ثلاجة سونايكو ايسترون

[سنجار 1]

السلام عليكم ورحمه الله وبركاته
أخواني المكشاتيين
اليوم وبينما انا اتجول في شارع الغرابي
آخذني الفضول لدخول علي الحميدان للكترونيات وتفاجأت بوجود ثلاجه سونيكو ايسترون الصناعه صينيه والكمبروسو secop الالماني المعروف
حيث تفاجات بالاسعار لدي الوكيل الخمسين لتر ب 1700 و الخمسه والثلاثين ب 1600ريال
بينما اصحاب محلات الرحلات هداهم الله لا يقنعهم المكسب القليل علماً بانهم ياخذون بالجمله ويكون المبلغ اقل من ذلك ومن لديه اي استفسار هاذا رقم الوكيل 0114026898

http://i.imgur.com/90m2SAd.jpg

http://i.imgur.com/PAZCWaU.jpg

http://i.imgur.com/phVQsd2.jpg

[وادي الريمة]

فعلا كلامك سليم ومشكور على هذا الموضوع

مريت محلات المرباع قبل اسبوع في عنيزة وحصلت مقاس 35 ليتر بسعر 1800
ومقاس 50 ليتر بسعر 1950

وتحصلة ماخذها باقل من الاسعار الي ذكرت انت لانه ماخذها من الحميدان بسعر الجملة


الله يرزق الجميع لكن الاستغفال والاسغلال مايجوز


بارك الله فيك ياخي الكريم

واتمنى عن من جربها يفيدنا عن تجربته وتبريدها

[سنجار 1]

فعلا كلامك سليم ومشكور على هذا الموضوع

مريت محلات المرباع قبل اسبوع في عنيزة وحصلت مقاس 35 ليتر بسعر 1800
ومقاس 50 ليتر بسعر 1950

وتحصلة ماخذها باقل من الاسعار الي ذكرت انت لانه ماخذها من الحميدان بسعر الجملة


الله يرزق الجميع لكن الاستغفال والاسغلال مايجوز


بارك الله فيك ياخي الكريم

واتمنى عن من جربها يفيدنا عن تجربته وتبريدها



انا مجربه صراحه مبدعه الثلاجه

[أبو شيري]

يعني تنصحون بالثلاجه ؟

[تمير نت]

مشكور ع تنبيهك وماقصرت وريتك بيضه

[ولد وايل]

الخمسين لتر منتهيه من السوق

والاسعار اللي انت حاطها اسعار الجمله وليس القطاعي

[سنجار 1]

الخمسين لتر منتهيه من السوق

والاسعار اللي انت حاطها اسعار الجمله وليس القطاعي

مالك لوي انا شاريها قطاعي بذا الاسعار
وبعدين رقمهم موجود اتصل عليهم

[الشيخ الظريف]

يا سنجار انت رجل طيب وتحب الخير للناس وما تلفت للعروض الأخرى

[ابو حمود 511]

جزاك الله خير يا سنجار

طيب هي عمله ممتاز

[مقعي]

كم لك مستخدمها وكم تاخذ وقت حتى تجمد
وهل فيه منها قرار
أرجو الرد ضروري

[باشا]

اتصلت على الرقم وقال لي الأخ المسؤول أن المبيعات جملة فقط ومقاس الثلاجة الــ 50 لتر منتهيه

[سنجار 1]

الثلاجه سريعه في التجميد وبالنسبه لسعرها لدي الوكيل
وهي عمليها وولم اري بها عيوب حتي الان
وشكراً لكم ولمشاركاتكم

[ابوسعيد091]

جزاك الله كل خير
وقليل مثلك

[مقعي]

لاهنت زودنا بمجموعة أخرى من الصور وصورة واضحة للوحة التحكم
وهل استخدمتها واحد ولا توها عندك
وهل شغلتها على التجميد مدة طويلة والسيارة طافية

[راع الونس]

الثلاجة راااااااااائعة جدا
تثليجها سريع
سعرها مناسب
الباب جانبي وليس طولي
حجمها صغير
له اسبوع معي تقريبا وما لاحظت عليها شئ الى اﻵن

[كسول]

مرحباً بالجميع
اللي ناوي يأخذ ثلاجة لاتفوووووته
نفس الطمره بالضبط (المصنع ,,, الماطور )
انا جلست وقت وانا استفسر عنها ولم اجد شخص سب الثلاجة
الان سعر الثلاجة رخيص جداً
اشتريتها من ابوركان ببريدة مقاس 35 بمبلغ 1700 ريال

[BAR]

اخي العزيز سنجار انا كلمت المورد الحميدان وقالي الخمسين لتر ١٩٠٠ومافيه مجال بالسعر فطلبت منه وحده عموماً الله يجزاك خير دليتنا عيها وهذا بحد ذاته خدمه تشكر عليها ومدحوها ماس كثير حسب التجربه والله يعطيك العافيه وماقصرت

[ابومحمد 88]

الحمد لله الثلاجة معي اكثر من شهر وتبريدها ممتاز ويميزها مروحه تبريد والغطاء حقها مضبوط وفيها الاهم وهو زر حالة الطوارى اللي هو اذا خرب الاكتروني حقها اللي هو الازرار التبريد تقدر تشغلها من الزر نفسه ميزه حلوه وايضا يوجد بها لمبات داخل الثلاجة عند فتح الغطاء وشكرا

[أبوبسام 0104]

أناشريت وحده قبل ممكن ثلاث أسابيع وكان قبلها عندي الطمرهcfx النوع الجديد
وبصراحه من خلال تجربة ثلاجة سونايكو أثبتت جدارتها بالتبريد والتثليج وعدم حرارة الكمبرسور لأن فيه مروحه من خلال هالتجربه وإن كانت قليله لكن بنظري تقوم مقام الطمره وزياده ولاتنسى إنها بنصف سعرها.

[لاتكب البيالة]

يالربع سؤال للي جربه

اذا شغلته كم تبي وقت تجمد كيسة اللحم

سؤال ثاني ومهم هل اذا مشيت ببطانيج تبدا ما تبرد ولا عادي لاني جربت وحده اذا دخلت البر تبدا ما تبرد

وسؤال اخير هل به تامين اذا ضعفت البطارية تفصل

ولكم الشكر

[ابومحمد 88]

رد الى لانكبت البياله .. الثلاجة اعتقد تجلس فتره في تجميد كيس اللحم من ساعتين واكثر وبالنسبه هل تبرد بالمطانيج ولا لا انا اقولك من تجربتي انها تبرد وتبريدها سريع ومن ناحيه الامان فلا يوجد بها امان تشفط البطاريه لين مايبقا فيها لذعه وهذا عيبها الوحيد لاكن تحتفظ بالبروده اكثر من الطمره

[ولد وايل]

فيها امان

حسب الاعدادات

معي لها 6 شهور

[ابومحمد 88]

نعم يوجد بها امان توي اعرف ان فيها امان مشكور ياولد وايل فيها 3 انواع ﻷعدادات التشغيل 1- نظام LO وهو يشتغل الكمبرسر حتى تخلص البطاريه 2- MID وهو يشتغل الكمبرسر اذا كان الكهرب عالي او متوسط واذا ضعفت البطاريه فصل 3-نظام HI وهو يشتغل الكمبرسر اذا كان الكهرب قوي فقط اذا توسطت البطاريه فصل ..... هذا على كلام بعض الاخوان

[نسري بالليل]

بيض الله وجهك يا صاحب الموضوع
بس نبي احد يفيدنا بسحب البطارية تكفون اللي مجرب

[أبورزان100]

بس دورناها مالقيناها اللي يعرف وين تباع يعلمنا الحميدان ماعنده شي

[ابومحمد 88]

الثلاجات كلها لازم تدبل البطاريه انا عندي تجلس 6 ساعات والسياره واقفه فقط طبعا البطارية 80 امبير

[منصورالشمري]

اللي يخبر لي نفس الثلاجه 50 لترجديده يرسلي رساله

[أبو الفهد]

السلام عليكم ورحمة الله وبركاته ..... تقبل الله منا ومنكم الصيام والقيام وجعلني الله وإياكم من عتقائه من النار في هذا الشهر الفضيل .
يا اخوان اتصلت على الحميدان اللي بالغرابي ،، وسألت عن موقعهم بالضبط قال لي أنه مقابل الضمان الاجتماعي ،،، وسألت عن الثلاجة المذكورة ،، وأفادني أنه لا يوجد منها شيء الآن لا كبير ولا صغير ،، وبعد العيد إن شاء الله بتكون موجودة ،،،،، والأسعار خمسيـن لتر بـ (1900)ريال و 35 لتر بـ (1700) ريال.

[اتجاه السحاب]

جزاك الله خير ياابو الفهد،،أببيع الويكو اللي عندي واشرية جازت لي��

[تركي الضرغام]

أخوي سنجار وين موقع المحل الغرابي كبير لاهنت وصف