فزعه الله يرحم والديكم

[رمال الصحراء]

السلام عليكم ورحمة الله وبركاته
سيارتي من نوع في اكس ار وبركب كنود
والمشكلة ما لقيت مكان امد منه السلك من البطارية الى داخل السيارة بس ابي بدون تخريق لان كان عندي جي اكس ومديت السلك بدون تخريم اذا احد يعرف لا يبخل علي 00 00
وجزاكم الله الف خير
:j :j :j :j

[مدالنظر]

هلا مرحبا أخوي



أبا أقول لك عن طريقه تصلح لكل السيارات (مدام ما بعد جو أهل الخبرهـ):D



وهي أنك تسوق الكيبل مع طرف الكبوت (داخل ) ثم يطلع برا عند زاويه مراية الباب ثم يدخل للغماره



عاد الباقي مايبي له شرح

:p

من تحت الدواسات(بنزين والفرامل والكلتش) وترجعه للمكان اللي تبي تثبت فيه الجهاز..



والجود من الماجود





هذا اللي أعرفه



وسلامتك

[رمال الصحراء]

مد النظر
جزاك الله الف خير وماقصرت بس ابي كان فية طريقة افضل ياليت وشاكر ومقدر لك الرد

[مدالنظر]

والله يا أخوي أني عارف أن الشرح (لك عليه)
لكن الطريقه هذي حليله (مشّ حالك)
والميزه فيها (ماتبي ترهيم وشق وسدّ وأربط)يعني تمديد (خياطه)
وسهله , يقدر يسويها أي واحد ,, أيضاً سهلة الفك
لكن ترى مايبيّن من الكيبل الاّ بالحرف >>الزاويه
اللي بين الكبوت والباب (السواق) يعني ماينكشف من السلك الاّ 2 سم تقريباً


ودي أن الشرح بالصور
:( :( :(
لكن الشكوى لله
حالياً ما ناب لمّ الموتر ولاحوله
وحبيت أشارك بالطريقه اللي أعرفها
وأنا متأكد أن الأخوان بيفيدونك بطرق أفضل وآمن
وبالصور أن شاء الله

والعذر والسموحه

سلااااااااااااااااااااااااااااااااااااااااام

[رمال الصحراء]

الله يطول عمرك على طاعته ومرة ثانية ماقصرت والف شكر وان شاء الله اول مطلع من العمل بدخل السيارة داخل البيت وسويها إلين القى طريقة ثانية ولا نمشي على الطريقة ورب البيت كريم والف شكر مر ثانية والله يجوزك

[عجمي]

وعليكم السلام

هلاوغلا برمال الصحراء

فية ربلة صغيرة بالكبوت تحت علبت الفرامل والكلتش وداخل عن طريقة اسلاك للطبلون وغيرة هذي ممتازة

وبدون تخريم او فك ... مجرد تحط السلك مع بقية الأسلاك


اخوك عجمي