- الطريقة المناسبه لتخزين الدافور في الصيف

[سقم المعادي 1]

اقلط حياك
.
.
.
.
.
.

السلام عليكم ورحمه الله وبركاته


ماهي الطريقه المناسبه في تخزين الدافور صيفاً ؟

خصوصاً اذا كان به غاز النصف او الربع تقريباً ؟

هل يتم فك الراس فقط ؟

او يلزم تفريغ الغاز باستخدامه للطبخ الى ان يفضى ؟

او ماهو الحل الاسلم خصوصاً لمن يخزن عدته و ادواته في مخزن في حوش و في وقت الظهر بيصير مثل التنور :)


.
.
.
.
.
.
.

[زيــآدِ]

الحل الاسلم للتخزين وقت الصيف تخليه فاضي بدون غاز

واذا جاء وقته عبه غاز ما تكلفك تعبئة الغاز شيء ...

[جيب ربع]

اتوقع لو خزن في غرفة بعيد عن الشمس وحتى لوكان معبأ مافيه مشكلة
أهم شي لايكون داخل السيارة والسيارة في الشمس

[موادع 1]

اوافقك الراي اخوي جيب ربع

وهذي طريقتي من سنين

[كباس]

يالغالي خله فاضي ابرك واسلم

[ابوعثمان2]

.
انا اعتقد انه عادي داخل المخزن ، حيث أننا نضع اسطوانات الغاز في الشمس وايضا خزانات الغاز تكون في الحوش تحت اشعة الشمس :s
اتمنى النقاش بدليل علمي او منطقي نريد الاستفادة منكم!
http://www.alyaum.com/News/files.php?file=2012/gaz3_318167748.jpg

[ابو بتااااال]

مشكوووور والله يعطيك الف عافية

[جيبي جايزلي]

اهم شي لا يكون في محل مكتوم وطبيعي مليان اوفيه النصف

[موادع 1]

للمعلوميه يابو عثمان وللجميع
شركه الغاز لا تقوم بتعبئه الاسطوانه بشكل كامل
كما نعمل نحن عند تعبئه الدبات
يمكن يخلون ربع او ثلث الدبه فاضي

وانا الله يجيرك نعبيه لين يمتلي

ولو تلاحظ خزانات الغاز الكبيره ماتعبيها الشركه
بشكل كامل ابدا ابدا يخلون فراغ للامان

هذا ما لدي وفقكم الله

[سقم المعادي 1]

يعطيكم العافيه جميعاً

لكن من ناحيتي لا أظن ان مواصفات الدافور مطابقه لمواصفات دبات الغاز المنزليه فـ دبات الغاز مصنوعه وفق ضوابط و مواصفات سلامه على اعلى درجه و نادراً مانسمع عن حدوث مشاكل بها
عكس الدوافير اللي في غالب تكون من شركات ربحيه و تكون مواصفات السلامه فيها اقل تكلفه لربح اكثر

اتمنى شركه الغاز الوطنيه تصنع دوافير مطابقه لمواصفات السلامه المعترف بها لدينا حتى نرتاح من مشاكل الدوافير
والله الواحد صار يخاف من الدوافير بعد المشاكل اللي صارت السنه هذي صرت اطبخ و الدافور بعيد بما لا يقل عن 15 متر !

[اسدهم]

واللة من عرفت الدوافير ماتفضي نهائي وجادعها في المستودع يجي 4دبات اطالي غير 3دبات البيت كلها مليانة نقول لو قظي غاز البيت ونت في العمل ولا عندك سواق وش اسواة يعني يتجيب معاك ونت طالع من العمل حبة بخاري علا الفحم
الدفور يحل محل الدبة الفاضية وقت وتعبيها الين تروق وتقيل لين العشاءهمن تروح تعبيها وترجع الدافور محلة

[مكشاتي غييير]

سلام

لاتقارن بين دبه الغاز الصغير بالكبيره لأن الكبيره تستحمل 16 بار ويعبوها 9 بس عشان تستحمل الحراره والارتاطام والحوادث والانقلابات اما الصغيره تختلف جودتها و صناعتها وتحمله لاذالك يجب التعامل معها بحذر

[Hagaanaf]

البرميل التابع لشركة الغاز وان كان مليان ماعندك مشكله فيه تحطه بالشمس بالظلال ماكو مشكله ، وان بغيت ترميه بأم صتمه وهو بالشمس لن يتأثر
الموت الأزول بالدبات الزرق ( ايطالي ) ( اسويدي ) ( هندي ) ( صيني ) هذولي إذا صارن مليانات مالهن الا الفريزر ( :D )
قصدي يكونن بعيدات عن مصادر الحراره سيكون افضل وآسلم

[عاشق ابوعزيز]

يارجال اذا كان مغطى الدافور بجرابة باذن الله مامنه خوف

[ذيب الحشو]

مغطى بجرابه مامنه خوف

[اصيل نجد]

اهم شى ياجماعه ان الدبه ماتتعرض للحراره الزائده المباشره خاصه والله ياعندي مستودع مليان بس ماخليها مليانه ماعدا دبتين فقط جننب العزبه ... ربي يحفظ المسلمين من كل شر

[(هزاع)]

اهم شى ياجماعه ان الدبه ماتتعرض للحراره الزائده المباشره خاصه والله ياعندي مستودع مليان بس ماخليها مليانه ماعدا دبتين فقط جننب العزبه ... ربي يحفظ المسلمين من كل شر

:good2::good2::good2:

واضيف ايظا

لاتشترون الا الاصلي

الصناعات الرديه هي اسباب الحوادث

من عرفت نفسي والدبات موجوده عندي ولا اشتري الا الاصلي وخزنهن طول الصيف بالمستودع

اهم شي الحراره المباشره

[مفضخ الشري]

يا اخوان الحذر واجب انت لاتسكن البيت وحدك اكيد معك عائلتك و جنبك جيران لو حدث شيء لا قدر الله .. الله يحمانا وياكم قد يتضرر اهل البيت و البيوت القريبه بسبب استهتارك بوضع الدافور في الحوش حتى ولو لم تكن اشعه الشمس مباشره عليه الحرارة بالقيض تصل إلى 40 درجه احياناً في الظل وهذا شيء يجب اعادة النظر فيه!!

[بدران الدوسري]

أنا أشوف والحامي الله سبحانة

أغلب الانفجارات بسبب المكان المكتوم ( مثل السياره بدون ماتنسم الدرايش )

اما في الضلال وفيه نسايم هواء شوي أن شاء الله ماعليها

والنوعية لها دور طبعا


حمانا الله وجميع المسلمين من الشر

[مكشاتي مدني]

انا مرة حكى لي واحد بمحل مستلزمات الرحلات يقول ان الدوافير اللي تجي من الخارج مستوردة مافيها اللي يسمونة بلف امان بسبب عدم صرامة هيئة المواصفات والمقاييس ويقول لي ان فية دافور في استراليا يوجد فية صمام امان من بلادة وحتى لو تعرض لحرارة لاينفجر عكس الدوافير الموجودة بالسعودية بدون صمام امان هذا كلام رجل خبير وصاحب محل رحلات بالرياض