الفزعه دبل الجي اكس ار

[شايف نفسه]

السلام عليكم ورحمة الله
اسأل الله العظيم ان يحرم وجوهكم عن النار
في هذا اليوم المبارك
امس بالمعرض ونويت اشتري جيب
وفحصته وهو جي اكس ار 2000
الموتر طيب ووديته لمركز فحص
وفحصه لي وقام يمدحه من كثر المدح حسيت
انه راعيه وانه معه له سنين
لكن نقدت عليه بحاجه مع انهم يقولون طبيعيه

لاعشقت الدبل الخفيف احس الموتر ماسك
كانه محجر ولا رفعت رجلي عن البنزين يهدي
مع العلم ان العكوس مافيها صوت

وتبين بزياده اذا حركت شوي وفضيت الموتر
يمسك على طول وياقف كانك حاطن رجلك على الفرمله
نص مسكه

ابي مساعدتكم لاهنتوا اللي مرت عليه هالحاله
او عنده خبر منها لايبخل علينا
وجعله في موازين حساناتكم

[وااضح]

نوع القير؟
موقعك وين ؟

[شايف نفسه]

القير عادي
موقعي بريده

[الدوسري2010]

انت شاري شاري دور المضبوط

[الفين6]

اسمع بالعلم
تأكد من مقاس الكفرات اللي قدام واللي وراء
اذا ماهن نفس المقاس يسوي نفس الحركه ولا يفك الدبل احياناً الا بالريوس
واذا مقاس الكفرات واحد
حاجه من ثنتين
١- يا اما فيه فضاوه بالكرونيا اللي قدام والعكوس
٢- او مركّب له كرونيا ازود سنه او انقص سنه من الوكاله
توضيح لأكثر سنه او انقص سنه
بعض الكرونيات تجي عددها ٣٧ سنه والبنيون ١٠
وبعض الكرونيات تجي عددها٣٩ سنه والنيون ٩
ما ابغا ادخلك بمتاهات
اذا مسكه خفيف وتقدر تفك الدبل بدون رجوع ترا هذا عادي ويضبط مع كثر الاستعمال
اما اذا كان قوي وصعب تفكه الا بالريوس ينطبق عليه كلامي هاللي فوق
ارجو اني وضحت الك وافدتك
تقبل مشاركتي

[الا سير]

انت شبكت الدبل بالصحراء ولا على الزفلت
والتحجيرة تجي يوم تلف ولا والجيب يمشي طول

[شايف نفسه]

لاهنتم على تفاعلكم
وكلامكم على العين والراس
والله الموتر ما ادري عن كرونته
بس خوفي ان المشكله كبيره
وفيه حاجه ماذكرتها
وهي انه لاهدا وبغى ياقف فيه حكه خفيفه نفس حكة فحمه الفرمله لا خربت

واما بالنسبه للكفرات كلها نفس وكاله ونفس المقاس
وفحصي له لاصار يمشي سيدا عدال
على الزفلت
والموتر والله راغبه بس هالحاجه ردتني عنه
والله يكتب الخيره
مشكورين جميع على تفاعلكم

[شايف نفسه]

الاخ الفين مشكور على هالمعلومات القيمه
وفعلن مثل ماقلت عشقته اكثر من مره مايفصل الابالريوس

[اليامي قطر]

يالغالي اذا الموتر مرفع مهما كانت الجهه من الخلف او الامام

مايظبط الموتر ولاتطلع النتيجه عدل لا بالمشي ولابالدبل

وكلامي هذا من تجربه على موتر اخو اللي عندك جي اكس 2000

وفالك التوفيق ان شاءلله

[ابومحمد vxr]

الفين 6
اعطاك شرح كامل مشكور
رايي جميع الجيوب الدفرنس بالذات يجي فيه ثقل وخاصه إذا لف مع العلم سبب الثقل للفه الدركسون خراب ركبة العكس والسعر للوحده فوق الالف وثقل الدفرنس اسبابه كثير ومنها كفرات البالون اوتركيب كفر اكبر من كفر واعطال في التروس او الرمانات والفرارات تؤثر اما مسئلة تغير التروس فيكون فيه مسكه للكفرات اللي قدام اواللي ورى ايهم صار اخف زحف
وماعليك اهم شي يكون بدون دبل ممشاه زين ومافيه رجه واحسب حساب تغيير دفرنس كامل ونقص من سعره

[ابومحمد vxr]

الفين 6
اعطاك شرح كامل مشكور
رايي جميع الجيوب الدفرنس بالذات يجي فيه ثقل وخاصه إذا لف مع العلم سبب الثقل للفه الدركسون خراب ركبة العكس والسعر للوحده فوق الالف وثقل الدفرنس اسبابه كثير ومنها كفرات البالون اوتركيب كفر اكبر من كفر واعطال في التروس او الرمانات والفرارات تؤثر اما مسئلة تغير التروس فيكون فيه مسكه للكفرات اللي قدام اواللي ورى ايهم صار اخف زحف
وماعليك اهم شي يكون بدون دبل ممشاه زين ومافيه رجه واحسب حساب تغيير دفرنس كامل ونقص من سعره

[شايف نفسه]

لاهنتم
والله يكتب الخيره

[الفيصلْ]

انت شبكت الدبل بالصحراء ولا على الزفلت
والتحجيرة تجي يوم تلف ولا والجيب يمشي طول

تاكد من كلام اخوي الاسير ترى في البر الموتر في ثقل بس مو مزعج
بس على الزفلت يكون ثقيل

[ذيب سايه]

ياخوي ترا الجيب لازم فيه ثقل اذا عشقت الدبل ،

لاتشيل هم ذي طبيعيه ان شاء الله ، اهم شي جرب الدبل في طعوس او اي شي اذا شغال ولايفصل توكل ع الله واشريه .

[sgl2002]

ياخوان الدبل الخفيف اذا شبكته ع الزفلت مايثقل الموتر ولاتدري عنه الا اذا كسرت الطاره ولفيت

[سقم المعادي 1]

ياخوان الدبل الخفيف اذا شبكته ع الزفلت مايثقل الموتر ولاتدري عنه الا اذا كسرت الطاره ولفيت

اضم صوتي لصوتك :good2:

انا معي اخو موترك 99 جكسار قير تماتيك و شغلت الدبل الخفيف ماحس بأي فرق بالموتر الا اذا كسرت الطارة للاخير ودعست بيرج الموتر وهذي طبيعيه و بالعكس تدل ان الدبل سليم

بالمختصر الموتر اللي معك مهب طبيعي فيه بلا و مدري شلون اللي فحصه لك ماطلع العيب اللي في الدبل المفروض ترجع لهم لأن مراكز الفحص تعطيك مهله 30 يوم اذا طلع شيء مخالف لما تم فحصه هذا بالرياض طبعاً البريدي و الغروب وكارتك مدري عن اللي بالقصيم

لا تسوي شيء بالموتر لين تروح للي فحصه لك قبل تشريه و ان شاء الله سهالات

[abualzwaid]

ياخوان الدبل الخفيف اذا شبكته ع الزفلت مايثقل الموتر ولاتدري عنه الا اذا كسرت الطاره ولفيت

انا معك الدبل الخفيف لا يثقل الموتر وتحس به عند الانعطاف يمين او يسار في سيارات تويوتا اما السيارات الاخرى لا تحس به
اخي شايف نفسه :- اعتقد المشكلة في رمانات الدبل شكل صاحبه ما يستخدم الدبل بكثرة ومسك فيه صداء في الرمانات مع الاستخدام يصير عادي وخاصة اذا فحصت الزيوت في الدبل وتشحيم عمود الدبل والعكوس 0
اذا سعره معقول توكل على الله وان شاء الله يعطيك خيره ويكفيك شره

[ابوراكان تبوك]

بالعكس اخوي الموتر سليم ومافيه الا العافية كل الجيوب القير العايدي كذا على الاسفلت اذا كانت العكوس موشكه او فيها نص عمر


اخذت جيب ربع نفس المشكلة مع الدبل الصغير يوقف ع الاسفلت وكديته ثلاث سنوات لين بعته



مشكلته عكوووووووووووس مثل ما قلت لك مستهلكة بس مو كثير