وين مكان شارع الريل بالرياض

[المدار المدمر]

السلام عليكم

اخواني وين مكان شارع الريل بالرياض

سمعت ان عنده عدة مفكات وسكاريب اصليه وانا ان شاء الله جايه من حايل

ابي التوصيف يكون من طريق الملك فهد او العليا او الملك عبدالله او خريص لان هذه

الشوارع اللي ادلها

بارك الله فيكم

[بلحارث]

نصيحة خذ ليموزين وخله يوصلك لان الشارع المواقف فيه صعبة والشي الاخر حاول انك تروح الصباح او العصر وترى محلاته تقفل بدري وسلامتك وعندك محل اسمه الفانوس هو الافضل وانتبه من المحلات الصغيرة اللي فيها بنغاليين لانهم غشاشين

[المدار المدمر]

بارك الله فيك اخوي بلحارث

ودي اروح بنفسي اتمشى واشوف وعلى مهلي ولو اوقف بعيد واجي مشي عادي

الله يعافيك على اسم المحل باذن الله راح امره لمن ودي بالوصف

[سبيل الرشد]

أبعطيك وصف الطريق اللي أنا أروح معه ، لعله يكون واضح .
أنت على طريق الملك فهد وجهك جنوب ، قبل سوق عتيقة للخضار ( للمعلومية السوق في جنوب الرياض ) ، بيجيك مخرج شارع المدينة ارق معه ورح يسار ف بيكون وجهك شرق . امش إلى أن يقطعك شارع الفرزدق ، تقريبا خامس أو سادس إشارة ، رح يسار مع الاشارة ف بيكون وجهك شمال ، تعد الاشارة الأولى ، الاشارة الثانية رح معها يمين وهذا شارع الريل ، شف المحلات على يمينك ويسارك ، للمعلومية اسم الشارع الرسمي ( عمر المختار )
أي استفسار أنا حاضر ..

[ابولولو]

اخوي وانت جاي من طريق خريص من اتجاه الشرق ب اتجاه الجنوب طريق الدائري الشرقي امش الين يجيك جامع الراجحي علي اليسار ووجه جنوب يجيك مخرج 16 خش معه واتجه غرب تجيك ألاشاره الا له ثم الثانية بعده يجيك لوحه مكتوب يسار شارع الريل (عمر المختار)رح معه يجيك الشارع وفيه محل الكتبي للعدد اصلي ألماني هزت طمأن ضد الكسر

[المدار المدمر]

بارك الله فيكم اخواني سبيل الرشد وابو لولو وصفكم واضح

الله يعطيكم العافيه

[Hagaanaf]

أبعطيك وصف الطريق اللي أنا أروح معه ، لعله يكون واضح .
أنت على طريق الملك فهد وجهك جنوب ، قبل سوق عتيقة للخضار ( للمعلومية السوق في جنوب الرياض ) ، بيجيك مخرج شارع المدينة ارق معه ورح يسار ف بيكون وجهك شرق . امش إلى أن يقطعك شارع الفرزدق ، تقريبا خامس أو سادس إشارة ، رح يسار مع الاشارة ف بيكون وجهك شمال ، تعد الاشارة الأولى ، الاشارة الثانية رح معها يمين وهذا شارع الريل ، شف المحلات على يمينك ويسارك ، للمعلومية اسم الشارع الرسمي ( عمر المختار )
أي استفسار أنا حاضر ..

يحفظك الله
ليش مودي الرجال الى اخر طريق الملك فهد ، اقصر له المسافه
إذا كان سالك لطريق الملك فهد من الشمال للجنوب ، يأتيه مخرج الإمام ( تركي ) ( الخزان سابقاُ ) يخرج معه ، وإذا جأته الإشاره يأخذ معها يسار بأتجاه الشرق ، اول إشاره يطوفها ، ويمشي الى ان تأتيه الإشاره التي إذا طافها اصبح مساري الخط بإتجاه واحد جهة الشرق ، هو ماعليه الا ان يسلك المسار الايسر ، ومن ثم يأتيه اشاره تحت الكبري متى فتحت الإشاره وهو ماسك المسار الايسر فهو اجباري سيدخل من تحت الكبري ، وعليه ان يتجه يسار جهة الشمال ، ويمشي الى ان يجبره الشارع ان يأخذ معه ايمين همن ايضا يمشي قليلاً وسوف يأتيه شارع على اليمين متجه للشرق يسلكه ويمشي معه مسافة (500 ) متر وهذا هو شارع الريل
وانا انصح صاحب الموضوع انه يستأجر له ليموزين يكون امامه سيكون ذلك اريح واسلم له
على العموم اسم الشارع ( عمر المختار )
وبعدين وين يالحبيب ليش السؤال ، هذاك اول نسأل هالحين يالله اما لك الحمد والشكر القارمن موجود والجوال فيه خرائط شغل الخريطه ، واطلب اسم الشارع ، وآفضل طريق يمكنك ان تسلكه ، الجهاز سيخدمك لو بغيت يحطك بقندهار ماهوب عاد بشارع الريل

[web]

السلام عليكم

اخوي المدار شارع الريل اسمه عمر المختار شفه بالخارطه واضح

http://i.imgur.com/wV7yjtU.jpg

[بدران الدوسري]

على كلام من راح له من تالي يقال أن اسعاره غالية وصار مافيه فرق بينهم وبين محلات السباكة والكهرب العايدية

ميزته أنه أكثر من محل فتتقضى على راحتك


الله يوفقك وييسر أمرك

[المدار المدمر]

الله يجزاكم خير جميعا ماقصرتم

الله يعطيكم العافيه

[ساري 111]

افتح خرائط قوقل ماب اللي في الجوال واكتب (شارع الريل) ويعطيك اكثر من الطريق ويبين لك الاقرب واللي مافيه زحمه

[اصيل نجد]

اهم شي اخوي حدد اللي تبي قبل تروح والله اذا كنت مثلنا اننا نشتري اللي لازم واللي مايلزم صراحه الشخصيه تظعف في ذلك السوق تشوف ادريلات تتغزل فيها كل واحد يقول انا احلى تشوف مفكات انواع واشكال تسوي ميزانيه 300 او اكثر او اقل تطلع بدبل صراحه من دخل هالمحلات سبل عيونه وتحنط .
بس انتبه وانا اخوك اذا بتشتري عده اصليه لاتاخذ الا من عند محلات كبيره وخذفاتوره وشرط يكتب فيها الاصلي ومده الضمان ﻻانك تحصل بنفس الاسم ومكتوب عليها الماني وهي من جنبها ربي ييسر امرك