الظاهر بتلقى الا نادرا

الترهيم ينزل قيمة السياره كثير حتى لو بالمحركات

وانت نسيت الظفيرة والكمبيوتر يبي لها تغيير

[صبحية البراري]

اخوي قير الجديد يختلف لازم تغير المكينة والقير لاكن اشوف انه مشروع غير مناسب مكينة 4000 راسين كويس وتحمل عاد تراه مهيب اكسنت الهايلوكس ومكينة 2700 يحملون عليها ويكدونه كد ومع ذالك كل سنه تثبت انها الافض

[اليامي قطر]

فكرره ممتازه مكينه 2009 افضل بكثير

[حبو 1]

لازم مع القير والاقزوز والشكمان واحتمال الظفيره

اخوي احسن لك بلد

[الكدن1]

التعديل بالسيارة لايخدم الا اصحاب الترهيم
ورأي اذا انت عازم على التغيير ابحث عن انسان جرب الشغلة وخذ من راسه
صحيح ان المكائن الراسين لا تتحمل لكن انت قارن بين السلبيات والايجابيات

[عبدالله نيسان]

ركب كمبيوتر هالتك 500
وهدرز وفلتر
طبعن الفلتر قصير
والهدرز 2/5 وركب سده اكترونيه تنباع في الامارات او البحرين انا شاريها من البحرين وحطها قبل الدبه 30 سنتي
هاذي ميزتها ترفع التورك اذا فتحت السده يعني اذا دخلت النفود ناقصك تورك اما في الخط سكرها بلمسه زر
( والمكينه الي عندك ناقصها التورك الي هو العزم اما الاحصنه عندك حلوه وافضل من المكينه السابقه)

وان شاء الله قدرت افيدك بمعلومه

[سقم المعادي 1]

خذ مكينتي 4500 وعطني مكينتك راس براس مكينتي ماشيه 405 هههههه
ياخوك المكينه القديمه ماهنا عزم صحيح انها حمارة مكده بس عزمها مقارنه بالجديده و هدوءها و الصرفيه لا والله الجديدة اطلق لكنها على الشاص بالتحميل مايمدحونها اما في مراقا وسرعه وهبال وخطوط نشيطه

[محمد ابودانه]

صدقني الجديد جديد خلق على موترك ولا تلعب فيه بالمكاين وجه نظر

[Nasser33]

نصيحة لاترهم وتلعب بموترك
بعه واشر لك 2009 نظيف
احسن من الترهيم اللي ماوراوه الا
المشاكل مافيه مثل الموتر اذا جاك شد بلد

[مسير عليكم]

اذا ناقد علي عزمه عدل علي كمبيوتره والشباب ما يقصرون

[رحال7]

سمعت واحد اشتكى من الجديد يقول يطيح عزمه !!!والله اعلم
بس نصيحه لا ترهم بعه واشتر ٢٠٠٩ اذا انت معزم