المساعد الشخصي الرقمي

مشاهدة النسخة كاملة : لغز يقرمش31 (جديد) .............. الحل : بنت المطر ...... حله : ( الذيب ) ابو ذيبان


نحيحيل الوادي
14/04/2014, 06:42 AM
سلام الله عليكم ورحمة منه وبركاته

صباح النور والسرور والورد والبنور

لغز مسلي مهدي مني للحبيب ابو ماجد

يا سحايب نجد او يم القصيم / استهلت صبح من عقب الصلاه

ونثرت من موقها خير عميم / وروت الوادي وضلعه بالمياه

خبريني وين صاحبنا الحميم / ايه بو ماجد عسى الدنيا فداه

صاحب فالجود من يومه خشيم / ما يعرف يصر ما تقضب يداه

كل نسر قاطع الجوزا محيم / عارف بيته ومرهي في عشاه

طيب المنطوق في قلب سليم / دايم يعطيك ما قلبه كناه

من بعدها قوم وسمع يا فهيم / قرب المركى ودنيلك حزاه

وطرد الحرمه ترى عندي مقيم/ وقض شهرك كان يبقى من قضاه

وقفل الجوال جعله للصريم / وعطي الموتر لحضرة كالشاه

ياخذ الورعان لا سوق النظيم / والعصر لحتجت لك شي قضاه

والعمل دشره يرزقك الكريم / رازق النمله ومحقور الدباه

سامحوني لغزنا حيل سميم / ما يباله غير خالي في فلاه

ويش بنت شكلها شكل وسيم /لابسه بشت دلع مثل القضاه

والعظام دقاق يذريها النسيم / والعمر محدود يا مقصر مداه

دايم يقلون من فوق غيم / او تحصل نايمه تحت الحصاه

وسلامتكم

تراني امزح الا ام العيال
ابوذيبان
14/04/2014, 07:09 AM
الله الله الله

ابداع امتاع اطراب

صح السانك يالمبدع . نحيحيل الوادي

ملايييييين

وشيخنا ابوماجد . يستاهل الطيب كله

رمعة افتتاحية

بنت المطر . !

والبعض يسميها نملة مرايشة .

دمت متألقا

0
نحيحيل الوادي
14/04/2014, 07:20 AM
هلا وغلا بالمبدع الرائع

ما شاء الله عليك وحواليك ما خليته يتنفس

كفووووو كفوووووو كفووووووو
كفوووو كفوووو كفوووو
كفوووووووووو

فعلا الحل


بنت المطر

سلمت وسلم تفكيرك

بس ما في صوره للذكرى
ابو ماجد 2
14/04/2014, 07:24 AM
رفع الله قدرك دنيا وآخره يابو عزام
غمرتني بكرمك
صح لسانك على الابيات
وصح لسانك على اللغز
قراته بدون ان اشاهد المراميع
واتت بالبال بنت المطر لكن وجدت جزلان رامعها
ننتظر ختمك لاهنت
صافى السريره
14/04/2014, 07:32 AM
ابوعزام صح لسانك ابيات ماتجي الا من شاعر متمكن وابو ماجد يستاهل نرد الصوت معك بالتأييد ولغزك محكم مافي شده له تقبل اعجابي
نحيحيل الوادي
14/04/2014, 07:33 AM
حياك الله يا ابا ماجد

صح بدنك والطيب فالك

اصلا من يوم نزلت اللغز الختم في يدي ما فيكم حيله :good2::good2::good2:

بعدين راعي العجرا ارسل لي على الخاص يقول ان عطاك ابو ماجد ناقه من امهات 300000000

لا تنساني:D:D:D:D:D:D:D:D
نحيحيل الوادي
14/04/2014, 07:37 AM
ابوعزام صح لسانك ابيات ماتجي الا من شاعر متمكن وابو ماجد يستاهل نرد الصوت معك بالتأييد ولغزك محكم مافي شده له تقبل اعجابي


حياك الله وبياك وارخص الدنيا(من غير ذكر الله) واغلاك

صح بدنك يالغالي

والله شهاده اعتز فيها

وانتم جميعا محل للمدح والثناء
ابو ماجد 2
14/04/2014, 07:41 AM
حياك الله يا ابا ماجد




صح بدنك والطيب فالك


اصلا من يوم نزلت اللغز الختم في يدي ما فيكم حيله :good2::good2::good2:


بعدين راعي العجرا ارسل لي على الخاص يقول ان عطاك ابو ماجد ناقه من امهات 300000000



لا تنساني:D:D:D:D:D:D:D:D



حياك يالغالي
راعي العجراء جيد ياخذ ولا شفته يعطى الا اخيي الهيل عطاه منيفه
واثرهم يبون الفكه منها ومن ورعانها
شف الهيل شاقي ماغير يحجرها لاتطلع للشارع مايقدر ولا يفضي للنت
انت تستاهل ذود نبي نتكلم بلغة اهل البل
ذيب الفقارة
14/04/2014, 07:44 AM
وعليكم السلام ورحمة الله وبركاته

صح لسانك أخي الغالي

أبو عزام

لحلف إنك مفطر عسل ... ما هو مثل بعض الناس يفطرون مدمس

.................................................

كفووووووووووووو كفووووووووووو كفووووووووووووو

أخي الغالي

أبو ذيبان

قضيت عليه بالضربة القاضية في الثانية الأولي من الجولة الأولى

الحل هو :

بنت المطر

وصح لسانك ملايين

أبو عزام

تحياتي
نحيحيل الوادي
14/04/2014, 08:13 AM
حياك الله يا العزيز والغالي ابا عدنان

صح بدنك وصبحت بالرضى والنعيم

صدقت ليه ثلاثه ايام عند النحل كرف وعساسه واليوم عوضنا والحمد لله

سلمت
صقر السديرات
14/04/2014, 10:36 AM
صح لسانك ملايين ابو عزام
وابو ماجد يستاهل معلقات
وكفو ابو ذيبان
دمتم بخير
عطري
14/04/2014, 10:42 AM
و عليكم السلام و رحمة الله و بركاته



صح لسانك و عسلك أبا عزام ، تعاهد جيرانك.



يستاهل الزعيم أبو ماجد كل زين و كل خير ، الله يحفظه لنا.



و



كفوووووووو



ثم



كفوووووووووو



أبا ذيبان



ما شاء الله



ضربة قاضية خارج الحلبة قبل بدء المباراة.
نحيحيل الوادي
14/04/2014, 01:29 PM
حياك الله عطري العزيز والغالي

صح بدنك وبارك الله فيك

ابشر ان جابه الله مالك غير الطيب

هذي تناتيش باقيه تعرف تعينا على الحياه
ابوذيبان
14/04/2014, 03:23 PM
كفوكم الطيب لاعدمتكم

لغز معلم ماشاء الله عليك يالغالي صح قلبك

المحب

0