مشكلة استهلاك الوقود في البترول99

[u.d.]

ما اسباب استهلاك الوقود بشكل غير طبيعي في البترول 99؟

[بدوي جنوبي]

اسباب كثير

اذا نظام الحقن كربريتر يكون صرفه اكثر من البخاخ

ولازم تتاكد من
اى قطعه لها علاقه بناظم الوقود
مثل بواجى واسلاك وفلاتر وغيرها

واهم سبب كل ما اصبحت السياره قديمه يزيد استهلاكها للوقود

[وجعين]

الباترول من طلع وهو فيه عيب مصنعي بأستهلاك الوقود من الموديلات القديمه وانت طالع أصلا اول ماتشغله وهو يطلع عقد بنزين مع الشكمان يكب كب بنزين غير مستهلك وسأل اي شخص معه باترول يقولك ذبحني بالصرفيه نظام حقن الوقود فيه خلل سبق سوينا تجربه قديمه ايام التسعينات رحله من القصيم الى الحفر الى شمال المملكة في باترول موديله بالتسعينات ماذكر بظبط وكذالك كابرس صابونه على وقته طلع فرق غير طبيعي لصالح الكابرس رغم انه 8 سلندر الباترول كل ماشف محطه التفت عليها هههههه

[ابوكشتات]

طبيعي كل سيارات نيسان تصرف بنزين والغريبه الى الآن الشركه ماكثفت دراساتها لها الموضوع

[قناص2000]

انشهد بالله انه يشرب البنزين شرب العمى ودق تحط على ظهره شيب بنزين؟

[الشقررردي]

اهلكني الله يهلك شركته
يشرب شرب الويل
غيرت له اصلاح كمبريتر وبويبينه وبواجي وبليتين
ومع كل هذا للحين يصرف مدري وش الحل معه

[بدوي جنوبي]

والله كرهت انى احركه من كثر ما يشرب بنزين
صار له ميزانيه خاصه في الشهر
هذا عيب الجيب

[ابوحفصه]

ركب كربيرتر التماء بس بيطيح العزم شوي

[alwali]

هذا عيبه الشرعي

[sgl2002]

الباترول الكلبريتر حتى مديل ٩٧ يصرف صرف عجيب بالبنزين


اما من ٩٨ بخاخ صرفيته عاديه جدا زي اي جيب يعني الصافي يمشي ٥٠٠ كيلو تانكيين


اذا مايوصل ٥٠٠ كيلو اقل شي عندك معناته عندك اكثر من حاجه اولها صفاية البنزين والبخاخات

[sgl2002]

طبيعي كل سيارات نيسان تصرف بنزين والغريبه الى الآن الشركه ماكثفت دراساتها لها الموضوع

جرب الجدد من 2002 وفوق


ومهما كان تراه جيب

[u.d.]

بيض الله وجيهكم على الردود الطيبة

[abarre3an]

من 2002 مثل ماقال اخونا SGL2002

مايصرف . او صرفيته مثل اي سيارة ثانية وافضل بعد...
انا عندي فتك 2004 يمشيني الى 480 على توليعة لمبة البانزين...يعني يوصل اكثر من 500 كيلو وهذا بالتانكي الكبير فقط... على سرعة 130 الى 150... يتخللها بعض الردميات والزفلت داخل المدينة...
اتوقع لو امشي 120 ثابت...يمكن يمشينن بالتانكي الكبير الى 570 كيوا...ودمتم سالمين...

[بدوي جنوبي]

الاحظ ف ااخط الطويل كويس وما يشرب بنزيم ..
لكن داخل المدينة يشرب شرب الويل
ويكربن ويقطع تفتفه

أرسلت من GT-I9082 بإستخدام تاباتلك

[sgl2002]

الاحظ ف ااخط الطويل كويس وما يشرب بنزيم ..
لكن داخل المدينة يشرب شرب الويل
ويكربن ويقطع تفتفه

أرسلت من GT-I9082 بإستخدام تاباتلك

رح لابو صالح التركي وحوله بخاخ ويتغير عليك 180 درجة

[abo naser 1]

الصرفية تعتمد على صفاوة الموتر

95 4200 كربريتر ديلكو عادي يمشي بالكثير 300

98 4200 كربريتر ديلكو اكتروني ماشاء الله يمشي الى 600

99 4500 بخاخ يمشي 600 تانكيين

كلها تعبا بنزين 95

والصرفية تختلف بين الموتر خاصة الكربريتر

[بدوي جنوبي]

رح لابو صالح التركي وحوله بخاخ ويتغير عليك 180 درجة

لو حطيته ف راسي احوله بنفسي صدقنى
لكن ما احب شغلات الترهيم خاصة ف الكهرب :good:

[ابومحمد vxr]

خف رجلك عن الدعسه ولايصرف
اذكر عندنا ونيت فورد بخاخ نروح عليها للنفود
إذا كان الوالد يسوقه يادوبه يوصلنا وإذا ساقه اخوي ابد مايروح الا نصف التانكي الرئيسي

[اليامي قطر]

افضل حل ركب مكينه شاص تويوتا وريح بالك واقلع مكينته التعبانه

[محسن اليامي]

اسباب كثير

اذا نظام الحقن كربريتر يكون صرفه اكثر من البخاخ

ولازم تتاكد من
اى قطعه لها علاقه بناظم الوقود
مثل بواجى واسلاك وفلاتر وغيرها

واهم سبب كل ما اصبحت السياره قديمه يزيد استهلاكها للوقود


نفس ماتفضل به اخوي بدوي جنوبي

[بدر ابو علي]

من وجهة نظري الباترول البخاخ افضل في جميع الموديلات جرب الباترول بخاخ راح ترتاح من الصرفيه ومشاكل الكربريتر

[مفضخ الشري]

مكينه ضعيفه 6 سلندر 16 بلف 197 حصان للبخاخ و 171 للكربريتر على وزن الباترول اكيد بتصير تصرف سواءاً بخاخ او كربريتر
سقط له مكينه فكسار 8 سلندر او تويوتا 6 سلندر ارخص و ريح ان ماكنت ناوي تبيع او ماعندك سيوله لموتر اجدد