طرنبة الزيت بالجمس دبل

[tiger3000]

السلام عليكم ورحمة الله وبركاته

اخواني عندي مشكله بالجمس حوض
موديل 89 دبل
وهو انبير الزيت من اول ماشريت الموتر وهو على الثلث
طبعا انبيره الاول صفر ثم 200 ثم 400 والانبير بين الصفر و 200
وثابت يزيد قليل ويرجع لوضعه
ولاكن لاحظت قبل اسبوع عند مامشيت عليه فوق 140 ولعت لمبه حمراء مكتوب فيها شيك على الحساس ونزل الانبير لقريب الصفر ويوم رفعت رجلي على طول طفت اللمبه ورجع الانبير لوضعه

هل المشكله بالانبير ام بالحساس (ساعة الزيت) ام بطرنبة الزيت

ارجوكم اللي مرت عليه والا له خبره مااستغني عن شوركم

انتظركم

[اابو مياس]

اخوي اذا تسمع صوت طقطقه بلوف عند نزول الانبير يكون من طرمبه الزيت او ربله طرمبه الزيت

[tiger3000]

هلا اخوي ابو مياس
صوت المكينة صافي ولله الحمد
سواء عند التشغيل او مع الخط مااسمع شي ابد

وش تنصحوني فيه
لان تخبرون الاجانب مايهمه الا مخباته ولو كانت المشكلة بسيطه يكبرها

[بدوي جنوبي]

اولا لا تستعجل
نبدا بالسهل وهو تغيير حساس ضغط الزيت

oil pressure gauge

شف رقم 4
http://ww2.justanswer.com/uploads/dt69nova/2011-04-07_172219_pic.gif

[tiger3000]

بيض الله وجهك يابدوي جنوبي ورحم الله والديك
تم شراء الحساس وسوف يتم تركيبه اليوم بإذن الله تعالى

ولاحظت ان السياره اذا كانت بارده عادي يرتفع النبير مع الدعس واذا احتر الموتر يبقى على الربع

شاكر لك مرورك ونصيحتك

[MSAN]

تأكد ان فلتر الزيت أصلي.. ابعد عن الي عند محلات البناشر واشتريه من محلات قطع الغيار


بالتوفيق

[بدوي جنوبي]

بيض الله وجهك يابدوي جنوبي ورحم الله والديك
تم شراء الحساس وسوف يتم تركيبه اليوم بإذن الله تعالى

ولاحظت ان السياره اذا كانت بارده عادي يرتفع النبير مع الدعس واذا احتر الموتر يبقى على الربع

شاكر لك مرورك ونصيحتك


جزاك الله خير
ولك بالمثل
شوف انا فوق كتب بالاحمر قيج
والصح مكان كلمة قيج سنسور

[tiger3000]

الله يسعدكم جميعا
تم تركيب الحساس ولم يحل المشكله كما هي
فعلا انا مركب سيفون من نفس البنشر اللي غيرت الزيت عنده
بجرب اشتري سيفون من قطع الغيار والله يكتب اللي فيه الخير

وجزيتم خير الجزاء

[tiger3000]

تم تغيير السيفون اليوم ولم يكون فيه أي تغيير
انبير الزيت زي ماهو

اذا شغلت الموتر وهو بارد الانبير مية مية مع دعسة البنزين يتعدى النص وبعد مايحتر الموتر وانا ماشي يرجع ع الربع
واذا تعديت 140 تولع لمبة السنسور وينزل ضغط الزيت قريب الصفر

هل من حل؟؟

يابدوي جنوبي وحجازي اصيل وسوبر فتك والشباب نبي فزعتكم تكفووووووون

[بدوي جنوبي]

الانبير عندك يبدأ 0 ،،،30 ،،60
مثل هذا
http://www.mekshat.com/pix/upload05/images253/mk32037_100_0846.jpg

اذا احترت السياره ونزل الضغط
وقتها اتجه لورشة يقيسو ضغط الزيت بساعه خارجيه
مثل ساعه تعبئة الفريون او مشابهه لها

http://image.hotrod.com/f/techarticles/hrdp_1302_1995_ford_mustang_cobra_347_windsor_oil_ pressure/41987002/hrdp-1302-13%2B1995-ford-mustang-cobra-347-windsor-oil-pressure%2Bengine-test.jpg

http://www.pmdproducts.com/images/products/55.jpg

[بدوي جنوبي]

الضغط المناسب هو بين ال 30 و ال 60 بي اس آي psi

اذا وصلت 140 ويقل الضغط هذا معناه ان طرمبة الزيت ما تدفع زيت كافى

[tiger3000]

هلا بك اخوي بدوي جنوبي

اللمبه اللي تولع حمراء ومكتوب فيها check gauges

طبعا الامبير عندي

صفر - 200 - 400

والمشكلة بالضبط:

اول مااشغل الموتر ضغط الزيت اقل من النص شوي يعني تحت 200 بشويه واذا دعست بنزين يرتفع الانبير فوق النص يعني فوق ال 200 ولاكن مجرد اني اعشق وامشي بعدها بأقل من 10 دقايق يرجع الانبير على الربع واذا وقفت يكون تحت الربع بشي بسيط
واذا دعست بنزين يرتفع للربع او فوق الربع بشويه فقط

واذا مشيت مع الطريق الطويل يثبت ع الربع او فوق الربع بشي بسيط واذا تعديت 140 ونوبات 150 ينزل الانبير لقريب الصفر وتولع لمبة check gauges الحمراء واذا خففت السرعه 130 تطفي اللمبه ويرجع الانبير للربع .


طبعا قريت عن check gauges لقيته يختص بالمقاييس او انبيرات القياس اذا انخفض احدها او زاد عن معدله تولع وتشير للخطر.

واذا نزل الانبير وانا ماشي مااحس بالموتر أي تغير بالعكس الوضع طبيعي جدا بالموتر
حيرني والله

رحت لواحد وقالي الموديلات هذي من القليل تعطل طرمبة الزيت

مع انه تم تغيير السيفون وحساس الزيت اللي يجي خلف المكينه تحت الديلكو بين المكينه والقير

طبعا عندي القير والحذاف يبيلها تضبيط لان عندي لمن الموتر احتر وعشقت بالريوس يرقل الموتر رقله لازم ادعس بنزين عشان يرجع . هل هو سبب؟

ويوجد فوق السيفون جهاز معين كأنه ساعة زيت او حساس وشهلوه ذا هل هو لقياس الزيت او له شغل بالأمبير ؟؟


فزعتكم يالنشاما

[tiger3000]

والا هل معناته ان طرمبة الزيت يبيلها تغيير

[tiger3000]

ياشباب رحت لواحد تركي مشهور بالامريكي وقالي اللي انت غيرت الحساس اللي مكانه فوق باخر المكينة تحت الديلكو
يقولي جرب تغير ساعة الزيت اللي فوق السيفون حق الزيت
لانه سمع شغل المكينة وقالي الطرمبه مافيها شي لان المكينة لافيها صوت تكايات او سبايك
وفعلا ولله الحمد السياره ماسمعت فيها أي صوت طقطقة اشغلها صافي من اول مااشغلها لما اطفيها

ويقول هذا شغل كهرباء اكيد فيه التماس !!!

هل كلامه صحيح ؟
وفعلا فوق السيفون فيه شي مغطى بشخال اعتقد انه شبه البوجي وفيه سلك!!

هل من الممكن انه هو السبب؟؟

فزعتكم

[tiger3000]

يا بدوي جنوبي واصيل حجازي وسوبر فتك

تكفون ابي تعليقكم

[tiger3000]

ياشباب تكفون ابي مشورتكم :(

[tiger3000]

السلام عليكم ورحمة الله وبركاته

جعلنا الله واياكم من المقبولين بشهر الرحمة

غيرت طرمبة الزيت جديدة واخذت كم يوم الانبير بين الربع والنص ولاكن قبل يومين الانبير اول مااشغل الموتر مضبوط لاكن لمشيت خط يرجع تحت الربع وتولع لمبة التحذير
والمكينة والحمدلله شغلها صافي .

قالي ميكانيكي هذا من ساعة الزيت اللي فوق السيفون اشتريت وحدة جديدة ولاكن للاسف ثبت الانبير اول مااشغل الموتر على الربع ونوبات لشغلت المكيف ينزل تحت الربع


يالربع وش الحل تكفون؟؟؟؟؟؟؟؟؟؟؟؟؟؟

[tiger3000]

لاتنسوني يارجال

[tiger3000]

ابي اوصل المشاركات 50 عشان اقدر ارسل رسايل خاصه للشباب

[tiger3000]

وهذي كمالت الخمسين هههههه

[بدوي جنوبي]

يا غالي
لا تخسر نفسك
ونادر تخرب الطرمبه
ممكن ساعة الزيت ف الطبلون خربانه