هايلوكس 92

[اابو مياس]

السلام عليكم ورحمه الله وبركاته اخواني عندي استفسار عن قير هايلوكس 92 يفلت بالخامس قلت ابي افكه بنفسي طبعا فكيت عمود الدوران وفكيت دائري القير وفكيت كرسي القير وقمت بسحب القير للخلف صار فراغ بين القير والماكينه حوالي 25 سم الحذاف والصحنه باينه لاكن مو راضي ينزل كانه متعلق وش الحل

[حمزةعبدالمطلب]

ابو مياس تعجبني
لازم تفك خمسة مسامير مقاس ١٧ حقت الحذاف
لازم تفك مسامير الدزق او الصحن خمسة مسامير او ستة نسيت والله مقاس ١٢
ملاحظة لازم وقت التركيب تجيب لك عمود سرعة توزن الدزق والكلتش علشان يركب عمود القير على طول علشان مايتعبك
فكيت السلف والكلتش من تحت
توكل على الله انا معك بعد الله

[اابو مياس]

ماقصرت اخوي حمزه وكثر الله من امثالك وتصدق عاد فكيت مسامير الصحنه الي هن مقاس 12 وفي واحد من البراغي رفض ينفك ابي احاول فيه اليوم انا وراه وراه

[الا سير]

اسمع يا اخوي لازم تهز القير فوق وتحت ويمين ويسار وتسحب على ورى
تري يطلع معك بس انتبه لايطيح عليك
ولحالك لاتحاول تسويها لان القير ثقيل وراح يطيح عليك
لا سمح الله

[حمزةعبدالمطلب]

ابومياس حط له بخاخ صدأ نوع ممتاز وضربه بالشاكوش شوي شوي ثم شده شوي ثم فكة

[اابو مياس]

سويت كل الي قلت اخوي حمزه ولا فاد شكله لازم حفره بس الي مستغرب منه قاعده كرسي القير ملحمه تلحيم وفيها مكان براغي شكل البراغي تنفك وتطلع القاعده

[حمزةعبدالمطلب]

لا ياخوي لاتفك كرسي القير فقط بجننك
فك الكمر اللى تحت القير وكرسي القير مباشر يعني فكة الكمر بالكرسي على طول
شكلك باقي ماقد فكيت صح ولا لا
بس علشان تستفيد انت وغيرك
اتفك السلف وتفك الكلتش من تحت
تفك الكمر او الجسر اللي مشبوك فيه كرسي القير علشان ينزل القير
تفك الداير اللي يشبك القير بالمكينة مسامير ١٧

تفك العصا حقت القير من فوق من الغمارة بحيث انك ماتخرجها للاخير علشان وقت التركيب ماتتعبك
تفك مسامير الصحن مقاس ١٢
تفك الداير مقاس ١٧
قطع الغيار
فحمة وصحن وكلتش ورمان الكرنك اذا هو خربان وصوفةخلفية للكرنك دامك فكيت
اسمح لاخوك اذا قصرت

[اابو مياس]

ماقصرت اخوي حمزه ويعطيك العافيه انا لسى ماطلع القير معي امس اشتغلت فيها شوي وكان الجو امطار وطلعت اتمشى ولاكن انا فكيت مسمارين حقت الجسر الي فيهن ماسوره جايه من المقص ونزلت السياره معي وللعلم المسامير الي في الجسر طويله هل تنفك للاخر عشان بكره اذا طلعت من الدوام على خير اشوف لها حل

[مسير عليكم]

اخوي ليش تفك القير اذا يفلت بخامس يعني تعشقه وينطلق للفاضي هذي تصلحها بدون فك قير هذي الله يسلمك تروح للقير من فوق تفك الديكور الي علي عصى القير وبعدين تفك عصى القير طبعا فيه كبس يمكسك العصى تضغطه وتفره وينفك هذا تحته جلبه تلاقيها متحلله تغيرها واخر لاطلعت العصى شف فيه تحت بلاستيكه في نفس العصى غيرها وماعاد يفلت ان شاء الله وهذي الي دايم العله منها

[اابو مياس]

تم حل المشكله والتي كانت قاعده كرسي القير كان فيه لحام من جهه وبرغي مكسور من البراغي الي فوق الي بالجسر وتم فكها بلحام اوكسجين

[بدوي جنوبي]

اخى ابو مياس
الله يوفقك يعجبنى اللى يشتغل بيده
لكن القير يتعبك اذا مافى حفره

الله يعينك

[الوقيدي]

السلام عليكم غالبا القير عندما يفلت نمر والسياره تمشي اولايأخذ تعشيقه عكس الغيارات الاخرى فالعطل في النحاسات داخل القير . لكن لايمنع ان تتأكد من جلد عصا القير من فوق قد تكون تالفه .أعانك الله.