ارتفاع الحراره

[fawwz]

السلام عليكم كيف الجميع جعلكم بخير ونعمه يارب :
انا سيارتي هايلكس موديل 97 .ترتفع حرارته مع المكيف اذا كانت واقفه بس وهي ماشيه ماشاء الله زي الحلاوه .كل شي غيرته بلف +رديتر+خرطيش+تمتيك مروحه.وابي فزعتكم ياشباب .

[صياد جنوبي]

اذا الحراره توصل للثلث فقط وتقف فهذا شي طبيعي اما اذا وصلت النص اكيد فيه مشكله

اذا وضبت السياره قريب فهذا يعني من وزن البلوف او السبايك مشدوده او الديلكو مو موزون اكيد الشراره متاخره والديلكو مو بالنص

اذا صلحت كربريتر قريب تاكد ان صوت السياره يرتفع مع المكيف عشان يزيد الظغط ويزيد التبريد بسرعة المروحه

اذا كنت خارط المكينه اكثر من خمسين فهذا طبيعي بالنسبة للسياره المخروطه

اذا كنت مسحت الراس حق المكينه برضو هذا يسبب الحراره مع المكيف

[fawwz]

يعطيك العافيه اخوي .بس المكينه ما شاء الله ما فكيته من بلده ماشاء الله .وامس رحت لمكانيكي وشاف السياره وقالي انت عندك ضغط الهواء مع تشغيل المكيف عالي هذا هو الي يسبب لك الحراره .ونقص من هواء حق الدعسه .وقالي جرب وشوف .

[مسير عليكم]

الوضع طبيعي ولا توسوس اول شي لاشغلت المكيف يرتفع الضغط ولا ينزل لان فيه حساس لا اشتغل يرفع الضغط ار بي ام شوي اذا انبير تحت الواحد بشوي يصير فوقه بشوي وهذا دايمن يخرب وقيمته حوالي 600 ومادري تلاقيه او لا انا حليتها بفلسفتي رفعت الضغط شوي خليته بدال ما يوقف علي الخط حق الواحد خليته فوق الخط بشوي وثاني شي ركبت مراوح كهرب بدال الميكانيكيه ومروحه في صدر وري الشبك وثالث حاجه بلف الحرار ركبت حق ددسن الهايلكس 88 درجه والددسن 76
واخيرا الله يعينك وترا الوضع طبيعي اي سياره لمن توقف وتبطي واقفه بالمكيف تحتر خصوصن القديم فلا توسوس وتخسر

[بدوي جنوبي]

المفروض تسئل قبل تغير عشان توفر دراهمك

الوضع طبيعي اغلب السيارات كذا

[ابو رامي الجو]

شف اخوي شغلتك بسيطة ونظف الرديتر من جوا عند الي يصلحونهن ومن برا عند البنشري بالهواء وغير الماء حط اصلي و لاتشغل تفكيرك وحرارتها ما تستدعي القلق