مشكلة عجزت احلها في كهرباء السيارة !!!!

[we2]

السلام عليكم ورحمة الله وبركاته

سيارتي كامري وارد امريكا موديل 1999 محرك V6

فيها مشكلة رمشة في الكهرباء سواء الاسطبات او الطبلون او لمبة السقف

يعني كامل السيارة وحتى اذا دعست بنزين ما تتغير !!!

وانا سبق مغير البطارية في رمضان الماضي

وقبل شهرين او 3 غيرت الدينمو لان صار عندي مشكلة وغيرت الدينمو كامل

وهذه المشكلة من اول يوم اخدت السيارة تقريبا قبل سنتين وشوي

يعني قبل تغيير البطارية والدينمو

الحلول اللي جربتها نظفت اصابع البطارية مع اسلاك التأريض بشكل جيد

ومع صنفرة مكان البدي وما زالت المشكلة ما تغيرت

بس لاحظت تحسن في تشغيل السيارة وفي سواقتها

طبعاً عملت اختبار للدينمو بهذه الطريقة

http://store1.up-00.com/2014-04/1397489236391.png

النتيجة :

بدون تشغيل السيارة : 12.8 تقريبا

مع تشغيل السيارة /

1- بدون سكن : 13.9
2- مع نور واطي : تقريباً بين 13.9 إلى 14
3- مع المكيف والنور الواطي : 13.58 إلى 13.60

اعتقد الدينمو ممتاز او فيه مشكلة ؟؟

[أصيل حجآ زي]

وعليكُم السلام ورحمةُ الله وبركاتُه

اخي :
فيه سلك سخيف ( نحيل ) يُشبك مع سلك البطارية السالب
ويُشبك في الهيكل ( الرفوف ) بنهاية وردّة ( ووشر washer ) .
يمكن المُسمار ( المُثبت ) لنهاية السلك محلول ( همّل ) فقط نظف
من تحت الوردّة ( صنفرها ) وثبتها زين / ولو تحُط عليها
شحم سلكون ( سلكون قريز silicon grease ) .



يجي شحم السلكون
( سلكون قريز silicon grease )
في عصار .

[حمزةعبدالمطلب]

الله يبيض وجيهكم جميعا
كنت اعاني من المشكلة هذا وسويت اللي قلت اخوي اصيل وطلعت تمام والحمدلله
بس تنصحني اغير سلك جديد ابو عبدالرحمن

[we2]

بارك الله فيك اخوي اصيل

سويت اللي قلت لي عليه سلك السالب متفرع اثنين كل واحد مكان مختلف

لقيت الأول تحت الفلتر عليه شوي صدا ونظفته لين خليته كأنه جديد

والثاني شبه نظيف بس عملت له تنظيف وصنفرة وحتى المكان اللي يمسك فيه البدي صنفرته وراح لون البوية مكانه

وللأسف ما تغير شيء :(

الحين تقريباً نظفت كل اسلاك السالب

1- سلك السالب من البطارية

2- سلك ارضي من المكينة للبدي

3- سلك ارضي من الثلاجة للبدي

4- سلك آخر نسيت مكانه بس له علاقه بالارضي

وكلهم نظفتهم مع الصنفرة ونفس الحالة ما تغيرت

وهذا مقطع صورته من اصطب الزاوية الامامي ان شاء الله يكون واضح في التصوير

http://www.youtube.com/watch?v=7hT3K-7h_oA

[أصيل حجآ زي]

اخي صاحب الموضوع ؛
مشكلتك في سلك ماص ( تاريض ) همّل ( محلول ) تثبيتهُ .

او احد المُرحلات ( رلي relay ) دبابيسه الاُنثى متوسعة كثير .

بمعنى اخّر ؛
المُرحّل لَهُ أربعة ٤ دبابيس تدخُل في
بريزة ( قابس ) به أربعة ٤ خروم ( دبابيس اُنثى ) .
تحصّل احد الدبابيس الاُنثى متوسّع خاصة احد رقمي الطاقة ،،،'
اما رقم ٣٠ او رقم ٨٧ هذي اللي تمُد طاقة ( كهرّب ) للجهآز المخدوم .



اما احدهُم دخل سلك او ابرّة ( مجس )
قياس كهربي ( ملتي ميتر multi meter )
سميك ووسّع ( خرّب ) احد دبابيس المُرحّل الاربعّة ٤ .

او من كثرّة ؛
ادخال وإخراج المُرحّل من / في مكانُه .


يبغى للشغلّة حرافة وحذّر ؛
تفصل البطارية وتبحث عن الدبوس الاُنثى المتوسّع
وتقرُصهُ ( تشُد عليه / تضغطهُ ) برأس إرادية إبرية / حادة .

لما أقول لك زرادية ابرية حادة
اقصُد زرادية رأسها حاد مثل الإبرة .

يسميها العلوج ( نيدّل بلير needle plier ) .
انقُل اسمها بالعنكريزي لنافذة صوّر الغوغل ( قوقل )
وبتشوف شكلها وصورها وتعرّف مقصدي .

[أصيل حجآ زي]

الله يبيض وجيهكم جميعا
كنت اعاني من المشكلة هذا وسويت اللي قلت اخوي اصيل وطلعت تمام والحمدلله
بس تنصحني اغير سلك جديد ابو عبدالرحمن




اخي / ابو فاطمة ؛
ووجهك ابيض / بارك الله فيك / حاضرين يا عّم .

كُلما كان سلك الماص ( التاريض ) اثخّن / اسمّك
كان افضّل / ليسمح لأكبر كمية من التاريض .

[we2]

اخي صاحب الموضوع ؛
مشكلتك في سلك ماص ( تاريض ) همّل ( محلول ) تثبيتهُ .

او احد المُرحلات ( رلي relay ) دبابيسه الاُنثى متوسعة كثير .

بمعنى اخّر ؛
المُرحّل لَهُ أربعة ٤ دبابيس تدخُل في
بريزة ( قابس ) به أربعة ٤ خروم ( دبابيس اُنثى ) .
تحصّل احد الدبابيس الاُنثى متوسّع خاصة احد رقمي الطاقة ،،،'
اما رقم ٣٠ او رقم ٨٧ هذي اللي تمُد طاقة ( كهرّب ) للجهآز المخدوم .



اما احدهُم دخل سلك او ابرّة ( مجس )
قياس كهربي ( ملتي ميتر multi meter )
سميك ووسّع ( خرّب ) احد دبابيس المُرحّل الاربعّة ٤ .

او من كثرّة ؛
ادخال وإخراج المُرحّل من / في مكانُه .


يبغى للشغلّة حرافة وحذّر ؛
تفصل البطارية وتبحث عن الدبوس الاُنثى المتوسّع
وتقرُصهُ ( تشُد عليه / تضغطهُ ) برأس إرادية إبرية / حادة .

لما أقول لك زرادية ابرية حادة
اقصُد زرادية رأسها حاد مثل الإبرة .

يسميها العلوج ( نيدّل بلير needle plier ) .
انقُل اسمها بالعنكريزي لنافذة صوّر الغوغل ( قوقل )
وبتشوف شكلها وصورها وتعرّف مقصدي .


ان شاء الله اليوم سوف اعمل باللازم والزرادية عرفتها من قلت رأسها حاد

وشكلي مرة واحدة راح ابدل سلك السالب اللي من البطارية بواحد جديد كامل

اشكرك على المتابعة معي وراح ابلغك بالنتيجة

[we2]

السلام عليكم ورحمة الله

شيكت على الفيوزات والـ Relay والدباببيس وكلها سليمة

اليوم العصر مريت على 3 كهربائيين

الأول شيك على الدينمو وقال ضعيف بس ما يعرف يصلحه مو شغلته

الثاني قال فيه ضعف لكن شغال ويشحن واحتمال يا كتاوت او فحمات لازم افتحه واشوف وش المشكلة

الثالث وهذا احسه فاهم بس مدري كلامه صحيح او يسلك لي ؟!

اول شيء شيك على الدينمو من خلال البطارية ووراني عنده جهاز فيه 3 لمبات وشاشة ديجيتال

ركب الجهاز على البطارية في السالب والموجب وولعت لمبة حمراء على كلمة BAD

وقال الدينمو ضعيف وجرب فصل اصبع البطارية والسيارة ما طفت لكن زادت الرمشة

وقال هذا عندك كتاوت الدينمو لازم تبدلها وسألته ممكن الفحمات قال لا

لو انها فحمات كان طفت السيارة مع فصل البطارية

وكمان شيك على البطارية لحالها وممتازة

وش رأيكم في كلامه وهل اتوكل على الله واغير الكتاوت ؟ ووين احصلها الكتاوت ؟

[الا سير]

الكتاوت غالية خذ لك دينمو من التشليح كامل
اوفر لانك احتمال ما تلقها

[we2]

الكتاوت غالية خذ لك دينمو من التشليح كامل
اوفر لانك احتمال ما تلقها

انا اساساً مغيره قبل شهرين فقط !! وكان نظيف وشغال تمام فجأة خرب

مشكلة التشليح مع الاجهزة الكهربائية ما اثق فيها كثير مثل الحساسات اشتريها جديدة ولا اخدها تشليح

اما لو كان هوب او عكس او شيء ميكانيكي راح تاخده وانت متأكد بالنظر والتجربة

بجرب اركب الكتاوت لان دام الدينمو شغال ومافيه عيوب كبيرة

[ولد حربmaged]

الدينمو اللي انت مغيره تأكد منه لاتركب الا اصلي وابعد عن المجدد ولا الدينمو السابق اذا هو شد بلد صلح العطل اللي فيه احسن من دينمو جديد

[we2]

الدينمو اللي انت مغيره تأكد منه لاتركب الا اصلي وابعد عن المجدد ولا الدينمو السابق اذا هو شد بلد صلح العطل اللي فيه احسن من دينمو جديد

اللي مغيره ماركة دينسو نفس الوكالة بس مدري ليش خرب

يمكن راح عمره الافتراضي او الفحمات والكتاوت تحتاج تغيير

والدينمو السابق ماله علاج خرب بالكامل

اليوم العصر مريت محل قطع غيار وقالي انسى تحصل كتاوت او فحمات لازم تشليح او واحد جديد

والتشليح وش يضمن لي ان راح يعيش معاي فترة طويلة ممكن فيه نص او ربع من عمره الافتراضي وراح يخرب بعد فترة قصيرة

والشيء الثاني سعر التشليح 300 ريال وماعليه ضمان بس تشغيل

والجديد من موقع امازون ماركة دينسو سعره بدون شحن بـ $149.17

يعني تقريباً 560 ريال يعني فرق بس 260 ريال عن التشليح

اللي قارهني الشحن مكلف مكلف لان فيه وزن ولا كان طلبته وريحت نفسي من التشليح

مدري وش اسوي متحير :(

[ابوراكان تبوك]

مايخرب الدينمو الا اذا عليه أحمال زيادة أو أنه ضعيف ( أقصد برقم الفولتات )
احتمال اللي انت غيرته حتى لو دنسوا وحق 6 سرندل لكن القديم الاصلي أقوى منه في الفولتات ولاتنسى سيارتك استخدام أمريكي احتمال كبير ان قوة الدينمو تختلف
لو انجبرت على دينمو جديد حاول تشتري من المواقع الامريكية
واذا كان مكلف
أشتر من التشليح بـ 300 وأشرط عليهم انه شغال ويشحن ولا فيه أصوات

لكن حط في بالك مهما كان الدينمو ضعيف أو قوي ما يسوي رمشة الكتاوت هي السبب