ولاعة وusb عطلان gxr 2013

[ابويزيد97]

السلام عليكم

الاخوة الاعزاء
الوالد شرا له جيب gxr 2013 فل كامل
مستخدم ماشي تقريبا 20 الف,الله يعطيه خيره ويكفيه شره.

المشكلة فيه انه اذا جيت تشحن الجوال عن طريق ولاعة السيارة او usb ما يشحن,
جربت الولاعة ماهي شغالة !!

دورت للفيوزات ماعرفت مكانها (وخفت اني العب فيها واخربها)

فيه طريقة اني اصلحه بدون ما احتاج اروح للكهربائي.

[اسدهم]

مفك ابو سلك اقرب محل زينة تحصلة وشغل السويج وجرب لين تحصلة
وشي اثاني في نها وسيارة طافية افصل البطارية اذاقلت اخاف اخرب لي شي وشيك ونت مرتاح بعد صلاة العصر وقت النهار واذاخلاصت من الغمارة افتح الكبوت وشيك

[زعيم الشمال]

حصلت معي بس في GMC وفحصت الفيوزات بـ TEST LAMP المفك الي فيه سلك ولمبة ولقيت واحد من الفيوزات مقطوع بالعلبة الي تحت الكبووت وبدلته واشتغلت معي الولاعة والشاحن والسبب في قطع الفيوز هذا هو استخدام محول الكهرباء فيه التماس ويسبب قطع الفيوز على طول.
*بعدين كل غطا علبة فيوزات موضح مكان الفيوز وقيمتة
وتقدر تفحص الفيوزات بدون مفك الفحص ابو لمبة والسيارة طافية ان تقووم بسحب الفيوز والنظر بداخلة اذا كان متصل هذا سليم ورجعة مكانة واذا كان مقطوع بدلة
* لا تستخدم شاحن جوال او محول كهرباء في مخرج الولاعة لانه عبارة عن مخرج 6V اما المخرج المخصص للشحن او تشغيل الاجهزة فهو 12V

[ابويزيد97]

الله يعطيكم العافية
وشكرا على النصائح

بس ما عرفت مكان الفيوزات وين بالضبط!

[ابوضاري2007]

2013 ماني متاكد منه لكن 2007 فيه ولاعتين عند القير

وحده عندي ماتشتغل وجيت للكهربائي قال لازم يفك الديكور لانه فيه فيوز خلف الولاعه وتركتها

لانه وحده شغاله والثانيه طافيه

ودام ماحصلت بالفيوز شي ضارب يمكن يكون مكانه خلف الولاعه مثل موتري لازم فك الديكور

[ابوضاري2007]

الفيوزات تحصله وانت تسوق فوق رجلك اليسار اعزك الله لازم تدخل راسك حول الكلتش تشوفهم فوقك

وفيه فيوزات يجن بالكبوت وانت فاتحه يمينك

[ابويزيد97]

الله يعطيكم العافية

نهاية الاسبوع ان شاء الله يجي الموتر وأدور الفيوزات.

[alwali]

السلام عليكم
موترك جديد وانصحك توديه للوكيل يصلحه على الكفالة

ولا تخلي احد يتهندس عليه ويضرب معك التماس وتتحسف

[الشرقيه 03]

افتح غطا الفيوزات بتلقى لصقة مكتوب فيها كل شيء عن الفيوز وارقامها ومواقعها

دور على ( CIG LIGHTER ) وطابق موقعها في علبة الفيوز وغيرها بنفس الرقم المكتوب عندك

[المناعي2]

وين السلفة الحين

[حبو 1]

السلام عليكم
اخوي المشكله تلقى الي طور الموتر :mad: سواء ابو جميل :eek: ولا المعارض ومنها موزعين سيارات البريمي والخليج :j فاصل الفيش ونسى يركبه
بتستغرب كلامي ال جي اكس ار اغلب ديكورراته تلفيييييق خشب جلد شاشات صدامات جنوط كشافات
لا احد يتعبث بموترك فك الديكور بس بشويش واشبك الفيش :eek:

[Bader-M]

افتح كتاب الارشادات الموجود بدرج السيارة
فية خريطة للفيوزات مع ترجمتها

وهذا الرابط يفيدك

http://www.assayyarat.com/forums/thread234482.html


موفق

[باثفاندر]

فيه طريقة اني اصلحه بدون ما احتاج اروح للكهربائي



السلام عليكم ورحمة الله

نعم يالغالي تقدر تصلحه بدون ما تروح للكهربائي .. الإسبوع الماضي ضرب علي فيوز الولاعه ( الأمامية والخلفية )
وبحث بعلبة الفيوزات اللي بجانب بطارية السيارة ولا حصلت الفيوز المخصص للولاعه .. و سالت أحد الزملاء فقال تلقى الفيوز تحت ديكور الدركسون جهة اليسار ، وبالفعل حصلته و تم تغيره والحمد لله

مقاسه 15 امبير .. اللون أزرق


http://www.assayyarat.com/myimages/Mar11/bader_car_fuse11.jpg

صورة تبين الفيوز المحترق والفيوز السليم