هل تم وقف تصاريح رأس بو قميص ..

[أبو ستري]

:mad:
يقول لنا واحد ( والعهدة على الرواي ) أنه كلم ضابط وقال أنه تم وقف التصاريح :(
من يأكد لنا الخبر :confused: :confused:

[karam122]

مشصحيح توني رايح الخميس الماضي

[أبو ستري]

الله يعطيك العافية ..
جرب إذا رحت مرة ثانية تحدق عند الصنادق اللي أول ما تدخل على اليمين .. ( هذه هدية ) .. :)

[hih]

يا ابو ستري هل هذا المكان ممتاز
لان بصراحه في واحد دلني عليه بس ما اقتنعت فيه

[بوأحمد_]

السلام عليكم اخواني والله ياابوستري المنطقه اهناك تخوف انا رحت مره اهناك بس ماعجبني الوضع تحس المويه ترتفع وإذا ارتفعت وين توقف ما ادري وين ومشكورين اخواني على هالمشاركات الطيبه :)

[faafree]

الله يعطيكم العافية....
خابر احسن مكان عند السان الرملي مقابل الجزيرة....او الراس...بس لازم واسطة؟؟؟؟؟

[أبو ستري]

السلام عليكم اخواني والله ياابوستري المنطقه اهناك تخوف انا رحت مره اهناك بس ماعجبني الوضع تحس المويه ترتفع وإذا ارتفعت وين توقف ما ادري وين ومشكورين اخواني على هالمشاركات الطيبه :)

ما فهمت عليك كيف الماية ترتفع وين توقف ..!!
أنت تحدق على السيف وإذا طلعت الماية أرجع ورى إلى أفضل مكان بالنسبة لك :rolleyes:
والمنطقة تخوف لو رحت في ليل أما إذا كنت تروح وسط الشهر فهذا أفضل لانك ما تحتاج نور ;)

[أبو ستري]

الله يعطيكم العافية....
خابر احسن مكان عند السان الرملي مقابل الجزيرة....او الراس...بس لازم واسطة؟؟؟؟؟

ما عرفت قصدك لأن ما أعرف الجزيرة ولكن الموقع اللي قلت عنه الكل يعرفه وفيه لسان . http://mekshat.com/vb/images/smilies/smile.gif

[أبو ستري]

يا ابو ستري هل هذا المكان ممتاز
لان بصراحه في واحد دلني عليه بس ما اقتنعت فيه

وش السبب إنك ما عجبك المكان أو ما أقتنعت فيه .

ما فيه صيد .
المكان مهجور .
سمكن صغار كثير .
أسباب أخرى .
ياليت تحدد عشان نعرف . :o

[faafree]

ما عرفت قصدك لأن ما أعرف الجزيرة ولكن الموقع اللي قلت عنه الكل يعرفه وفيه لسان . http://mekshat.com/vb/images/smilies/smile.gif
سلام ومرحب للجميع
ولو...اخوي ابو ستري.... ماكو اشهر من الجزيرة الا "الراس" في ابو قميص كل الحداقة تعرفها وسوالفها كثير.....تحصلها قبل ماتوصل السلاح بكيلو او اثنين هي كبيرة وقريبة من السيف تقدر تروح لها في الجزر راجل.....عن طريق اللسان.....والحداق فيها ممتاز ....شعور تقول مساند ...من الحجم؟
بس الحذر الحذر....
1-لازم تعرف وقت المد ووقت الجزر عشان تعرف قد ايش راح تجلس....خابر بوقميص خبل ...ماينعرف له شكثر يمد وشكثر يجزر وكم الوقت.....وعشان تاخذ احتياطاتك...ماي -ميوه-طعم
2-تروح خفيف قد ماتقدر ومعاك فلين عشان ترجع و يساعدك في شيل الاغراض والسمك ان الله وفق
3-لا تفكر بتاتا واشدد على كلمة بتاتا ...انك ترجع من الجزيرة للسيف في وقت المدة....الا اذا كنت بايع نفسك....والحوادث اللي سمعنا عنها كثيره ليقبل؟
4-وبما ان كلشي عندنا ممنوع ...لا سيما بعد ماكثر الحوادث على هلجزير.....اذا حبيت تروح لازم تحط في بالك انك تدارى عن السلاح...يعني في الليل لا تاخذ نور معاك...خل روحتك في قماري
موفقيين

[أبو ستري]

الآن عرفت قصدك ...
قصدك الجبل اللي يطلع لسان وقت الثبر تروح للجبل هناك وإذا صارت تسقي لا تروح ..
عرفته .. :)

[حساوي ولكن]

لا لم يتم ايقاف التصاريح ..

اول امس كنا هناك والجو روعة لكن بالليل برد فريزر .. والحين شددوا على التفتيش لا يشوفون معك شباك

وبالتوفيق ..

[أبو ستري]

الله يجزاك خير يا حساوي ولكن ... :)

[alburkan]

لم يتم ايقاف التصاريح

[أبو ستري]

تسلم الله يعطيك العافية .
وياليت يخلون المركز في مدخل بو قميص أفضل من المشاوير لسلوى ..!!

[خادم الإسلام]

يا أخوان وين مكان أبو قميص

[بن حـــمـــد]

والله انك صادق يا بو ستري.

راس أبو قميص بين الإمارات وقطر وضمن الاراضي السعودية

إحداثيات المدخل (التقاطع ، التفريعة) من طريق الإمارات بعد سلوى:
N 24 22 12.4
e 51 13 15.1

إحداثيات مركز التصاريح (خفر السواحل) في سلوى:
N 24 43 30.8
E 50 45 50.1

إحداثيات الراس:
N 24 34 25.2
E 51 30 14.3

[أبو ستري]

جزاك الله خير يا مدرب الغوص ..
فعلاً هناك تعنت وتزمت من الضابط المسئولين عن المركز , كأنك جاي تطر منهم .
مرة نجلس ساعة , ومرة ساعة ونص , ومرة ساعتين عشان التصريح .

ومرة الضابط مو موجود , ومرة الضابط يصلي قلنا معليه يصلي صلاة ربي لكن وش هالصلاة اللي تاخذ ساعتين الإ ربع ..!!

لماذا أهل الخليج من غير السعودييين لهم معاملة خاصة في جميع مراكز السعودية والسعودي ينتظر ويترجى ( جندي ) عشان التصريح مليان بشروط من أول الصفحة إلى أخرها تقول أنك تبي تقدم على وظيفة في أرامكو ..!!


نريد شوية رخى .
عاملونا مثل الكويتين على الأقل .. ;)

[خادم الإسلام]

والله يا أخوان لو شخص أخذ أسم هذا اللي يعقد الخلق ويشكوه لاختلف الحال ولكن ليش السكوت :confused: فالدولة أمنها الله لم تضعهم عبث وإنما وضعتهم لخدمة الوطن والمواطن .

[طحنون]

الاخ العزيزحاول انك تكون بالمركزوقت الدوام الرسمي يعني قبل الساعه 2ونص راح يخلص تصريحك بسرعه لان قائدالمركزيكون موجود
واللي يسوي التصريح يكون فيه ذمه شوي (علشان ماتروح للقائد وتشتكيه ) وبعد مايروح القايد تروح الذمه معه يعني يخافون من القايدولا يخافون من اللي فوق القايد يعني (مايخافون من الله عزوجل ) استغفرالله العظيم

[أبو ستري]

حتى بعض القادة ما يسون لك شي لو تشتكي .
إذا ما يكون هناك فاكس أو رقم مباشر للشكاوي على سلاح الحدود بشكل رسمي وسريع والإ أنسى الموضوع .

في احد المناطق جننا سلاح الحدود كل شي جاي ( طلع التصريح ) مع العلم أنه يعرف عددنا ويعرف السيارة ويقدر يتصل بالمركز يقول لهم هل السيارة الفلانية والعدد الفلاني أخذ تصريح أو لا ولكن الروتين ونظام الأستعباد لابد منه عندهم ..

وفي أخير الليل كان قريب من عندنا ناس لهم علاقة بالمركز كله , وإذا بالأخوان موظفين سلاح الحدود ذهبوا لجيران وسهرو معاهم إلى الصباح واللي لاحظته إن السهرة فيها خربطة ..!!

من يحاسب من ..!!