مشكله في باب الباترررول

[سفاري سوبر]

السلام عليكم

خير الكلام ماقل ودل

عندي باب الراكب حق الباترول ماصار يفتح نهائيا لا من الداخل ولا من الخارج

وش الحل والله احترت فيه لان اكثر الورش قالو راح نكسر ديكور الباب

[الحميضاني]

كم مديل السياره

[سفاري سوبر]

(((((((98)))))))

[الحميضاني]

هذا ما عندي علم عنه بس حاول تفك الديكور من الاعلى يمكن تقدر تحل المشكله

[ذيب سايه]

على م اعتقد ان كلها كلبسات ،

[مفضخ الشري]

الديكور ماينفك الا اذا فتحت الباب و الرجال باب موتره مايفتح لا من جوا ولا من برا

طيب القزاز ينزل ؟ ماتقدر تدخل سيم في مجرى القزازة مثلاً وتسحب الواير اللي يفتح الباب .. مدري كيف طريقه باب الباترول لكن اعطيك فكره ممكن تساعدك

[sgl2002]

الله يعينك صارت لي قبل وغيرت القفل الداخلي ب٣٥٠


لازم يفك الديكور من داخل بطريقه فنانه ويفك الباب

[سفاري سوبر]

الله يعين

ولا يهين كل من علق على الموضوع

[عاشق الغضا]

رح لابو ابراهيم له محل قص مفاتيح يضبطه لك ان شاء صارت معي نفس المشكلة , الموقع الرياض شارع الامام الشافعي وانت مخلي كلية المعلومين بيمينك بتجاه الجنوب تجيك الاشارع طول يجيك السدحان على يمينك تعده ب150 متر تحصله على اليمين . صارت لي المشكلة حربشت بالموتر وانقفل ولافتح ورحت لمه وصلحه

[سفاري سوبر]

ياليت تعطيني وصف دقيق

لان اسم شوارع الرياض معرفها

او يكون معك رقم جواله افضل

[عاشق الغضا]

الوصف مخرج 15 كانك متجه لمقبرة النسيم باتجاه الشرق يجيك الهرم للملابس على يمينك بعد الهرم بنصف كيلو ديور وارجع امش 300متر يجيك طريق سيدين لف معه يمين طول يجيك الاشاره ديور وارجع يصير السدحان على يمينك امش شوي يجيك على اليمين لوحته حمراء. فيه سعودي ابوابراهيم .ورقم جواله ماهب عندي

[هويدي]

حصلت معي في باترول 2001 غيرت القطعه اللي فيها ثلاث مسامير بالباب

اذا فتحت الباب تشوفها قيمتها ـ ان ماخانتني الذاكره ـ 250

بعد اذن صاحب الصورة
http://www.mekshat.com/pix/upload/images39/mk14425_img_03466.jpg

[ولد حربmaged]

دايم تحصل بالباترول من الغبار انا حصلت معي بالباب الخلفي والحل بسيط ان شاء الله بخاخ حق الصدا حاول تبخه من القفل ومن بين البابين وتضبط سويت كذا والحمدالله ليومك الباب زين