المساعد الشخصي الرقمي

مشاهدة النسخة كاملة : تحويل قير تماتيك إلى قير عادي GXR 2001


مفضخ الشري
06/04/2014, 10:12 PM
السلام عليكم

ياشباب الله لا يهينكم ابي شوركم بورشة او مكان معين في الرياض يبدل لي قير لاندكروزر مديله 2001 من قير تماتيك إلى قير عادي وهو اللي يتكفل بالقطع و بكل شيء و كم التكلفه المتوقعه
واذا فيه احد سبق و حول قير موتره إلى قير عادي ياليت يعطيني انطباعه هل واجه اي مشكله معينه حتى نستفيد و هل دفرنس التماتيك يلزم تغييره او مايحتاج

ياليت الرد الله لا يهينكم يكون في نطاق الموضوع فقط ( لا تحول - تماتيك اريح - بعه ... الخ )

الموتر مسوي له صيانه شامله تحتي الموتر ومغير له مكينه 2009 نظيفه و من الوكاله وهو استعمال الوالد لكن ممشاه تعدى 400 لذلك في السوق بيعته ماتسوى التعب حق صيانته وتجديده من الى قلت اغير قير ذا دامي خابره و عارف وش تغير فيه وش انحط فيه من وكالته الى اليوم هذا و التماتيك جحش بالحيل واللي جرب بيعرف كلامي

مشكورين مقدماً
مترجم قوقل
06/04/2014, 10:43 PM
أخي الكريم حول وماراح تندم بإذن الله
لكن نصيحة ﻻتخليهم يجيبون القطع أبدا لأنهم راح يجيبون لك قطع مضروبة وتعبااانة بالحيل يعني حاول تجمعها بنفسك.
القطع الي تحتاجها: قير عايدي طبعا - طقم كلتش كامل مع العلب الثنتين والليات - وحذاف ورمان حذاف- دعسة كلتش وفرامل- باكم كلتش إذا كان نفس نظام النيسان-ديكور القير الداخلي. الدبل والعمدان أتوقع نفس اﻷوتو ماتحتاج تغيير.
توكل على الله والله يسهل أمرك وجميع المسلمين.
للمعلومية سبق لي التجربة لكن على شروكي طلع شئ ثااااااااني خاصة مع الدفرنسات المحشورة.:good2:
مفضخ الشري
07/04/2014, 12:33 AM
أخي الكريم حول وماراح تندم بإذن الله
لكن نصيحة ﻻتخليهم يجيبون القطع أبدا لأنهم راح يجيبون لك قطع مضروبة وتعبااانة بالحيل يعني حاول تجمعها بنفسك.
القطع الي تحتاجها: قير عايدي طبعا - طقم كلتش كامل مع العلب الثنتين والليات - وحذاف ورمان حذاف- دعسة كلتش وفرامل- باكم كلتش إذا كان نفس نظام النيسان-ديكور القير الداخلي. الدبل والعمدان أتوقع نفس اﻷوتو ماتحتاج تغيير.
توكل على الله والله يسهل أمرك وجميع المسلمين.
للمعلومية سبق لي التجربة لكن على شروكي طلع شئ ثااااااااني خاصة مع الدفرنسات المحشورة.:good2:

الله يبيض وجهك عز الله انك ماقصرت
تجميع القطع شغله وانا اخوك انا سمعت ان فيه تشاليح تفك من موتر مصدوم كل القطع اللي تحتاجها و تركبها في موترك و ياخذون الرجيع و كل شيء بالضمان طبعاً لكن ابي تشليح معين في الحاير اتوجه له و سبق لأحد جرب يغير قير جيب عندهم
بحثت في المنتدى مالقيت احد يفيدني بهالموضوع
x.ls1.x
07/04/2014, 11:19 AM
اذا تبي شوري وبتدخله تشليح غير الكلتش والصحن والعلب فوق وتحت بجديد لانها تعتبر قطع استهلاكية فلاتتعب مرتين وموفق
مفضخ الشري
07/04/2014, 03:43 PM
اذا تبي شوري وبتدخله تشليح غير الكلتش والصحن والعلب فوق وتحت بجديد لانها تعتبر قطع استهلاكية فلاتتعب مرتين وموفق

الله يعطيك العافيه كلام سليم وشكراً على تنبيهك

نحتااااج تشليح معين تخبرونه ياشباب
Ibrahim44
07/04/2014, 10:10 PM
اخوي انا لي تجربه نصيحه كل مازريت على الموتر بتفقع صوف العكوس كل فتره لانه يحشر دفرنسات وميزانية الكلتش لازم تضبطها انا صراحه مليت من الموتر وبعته مع انه كان بدي وكاله
ivi i3
09/04/2014, 04:17 AM
اخوي نصيحه لوجه الله لاتلعب بموترك

انا سويتها بجكسار ٢٠٠٣ وواجهت انواع المشاكل

واخرتها بعد ماطقت الكرونه والرجه الي مافارقت الموتر رجعته تمتيك وبعته

وإذا احتجت شي تواصل خاص
المنيعي1
09/04/2014, 02:00 PM
اذا ماغيرت الدفرنس احتمال يكون عزمه ضعيف يعني نفس عزمه بقير التمااتيك
لأن دفرنس التماتيك مريح ودفرنس العايدي شاحط
مفضخ الشري
09/04/2014, 04:37 PM
استخرت و شلت الفكره من راسي خصوصاً بعد كلام اخوي ivi i3 (http://www.mekshat.com/vb/member.php?u=184035)
بركب له هدرز يمكن يخف والله يعين