باث فندر بعد تسكير لي الحار وشتغلت لمبه الايرباج

[وجعين]

السلام عليكم

باث فندر 2008 انكسر لي الحار البلاستيك حق المكيف ووصلت درجه الحراره النصف تم تسكيره بسده وهنا أتت المشكله طاح عزم الموتر وأخير عيا يمشي يشتغل تمام لكن بعد ما امشي عليه عشر دقائق يردى العزم وأخيرا يطفى تم إصلاح الماصوره ومازالت المشكلة مع العلم ان لمبه الايرباج مولعه مع بداية المشكله مادري وش دخله بلمشكله

[وجعين]

وين راعين الباث

[salih100]

سويت برمجه ؟

[salih100]

رح ورشةالثنايان بصناعيه 18 يعطيك العلم

[مهند 2009]

وعليكم السلام ورحمة الله وبركاتة

الماصورة البلاستيكية تنكسر مع الزمن بالاكستيرا والباث

المطلوب منك الان أنك توصل اللي دايركت بدون القطعة البلاستيكية (عشان تستفيد من الدفاية وبنفس الوقت يكون كلش بمكانة السليم )

حصلت معي باكستيرا ووصلت اللي مباشرة وكنسلت القطعة البلاستيكية وكلش تمام ماشاء الله

الامر الاخر شيك على زيت القير لايكون خالط والطريقة أنك تشوف موية الرديتر اذا فيها زيت أحمر مع رغوة أو لا . وشيك على عيار زيت القير ولونة وهل فية ماء ( نصيحة أعزلة أذا ما خلط لانة مع الزمن يخلط وحصلت معي)


أيضا أذا موترك ماشي كثير قد يكون مسكرات دبات البيئة رح فرغهن عشان مايخبط وهذا اللي يخلية يضعف ويطفى

[وجعين]

ماقصرتوا على الردود بالنسبه للقطعه البلاستيكية لحمته بلحام بارد الي يخلط وضبطت مويه الاديتر مابه خلاف وتعشيقات القير تمام وبرمجه ماسويت دبات التلوث ماشلتهن معقوله المشكله منهن الموتر هلحين لا شغلته تمام يقطع مسافه عشره كيلو تقريبا ثمن يطفي وأخيرا خرمس مره وحده وسطحته للوكاله أمس وحصلتهم مسكرين ومريت قبل العصر وشغلته اشتغل غريبه! المهم خليته عندهم وبعلمكم وش يصير عليه

[وجعين]

لكي يستفيد اصحاب الباث والاكستيرا اليوم طلعته من الوكاله الخراب طلع كتاوت+فيوز+ برمجه يعنى المشكله طلعت كهرب

[عابد-]

الله يجعلها آخر المشاكل.والنيسان مايترك عنه مشاكل الكهرب
ومشكور على طرح المشكله لكي يستفيد غيرك بارك الله فيك

[أبوشريدح]

الله يجزاك خير