استفسار رفع الهايلوكس

[ا ل ح]

السلام عليكم
انا معي هايلوكس 14 بدون دبل و ودي ارفعها 3سم تقريبا وش الطريقة مع العلم اني جربت الكعكات وارتفاعها ممتاز لكن مطبها صار قوي لان الياي صار مضغوط طبعا التجربه علئ كفرات هانكوك 225/70 جنط الوكاله
افيدوني اذا بغير جنوط وكفرات 215/75 هل تكفي عن رفع الموتر طبعا الاستخدام في الارض المنطرحة و الحزوم الخفيفه يعني مافيه طعوس ابد
ودمتم سالمين

[111333]

السلام عليكم ورحمة الله وبركاته
اولا ياخوي الهايلوكس ماترفع بكعكات لانه سست مهب ياي
ثانيا طرق الرفع كثيره منه جلد بين السست او تركب لعاب او تقوس ...
وان شاء الله يفيدونك الاخوان اكثر

[ذيب سايه]

روح للمحلات اللي يبيعون فيها سست التريلات ويرصصونها وزي كذا ، راح تحصل عندهم مكينة تقويس قوسها عندهم وقله ابيها ترتفع ٣ سم وتكلفك تقريبا ١٥٠ الى ٢٠٠ .

وفيه طريقه هي اللي يسمونها اللعابات اللي تمسك السست بالشاصي حق السياره ، فصل عند الحداد وحده بنفس سماكتها وتكون قويه لازم وعاد خليها اطول من حقت الوكاله ب ٣ سم وراح ترفع لك بدون فك وتركيب السست وقروشتها .. واشوف ان الطريقه ذي افضل وأريح ..



دعواتك ..

[ابو فهد...]

الرجال يبي يرفعها من قدام
دور لك ياي استرالي مستعمل وركبه
واذا كنت تبي ترفعها من ورى قوس

[ا ل ح]

المشكلة في الرفع من قدام ولا من ورئ الامر بسيط
شاكرا لكم افادتكم
اخوي ابو فهد الله لايحرمك الجنه بس سعر الياي كم تقريبي

[ابو فهد...]

جديد يرفع ٦ سانتي ويطلع شكل الموتر حق مهابيل وسعره جديد ٥٥٠
والمستعمل من ٢٥٠ الى ٣٠٠

[اسدهم]

طيب لو تركب ياي مرسدسات والخلفي اشقلة بلعابات
بس علا فكرة بيقل التوازن الموتر كل مارتفع قل توازنة حطها في بالك راح تفقد اتوازن يعني لو كنت تمشي سرعه 120 وقابلت تريلة او تيار هوا بتحس فية

[ا ل ح]

اهم شي التوزن لانه احيان امشي بسرعة 100 الى 120 في البر
والله احترت ما أدري بس فيه واحد يقول ركب كفرات 215/75/15 جنوط مرسيدي فهل هذا الطريقة مجدية

[بن حجي]

ارفع السيارة من قدام بكعك ودبّل مساعدات عشان التوازن (يصير متماسك ) وعندك ورشة مرات في الصناعية القديمة حول الميازين البادية واليرموك لان الكفرات ماراح تفرق فرقٍ واجد والله يدبر لك الصالح