ماهو الشئ اللي يوضع بالرز حتى يصير أبيض ؟

[الحارث همّام]

بسم الله

.


مساء الخيرات يالطبابيخ والطبابيخات
:no2:

للإخوة والأخوات أريد أن أستفسر عن الشي اللي يوضع بالرز حتى يصير أبيض ؟

لأنه أحيانا أضع بهارات كثيرة ويميل لون الرز للأسود ( لاتقولون خفف البهارات لأني أموت فيها .. حتى أمي تقول لو أنك أم عيال كان فطسوا عيالك في يومين :D ) ..

ولكن إذا طلعت مع شباب يعجبهم الشغل لكن يقولون لون الرز ليته يصير فاتح شوي ؟ :confused:


حقيقة جربت أمس : ووضعت نصف كاس لبن مع كبسة تكفي لـ 8 أشخاص . ولاحصلت ذاك الفرق .


هل فيه حلوووووووول ؟

[ابونايف الروقي]

الاخ الحارث همام

انا اشوف ان الطماط والصلصه هي الي تأثر على الرز بطريقه قويه تخليه احمر ..
ولا تكثر بهارات
ولا تحمس البصل لين يقلب اصفر
والله اعلم
تراها لم تصدر من تجربه ههههههههههههه

[جنتلـ]

<< الحل عندي وانا ابو هندي :)

وانا اخوك فيه ( ماجي ابيض ) استخدمه وابعد عن ( الصلصة ) وراح تدعي لي ان شاء الله.

[hamad_alsaad]

وانا اخوك فيه ( ماجي ابيض ) استخدمه وابعد عن ( الصلصة ) وراح تدعي لي ان شاء الله. قصده ماجي دجاج ابو كرتون اخضر. تقدر تحط الوان طعام ابيض

[السكرااان]

جرب الخل ههههههههههههههههههههههههههههههه

[ابوشنآر]

انا اقول ومجرب اذا تبغى الرز يكون ابيض حط الرز بالقدر مع الماء فقط ورشه ملح حسب الذوق

[دم خزام]

حاول استعمال بهارات عدلة (غير مطحونة) بداخل علبة البهار اللي زي المنخل.

[فل اوبشن]

اول شي جرب تطبخ الكبسه بدون طماط
ثانيا يوجد ماجي ابيض زي الملح
ثالثا يهارات تكون عدله زي ماقال دم خزام مع شوي بهارات مطحونه اللي
يخلي الكبسه عندك لونه غامق الطماط وكثرة البهار المطحون ... بتتاكد من كلامي سوي كبسه لحم
وحط طماط وشف لون اللحم وش يصير واطبخ نفس اللحم بدون طماط وش لون اللحم .. وسلامتك

[أبوتركي 999]

حمس البصل الزائد ومعجون الطماط وزيادة البهارات تسود الرز
وشريحة ليمون تصير بيضاء إنشاءالله
والله أعلم

[الحارث همّام]

تسلممممووووووو ن ياإخوان . كلن باسمه .
أبجرب باتسر إن شاء الله الماجي . مع إني ماخذ فكرة سيئة عنه .
بجرب وأشوف إن شاء الله .

[الخرازة]

الاخ الكريم p52

مشا ركة طيبة ولي ملاحظة ارجو ان تقبلها وهي في توقيعك بارك الله فيك حيث تقول : مـا شريتـه غيـر أبلعـن والدينــه

وهناك نهي شرعي عن الرسول صلى الله عليه وسلم قال فيه : لاتسبوا اولادكم ولا اموالكم وفي حديث اخر قال للمرأة التي لعنة ناقتها لا

ترافقنا دابة ملعونة
والله اعلم ,,,
واشكرك مرة اخرى

[ALBDRANE]

أشوف أن الكلوركس بيساعدك في تبييض الرز

الخرازة أحسنت

[أبو ستري]

اشخل الحمسة قبل تكب الرز عليها ..
سوي لها تصفية .. بمشخال .. :)

وأدعي لي .

[tarad]

خفف البصل في الحمسة

[القطار السريع]

أطبخ رزك بمويه وملح وماجي أبيض وحط زبدة ولا زيت حسب الرغبة

[kash5000]

ماهو الشئ اللي يوضع بالرز حتى يصير أبيض.............


الجواب ........اسمع ونا اخوك جب لك ليمونه متوسطة الحجم وقطعها ارباع

وتضعها مع اللحم او الدجاج مع ملح وقليل من حيب الهيل,,,,,

وبعد ذلك تأخذ الماء وتسكبه على الرز.............


وبالهنا والشفاء ...........

[صليب الرأس]

الاخوان ماقصروا بس ماذكرو ان الومي يسود الكبسه , اذا لازم لومي حطه قبل لا يستوي الرز بشوي

ودممممممممتم

[system]

لا تنقع الرز اغسله غسله سريعه بماء بارد

[مروق]

اخوي حط الطماطم والبهارات بعد مايظهر الرز بالقدر ...

ورايح يتلون الوجه العلوي فقط .. وبيطلع معك رز ابيض (( يلق كنه غترة )) والاهم نكهته حلوة وطازجه

(((( مجربه الطريقه ))))

[فهد584]

بالمختصر

قلل الطماااااااااااااااااااطم


استعمل

مـــــــــــــــــــــــــــــــــــــــــــــــــ اجي ابيـــــــــــــــــــــــــــــــــــــــــــــــ ــض




لا تنسونا من الدعااااااااااااااااء

[pass2love]

لا تستعمل الرز البسمتي العادي

استعمل رز البسمتي الابيض

ثانيا لا تحط معه شئ ابد خله ساده

واطبخ اللحم او الدجاج بروحه

[بيلسان]

احذر الماجي الابيض !!!!
مع احترامي للا خوان الذين نصحوك باستخدامه لانه مركب كيميائي 100% ( كربونات الصوديوم )
سبب رئيسي للحموضه , يغير طعم الرز ( اكبر دليل المطاعم الكبيرة للكبسة تلقى الرز نفس النكهه والطعم .

نصيحيتي لك بحكم كثرة الطبخ :
1/ اطبخ اللحمه مع بصل وماء وملح فقط, بعدين اشخل العقود من الرواسب التي تسببها اللحمه.
2/ خذ من عقود اللحمه اذا كنت تبي تطبخ اللحمه لحاله بدون ان تكبس الزر عليها وحط مع الرز عودين قرنفل + 3حبات هيل + عود دارسين + ملعقة سمنه او نص اصبع زبدة
اذا كنت تحب السمنه او الزبدة .
3/ حمر اللحمه لحاله بالاتي ( ملعقة صلصه +رشة زعفران + رشة كركم + 4علوب حبحر + رشة فلفل اسود+ رشة بزار مخلط (انصحك بالكاري حق الهنود اسمه (مهران ) يعطي للحمه نكهه جدا رائعه .

ابتعد عن اكثار البهارات لانها تفقد الطعام النكهه والطعم .

ارجوا اني عطيتك بعض النصئح ليصبح الزر ابيض واللحمه محمره وماتشبع منها .


ولك تحياتي ,,,,,,

[ابوحمد72]

السلام عليكم

انا مااعرف للطبخ

بس اسمع انه الخل يخليه ابيض والله اعلم

[شليويح السر]

احذر الماجي الابيض !!!!
مع احترامي للا خوان الذين نصحوك باستخدامه لانه مركب كيميائي 100% ( كربونات الصوديوم )
سبب رئيسي للحموضه , يغير طعم الرز ( اكبر دليل المطاعم الكبيرة للكبسة تلقى الرز نفس النكهه والطعم .

نصيحيتي لك بحكم كثرة الطبخ :
1/ اطبخ اللحمه مع بصل وماء وملح فقط, بعدين اشخل العقود من الرواسب التي تسببها اللحمه.
2/ خذ من عقود اللحمه اذا كنت تبي تطبخ اللحمه لحاله بدون ان تكبس الزر عليها وحط مع الرز عودين قرنفل + 3حبات هيل + عود دارسين + ملعقة سمنه او نص اصبع زبدة
اذا كنت تحب السمنه او الزبدة .
3/ حمر اللحمه لحاله بالاتي ( ملعقة صلصه +رشة زعفران + رشة كركم + 4علوب حبحر + رشة فلفل اسود+ رشة بزار مخلط (انصحك بالكاري حق الهنود اسمه (مهران ) يعطي للحمه نكهه جدا رائعه .

ابتعد عن اكثار البهارات لانها تفقد الطعام النكهه والطعم .

ارجوا اني عطيتك بعض النصئح ليصبح الزر ابيض واللحمه محمره وماتشبع منها .


ولك تحياتي ,,,,,,




صدقت هذا الكلام

[al360f]

انا اعتقد انك يكون الرز ابيض اذا طبخته بماء وملح وبصل فقط

وعادي لو حطيت شوي هيل وشوي مسمار للطعم فقط ولايأثر على اللون

[نفود الثويرات]

أخي: أتوقع إنك تستخدم رز مزة.
بالنسبة للبشاور(العنبر)على ما أعتقد يكون أبيض.

[ابو تمام]

أطبخ رزك بمويه وملح وماجي أبيض وحط زبدة ولا زيت حسب الرغبة


كلام سليم فقط رز و مويه وماجي ابيض وزبده ولازيت وبعدين سو كشنه يطلع نفس شغل مطاعم الناظج والرومانسي ههههه طريقه مجربه هذي طريقتي في الطبخ وخاصه رز العنبر

[الستانس]

زي كلام الأخوان

بس هما الرز جايز لك وشوله تبيه يصير ابيض انت تاكل اللون ولا الرز هع

[العمدة الصغير]

المهم الطعم ### اللون لا يهم @@@

[بندر-911]

حط وأنا خيك حليب السعوديه وقبل ينش الرز ارشقه بشوي سمن بري رشه عليه وبالنسبه للحليب ابو ريال جرب وبالعافيه
أطبخ رزك بمويه وملح وماجي أبيض وحط زبدة ولا زيت حسب الرغبة

[صنقل]

جرب رز بشاور

[الكهف1]

تبي ابيض
حط رز بس

[saharyonis]

صح اخوى يطبخ الارزفقط مع ماء وملح وزيت فقط للابيض

[gx 020]

اسمع اخوي من واقع تجربه ..

حط مع الرز زيت وهيل عدل وماجي ابيض ...

راح تشوفه كنه لبن ماهو رز من شدة البياض ..

[ابوفهيدان]

اول شي خفف البصل بالحمسة يعني لاتحرقه واجد
وثاني شي واهم شي لاتحط البهارات مطحونه حط هيل حب ودارسين حب ومسمار حب وفلفل اسود حب وملح
وانشالله بتدعيلي

[الغريري]

الأصل في الرز انه ابيض ... وانت بعدما أذهبت لونه تطالب بإعادته ..:confused: .. بسيطة ... تخلص من الأشياء التي غيرت لونه مثل الصلصة و بعض انواع البهارات (البويات) .. واليمون الأسود المكسور ..




نصيحة ابتعد عن شيء اسمه ماجي !

ولا تكثر البهارات ...

بإمكانك اذا كنت تتذوق البهارات وترغبها بشدة ، أن تخصص لك نوع من البهارات بعد الطبخ .. أي بعد أن تقدم الطبخة للأكل تضع البهارات بالمقدار الذي يناسبك ... (مثل ليمون اسود مطحون + صرار حايل+قليل من الزنجبيل+كمون+قليل من الفلفل الأسود+ملح)

اللحم اذا كان طري ... لا يحتاج الى بهارات أبدا ... بإمكانك حمسه مقدما بالبصل والثوم والزنجبيل الطازة .... ستكتشف أن هناك شيء اسمه رائحة زكية للحم ... :)

الطماط ... والصلصة .. ابتعد عنهما أثناء الطبخ .. إلا في النوادر .. كأن ينشب لك واحد من اللي لا يمكن يقتنعون بدونهما، .. مافيه مشكله ... حط رغبتهم ...

الرز .. حسب نوعه .. المهم فيه الغسل .. ومدة التودين/التنقيع ... ثم ملاحظة نسبة الماء وقوّة النار عليه ...


وفق الله الجميع .

[دايت]

لاتخلي البصل ينحمس مع الزيت كثير..

ولاتحط صلصة وعليك بالعافية..

:)

[نثرية]

الله انا اقول زبدة وماجي يكفون

[الحارث همّام]

مشكورين شباب ذكرتوني بالموضوع مع أني ناسيه