يمكشات جملوني بخويي سيارته تاهو به مشكله

[عبقري91]

السلام عليكم. هذا موتر خويي. ورجال عاقل وهادي بسواقه. وكل ورشه تتفلسف عليه. ويقول بوديها للوكالة. قلت الوكاله. بيلطعون السياره. وبينصبون عليك. يايغيرون كل شي يا. يقولون صلحة وهي. ماحتى اشتغلو فيها
قلت اكتبلي وش فيها. والذيابه مكشات بيجيبون العلم
والكتابه. كتالي
العله اول ما احرك السياره تسمع صوت كائنك رقاي مطبات عيون القطط المتكرره واذا استمريت في الممشى فجئه يمسك فرامل من نفسه وعلى اي سرعه بعدين ناس قالو القير وناس قالو الدفرنس وناس قالو رمان بلي واحد قال الباكم يمكن يقفل وينفتح ولا ادري وش هو المشكله
تاهو 2012 قصير. دبل. لم يحصل له حادث ولله الحمد
الموقع. الرياض. شفولنا العله ولا ارسلوني ورشه

[بدوي جنوبي]

عليكم السلام

اعتقد السياره باقى على الضمان
مالك حل الا الوكاله
لازم يكون عندك علم بتحديد الخلل وكيفية الاصلاح
والقطع اللى ببتغير

[كاشت وحداني]

هل هو متاكد ان المسكه مسكة فرامل ولا القير يرجع لنمره ثقيله


iPhone بإستخدام Tapatalk

[عبقري91]

يعلني ماخلا منك ي بدوي جنوبي انت راع الوله
والله يجزاك خير. بس خارج اضمان

[مضارب سيارات]

نظام مانع الانزلاق

خله يفصل اصبع البطارية السالب لمدة نص ساعة

[وجعين]

الموتر توه جديد ماظنه رمان بعدين الرمان يطلع صوت قبل يعض القير اذا خرب ما يسوي ها الحركه بلعكس يبدى يفضي الدعوى متعلقه بالفرامل والله اعلم او الجلنط الموتر دبل ولا عايدي

[hightech]

المشكلة الاولى ماهي مشكلة هذي معي ومع الكثير من ملاك التاهو اول ما يمشي يطلع صوت

مثل ماقلت وهو ناسي اسمه يعلمك انه اشتغل :p

الثانيه مسكة البريك بعد نفس الشي معنا خاصة اول ما يمشي او بعد مشاوير طويلة وتصير

معي اذا فلتر الهواء وسخان ومتسدد من الغبار يعني الموتر مهوب صافي

بس عاد اذا انه يمسك بريك بسرعات عاليه عاد هذي ماقد مرت على وأتوقع والله اعلم ان

المشكلة بسيطة ياحساس ياشي سهل ان شاء الله

اسمع عن ورشة المشعل في الصناعية وكثير يمدحونها لكن ماعرف العنوان لآني ماقد جيتهم

[hadaj]

مثل ماقالو الاخوان افصل الاصبع ورجعها وإن شاءالله يضبط

[مخ سعودي]

أفضل فوزABSويجربه ويتأكد أن مافيه ونه بالدفرنس وهل الدبل مفصول

[الشاامخ]

شاشة شريط المعلومات تطلع اي خلل في الموتر

[حمزةعبدالمطلب]

يالغالي تاكد من الرمانات لاتقول جديد يمكن خربانه
تاكد من الكليبرات نظيفة واقمشتها
تاكد من قسامات ليات الفرامل لايكون فيها برادة حديد
تاكد من تفريغ الهواء جيدا عند مختص لان في حالة وجود هواء وموجود فيه نظام abs الهواء يفك بستم الكليبر والزيت يضغطه على القماش فجآه وهذا الارجح

[alwali]

الضمان الى ١٠٠ الف
ولو خارج الضمان وده الوكالة هم ابخص فيه
صارت معي مثل مشكلتك وطلع من الهاند بريك لما تفك مايفك معلق
ولما تمشي يرجف ويوقف ومحد حلها الا الوكالة