استفسار عن اللعاب للسست

[حبل الوريد]

السلام عليكم ورحمة الله
مساء الخير جميعاً
يا وجيه الخير عندي الشاص له 11 ريشه سحبت 3 من الجهتين
مطبه صار زوين لكن نصبته ووقفته ما جازت لي
رديت اركب الثلاث وانا حاط الريش عن حلال الوالد لقيت كم ريشه مركاب للنار :) وكم ريشه ضايعه ف يخلف الله علي بهن
مدري قلت اركب طقم جديد من التشليح بس مدري كم اسعارهن ؟
واحد من الشباب شار علي باللعاب اطوله !!
مدري الصراحه هل اللعاب ثقه غير حق الوكاله يتحمل نفس حق الوكاله
ولو جاه تحميل وما شابه خوفي يجنح ولاش ؟ اذا تشوفون فكرة اللعاب ممتازه
$ شيرو علي كم مقاس اللعاب من سنتي حتى ارجع وزنة بلاده من ورى
ووين الورش الزينه الي تضبطه لي بالقصيم

[ابوحمدq]

حياك الله يابعدي
بالنسبة للعاب انا مركبه على هايلكس 17 سانتي وممتاز بالحيل يرفع الموتر رفعه طيبه
بس اكيد الشاص يختلف طوله عن الهايلكس
اما بالنسبه لقوته فعلى حسب الحديد انت لا تاخذ الا حديد قوي شوف عينك
والورش اغلب الورش تركب على حسب علمي وفوق كل ذي علم عليم
والله اعلى واعلم

[راعي الرود]

فيه هندي بالصناعيه اسمه ابراهيم معروف متخصص بأمور السست والترفيع ورشته حول ميزان البلاد المشكله اني ناسي الوصف بالضبط مبطي عنه
و جنبه محلات قطع غيار متخصصه بالسست كثيره منها بالبيد للسست اسأل عن بالبيد للسست ترا ورشه ابراهيم حوله نصوح ويشتغل بذمه و من يوم تقبل على ورشته بتشوف الربوع والهايلكسات والشيصان عند ورشته
يجيب لك اللعاب المناسب

[جنيفاوي 503]

لاتركب لعاب اطرق السست

[عادل adil]

اشتر سست نصيحه لوجه الله لأن اللعاب راح يخلف عليك توازن السيااااره خذ الكلام من واقع خبره اما من ناحية تحمل اللعاب فهو يتحمل بس زي ماقلتلك التوازن بيروح عليك خاصه من الخلف ومع الفرامل واللفه .

[حبل الوريد]

الظاهر النيه صفت على طقم سست
بروح لتشاليح بريده مع اني خابر اني منب لاقي
كثرة تشاليح على قل بركه

[سحب ممطرة]

إلا بسألك مطب الشاص نفس الهايلكس ولا أقوى ؟؟

[عادل adil]

هههههههههه ويييييين مطب الهايلكس يعتبر سييرا عند ال11 ريشه

[حبل الوريد]

الهايلكس الغمارة كانت معي مطبه يرفع الضغط مدري ليه لكن موب اقوى من الشاص



المهم كالعاده هههههه رحت تشاليح بريده ويالله لقيت اثنين واحد يقول ٢٠٠٠ ريال بدون رجيع وثاني يقول ١٣٠٠ وعطني رجيع سست موتري هههههههه
مدري انا اصحكه بالسست على حنوكه !! اجل سست ب ٢٠٠٠ !!
شكلها دفرنس ولا قير !

يبيلنا خطمه لتشليح الحاير ابرك وارخص

[جنيفاوي 503]

رح للورش اللي يرفعون المواتر وخله يطرق الستت ب100 ريال ولا المقاس اللي انت تبيه وان كانت تبي سست فيه محل في الصناعية القديمة يبيع سست امراتيه لكل المواتر وسعره حليو